'ಅಮರ್' ಚಿತ್ರದ ಕೊಡವ ಹಾಡಿನ ವಿಡಿಯೋ ಬಿಡುಗಡೆ

Recommended Video

'ಅಮರ್' ಸಿನಿಮಾ ಹಿಟ್ ಆಯ್ತೋ, ಇಲ್ವೋ ಆದರೆ, ಆ ಸಿನಿಮಾದ ಹಾಡುಗಳು ಮಾತ್ರ ಸೂಪರ್ ಹಿಟ್ ಆಗಿವೆ. ಸಿನಿಮಾದ ಮತ್ತೊಂದು ಹಾಡಿನ ವಿಡಿಯೋ ಇಂದು (ಭಾನುವಾರ) ಬಿಡುಗಡೆಯಾಗಿದೆ.

ಸಿನಿಮಾದ ಕೊಡವ ಹಾಡು ಎಲ್ಲರ ಮೆಚ್ಚುಗೆ ಪಡೆದಿತ್ತು. ಕೊಡವ ಸ್ಟೈಲ್ ನ ಈ ಹಾಡು ಕನ್ನಡಿಗರಿಗೆ ವಿಭಿನ್ನವಾಗಿ ಕಂಡಿತ್ತು. ಈ ಹಾಡು ಎಲ್ಲರನ್ನು ಸಿಕ್ಕಾಪಟ್ಟೆ ಸ್ಟೆಪ್ ಹಾಕಿಸಿತ್ತು. ಸಿನಿಮಾ ಬಿಡುಗಡೆಯಾದ ಇಷ್ಟು ದಿನದ ಬಳಿಕ ಇದರ ವಿಡಿಯೋವನ್ನು ರಿಲೀಸ್ ಮಾಡಲಾಗಿದೆ.

ಹಾಡಿನ ವಿಶೇಷ ಏನೆಂದರೆ, ಇದರಲ್ಲಿ ನಟ ದರ್ಶನ್, ರಚಿತಾ ರಾಮ್, ನಿರೂಪ್ ಭಂಡಾರಿ ಕಾಣಿಸಿಕೊಂಡಿದ್ದರು. ಈ ಕಾರಣದಿಂದ ಹಾಡು ಹೇಗಿರುತ್ತದೆ ಎನ್ನುವ ಕುತೂಹಲ ಇತ್ತು.

ಸಿನಿಮಾದ ಮುಖ್ಯ ಘಟ್ಟದಲ್ಲಿ ಈ ಹಾಡು ಬರುತ್ತದೆ. ನಾಯಕ ಅಭಿಷೇಕ್ ಅಂಬರೀಶ್ ಈ ಹಾಡಿನಲ್ಲಿ ಇರುವುದಿಲ್ಲ. ತಾನ್ಯ ಹೋಪ್, ದೇವರಾಜ್ ಹಾಡಿನಲ್ಲಿ ಕುಣಿದಿದ್ದಾರೆ.

ಅಂದಹಾಗೆ, ಅರ್ಜುನ್ ಜನ್ಯ ಸಿನಿಮಾಗೆ ಸಂಗೀತ ನೀಡಿದ್ದರು. ಜೊತೆಗೆ ಈ ಹಾಡಿನಲ್ಲಿಯೂ ಹೆಜ್ಜೆ ಹಾಕಿದ್ದರು. ಸದ್ಯ ಬಿಡುಗಡೆಯಾಗಿರುವ ಈ ಹಾಡು ಯೂ ಟ್ಯೂಬ್ ನಲ್ಲಿ ಒಳ್ಳೆಯ ಪ್ರತಿಕ್ರಿಯೆಯನ್ನು ಪಡೆದುಕೊಳ್ಳುತ್ತಿದೆ.

ಅಮರ್ ಚಿತ್ರದ ಹಾಡು ನೋಡಲು ಇಲ್ಲಿ ಕ್ಲಿಕ್ ಮಾಡಿ