ಕಚ್ಚಾ ಬಾದಾಮ್ ಹಾಡಿಗೆ ಅಲ್ಲು ಅರ್ಜುನ್ ಪುತ್ರಿ ಮಸ್ತ್ ಡಾನ್ಸ್!

ಮುದ್ದಾಗಿ ಡಾನ್ಸ್ ಮಾಡಿದ ಅಲ್ಲು ಅರ್ಜುನ್ ಪುತ್ರಿ ಅರ್ಹಾ!

ಕಚ್ಚಾ ಬಾದಮ್ ಹಾಡು ಅಲ್ಲು ಅರ್ಜುನ್ ಮಗಳು ಅರ್ಹಾಗೆ ಬಹಳ ಇಷ್ಟ ಅಂತೆ. ಹಾಗಾಗಿ ಮಗಳ ಡಾನ್ಸ್ ವಿಡಿಯೋವನ್ನು ನಟ ಅಲ್ಲು ಅರ್ಜುನ್ ರೆಕಾರ್ಡ್ ಮಾಡಿ ತಮ್ಮ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ‌. ಅರ್ಹಾಳ ಈ ಡಾನ್ಸ್ ವಿಡಿಯೋ ಕೂಡ ವೈರಲ್ ಆಗಿದೆ. ಮಗಳ ವಿಡಿಯೋ ಹಂಚಿಕೊಂಡು "ನನ್ನ ಪುಟ್ಟ ಬಾದಾಮ್ ಅರ್ಹಾ" ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತ ಆಗಿದೆ.

ಕಚ್ಚಾ ಬಾದಾಮ್‌ಗೆ ಕನ್ನಡ ತಾರೆಯರೂ ಹೆಜ್ಜೆ!

ಈ ಕಚ್ಚಾ ಬಾದಮ್ ಹಾಡಿಗೆ ಅನೇಕ ಕನ್ನಡಿಗರೂ ಕೂಡ ರೀಲ್ಸ್ ಮಾಡಿದ್ದಾರೆ. ಸಿನಿಮಾ ಮತ್ತು ಸೀರಿಯಲ್ ತಾರೆಯರು ಕೂಡ ಈ ವೈರಲ್ ಹಾಡಿಗೆ ಕುಣಿದು ಕುಪ್ಪಳಿಸಿದ್ದಾರೆ. ಅದರಲ್ಲಿ ಇತ್ತೀಚೆಗೆ ನಟಿ ಕಾರುಣ್ಯ ರಾಮ್ ಮಾಡಿರುವ ಡಾನ್ಸ್ ಕೂಡ ವೈರಲ್ ಆಗಿದೆ. ಜೊತೆಗೆ ಹಲವು ಕಿರುತೆಯ ಕಲಾವಿದರು ಕೂಡ ಡಾನ್ಸ್ ಮಾಡಿದ್ದಾರೆ.

ಕಚ್ಚಾ ಬಾದಮ್ ಹಾಡಿ ಟ್ರೋಲ್ ಆಗಿದ್ದ ರಾನು ಮಂಡಲ್, ಉರ್ಫಿ!

ಇಷ್ಟು ದಿನ ಸುದ್ದಿಯೇ ಇಲ್ಲದ ರಾನು ಮಂಡಲ್ ಈಗ ಕಚ್ಚಾ ಬಾದಮ್ ಹಾಡು ಹಾಡಿ ಟ್ರೋಲ್ ಆಗಿದ್ದಾರೆ. ಈ ಹಾಡನ್ನು ಆಕೆ ತನ್‌ ಸ್ಟೈಲ್ ನಲ್ಲಿ ಮೆಲೋಡಿ ಆಗಿ ಹಾಡಿದ್ದಳು. ಹಾಗಾಗಿ ಟ್ರೋಲ್ ಮಾಡಲಾಗಿತ್ತು. ಇನ್ನೂ ಬಾಲಿವುಡ್ ತಾರೆ ಉರ್ಫಿ ಜಾವೆದ್ ಕೂಡ ಈ ಹಾಡಿಗೆ ಡಾನ್ಸ್ ಮಾಡಿದ್ದರು. ತುಂಡು ಬಟ್ಟೆ ತೊಟ್ಟು ಡಾನ್ಸ್ ಮಾಡಿ ಎಡವಟ್ಟು ಮಾಡಿಕೊಂಡು ಟ್ರೋಲ್ ಆಗಿದ್ದರು.

ಕಚ್ಚಾ ಬಾದಾಮ್ ಹಾಡಿನ ರೂವಾರಿ ಭುಬನ್ ಭಡ್ಯಾಕರ್!

ಬೀದಿ ಬದಿಯಲ್ಲಿ ಕಡಲೆಕಾಯಿ ಮಾರುವ ಪಶ್ಚಿಮ ಬಂಗಾಳದ ಭುಬನ್ ಭಡ್ಯಾಕರ್ ಕಡಲೆಕಾಯಿ ಮಾರಲು ಕಚ್ಚಾ ಬಾದಮ್ ಹಾಡು ಕಟ್ಟಿ ಹಾಡಿದ್ದರು. ಕಡಲೆ ಕಾಯಿ ಮಾರುತ್ತಾ ಹಾಡು ಹೇಳುತ್ತಿದ್ದ ಭುಬನ್ ಭಡ್ಯಾಕರ್ ವಿಡಿಯೋ ಮಾಡಿದ ಯಾರೋ ಅದನ್ನು ಯೂಟ್ಯೂಬ್‌ನಲ್ಲಿ ಹಾಕಿದ್ದೇ ತಡ ಹಾಡು ವೈರಲ್ ಆಗಿಬಿಟ್ಟಿತು. ಹಾಗಾಗಿ ಈಗ ಭುಬನ್ ಅವರ ಹೆಸರು ಕೂಡ ಸಿಕ್ಕಾಪಟ್ಟೆ ಫೇಮಸ್ ಆಗಿದೆ.