ಪಟಾಕಿ ಪೋರಿ ಕಿವಿಗೆ 'ಮಲ್ಲಿಗೆ ಹೂವ': ಆಲ್‌ಓಕೆ ಉಂಗುರ ಲಪಟಾಯಿಸಿ ಬೆಸ್ತುಬಿದ್ದ ಆಶಿಕಾ!

ಕಾಫಿ ನಾಡು ಚಂದು ಕೇಳಿದ್ದಕ್ಕೆ ಸಾಂಗ್

ವಿಭಿನ್ನವಾಗಿ ಬರ್ತ್‌ಡೇ ವಿಶ್ ಮಾಡುವ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗಿರುವ ಕಾಫಿ ನಾಡು ವಾಯ್ಸ್‌ನಲ್ಲಿ ಸಾಂಗ್‌ ಶುರುವಾಗುತ್ತದೆ. ಅತ್ತಿಗೆ ಕೈಗೆ ಯಾವಾಗ ಉಂಗುರ ಹಾಕ್ತೀರಾ ಅಲೋಕ ಅಣ್ಣ ಎಂದು ಚಂದು ಕೇಳುತ್ತಿದ್ದಂತೆ 'ಮಲ್ಲಿಗೆ ಹೂವಿ'ನಂಥ ಆಶಿಕಾ ರಂಗನಾಥ್ ಎಂಟ್ರಿ ಆಗುತ್ತೆ. ಅಲ್ಲಿಂಗ್ ಮುಂದೆ ಆಕೆಯನ್ನು ಪಟಾಯಿಸುವ ಕೆಲಸ ಶುರುವಾಗುತ್ತದೆ. ಬ್ಯೂಟಿ ಆಶಿಕಾ ಕೂಡ ಬಿಂದಾಸ್ ಆಗಿ ಕುಣಿದು ಸಖತ್ ಚಮಕ್ ಕೊಡುತ್ತಾರೆ.

ಆಶಿಕಾ ರಂಗನಾಥ್ ಸ್ಟನ್ನಿಂಗ್ ಲುಕ್

ಇದೇ ಮೊದಲ ಬಾರಿಗೆ ಆಶಿಕಾ ರಂಗನಾಥ್ ಆಲ್ಬಮ್‌ ಸಾಂಗ್‌ವೊಂದಕ್ಕೆ ಹೆಜ್ಜೆ ಹಾಕಿದ್ದಾರೆ. ಸ್ಟನ್ನಿಂಗ್ ಲುಕ್‌ನಲ್ಲಿ ಪಡ್ಡೆ ಹುಡುಗರ ಎದೆಗೆ ಕಿಚ್ಚು ಹಚ್ಚುತ್ತಾರೆ. ವಾರೆ ನೋಟದಲ್ಲಿ ಕೊಲ್ತಾರೆ. ಸಮುದ್ರದ ಮೇಲೆ ತೇಲುವ ಕ್ರೂಸ್‌ನಲ್ಲಿ ಹಾಕಿ ಕುಣಿದು ಮೋಡಿ ಮಾಡ್ತಾರೆ. ಕೊನೆಗೆ ಆಲ್‌ಓಕೆ ಕೈಬೆರಳಿನಲ್ಲಿದ್ದ ಚಿನ್ನದ ಉಂಗುರ ಲಪಟಾಯಿಸುತ್ತಾರೆ. ಕೊನೆಗೆ ಅದು ನಕಲಿ ಚಿನ್ನದ ಉಂಗುರ ಎಂದು ಗೊತ್ತಾಗಿ ಬೆಸ್ತು ಬೀಳುವುದನ್ನು ನೋಡಬಹುದು.

ಸ್ಟೈಲಿಶ್ ಲುಕ್‌ನಲ್ಲಿ ಆಲ್‌ಓಕೆ ಕಮಾಲ್

ಕಲರ್‌ಫುಲ್ ಕಾಸ್ಟ್ಯೂಮ್, ಆಕ್ಸಸರೀಸ್‌ನಲ್ಲಿ ಕಂಪ್ಲೀಟ್ ಸಾಂಗ್ ಆಲ್‌ಓಕೆ ಮಿಂಚಿದ್ದಾರೆ. ರ್ಯಾಪ್ ಮಾಡಿ ಸಂಗೀತ ಪ್ರಿಯರನ್ನು ಕುಂತಲ್ಲೇ ಕುಣಿಸಿದ್ದಾರೆ. 'ನಾನೇ ನಿನ್ನ ಕೃಷ್ಣ, ನೀನೇ ನನ್ನ ನಿಧಿಮಾ' ಅನ್ನು ಲೈನ್ ಮಜಾ ಕೊಡುವಂತಿದೆ. ಬಡವ ಆದರೂ ನಿನ್ನನ್ನು ರಾಣಿ ತರ ನೋಡ್ಕೊತ್ತೀನಿ ಎಂದು ಹಾಡಿ ಹುಡುಗಿಯನ್ನು ಇಂಪ್ರೆಸ್ ಮಾಡಿದ್ದಾರೆ. ಕ್ರೂಸ್ ಮೇಲೆ, ಒಳಗೆ ಒಂದಷ್ಟು ಡ್ಯಾನ್ಸರ್‌ ಜೊತೆ ಡ್ಯಾನ್ಸ್ ಕಂಪೋಸ್ ಮಾಡಲಾಗಿದೆ.

ಸಿಕ್ಕಾಪಟ್ಟೆ ಅದ್ಧೂರಿಯಾಗಿದೆ 'ಮಲ್ಲಿಗೆ ಹೂವ'

'ಕಬ್ಜ' ಹಾಗೂ 'ಬಘೀರ' ಸಿನಿಮಾಗಳಿಗೆ ಕೆಲಸ ಮಾಡಿರುವ ಸಿನಿಮಾಟೋಗ್ರಫರ್ ಅರ್ಜುನ್ ಶೆಟ್ಟಿ 'ಮಲ್ಲಿಗೆ ಹೂವ' ಸಾಂಗ್‌ ಸೆರೆ ಹಿಡಿದಿದ್ದಾರೆ. 4 ದಿನಗಳ ಕಾಲ ಮಲೇಷಿಯಾದ ಅತಿದೊಡ್ಡ ಕ್ರೂಸ್‌ನಲ್ಲಿ ಸಾಂಗ್‌ ಶೂಟಿಂಗ್ ಮಾಡಲಾಗಿದೆ. ಡ್ರೋನ್ ಕ್ಯಾಮರಾ ಬಳಸಿ ಕ್ರೂಸ್‌ನ ವಿಹಂಗಮನ ನೋಟವನ್ನು ಕಟ್ಟಿಕೊಡಲಾಗಿದೆ. ಯಾವುದೇ ಇಂಟರ್‌ನ್ಯಾಷನಲ್ ಆಲ್ಬಮ್‌ ಸಾಂಗ್‌ಗಿಂತ ಕಮ್ಮಿ ಇಲ್ಲ ಎನ್ನುವಂತೆ 'ಮಲ್ಲಿಗೆ ಹೂವ' ಸಾಂಗ್ ಮೂಡಿ ಬಂದಿದೆ.