Don't Miss!
- News ಬೆಂಗಳೂರು ಗ್ರಾಮಾಂತರ ಕ್ಷೇತ್ರವನ್ನೇ ಗುರಿಯಾಗಿಸಿ ಐಟಿ ದಾಳಿ : ಡಿ ಕೆ ಶಿವಕುಮಾರ್ ಏನಂದ್ರು?
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗಿನ್ನಿಸ್ ದಾಖಲೆ ಕಡೆಗೆ ಅರ್ಜುನ್ ಜನ್ಯ ತ್ರಿವಿಕ್ರಮ ಹೆಜ್ಜೆ
ಐದು ವರ್ಷದ ಹಿಂದೆ ಇದೇ ಸಂಗೀತ ನಿರ್ದೇಶಕ ನನ್ನ ಸಂಗೀತ ಚೆನ್ನಾಗಿದೆ, ಆದರೆ ಜನರು ಗುರುತಿಸ್ತಾ ಇಲ್ಲ ಅಂತ ಪತ್ರಕರ್ತರ ಮುಂದೆ ಬಂದು ಕುಳಿತಿದ್ದರು. ತಮ್ಮ ಅಳನನ್ನ ತೋಡಿಕೊಂಡರು. ಆದರೆ ಈಗ ಕಾಲ ಬದಲಾಗಿದೆ. ಅರ್ಜುನ್ ಜನ್ಯ ಸಾಧಿಸಿದ್ದಾರೆ, ಗೆದ್ದಿದ್ದಾರೆ.
ಈಗ ಅವರ ಅಭಿಮಾನಿಗಳು ಅವರ ಸಂಗೀತವನ್ನ ಮೆಚ್ಚಿದ್ದಾರೆ. ಪತ್ರಕರ್ತರು ಕೂಡ ವರ್ಷದ ಬೆಸ್ಟ್ ಮ್ಯೂಸಿಕ್ ಡೈರೆಕ್ಟರ್ ಅಂದಿದ್ದಾರೆ. ಕನ್ನಡದ ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಮ್ಯಾಜಿಕ್ ಮಾಡಿದ್ದಾರೆ. ಯಾಕಂದ್ರೆ ಈಗ ಅವರ ಅಭಿಮಾನಿಗಳ ಸಂಘ ಹುಟ್ಟಿಕೊಂಡಿದೆ.
ಸಂಗಿತಕ್ಕೆ ಅಭಿಮಾನಿಗಳು ಸಹಜ ಆದರೆ ಸಂಗಿತಗಾರನಿಗೆ ಅಭಿಮಾನಿಗಳು, ಅಭಿಮಾನಿ ಸಂಘ ಹುಟ್ಟಿರೋದು ವಿಶೇಷ. ಎ ಆರ್ ರೆಹಮಾನ್ ಅವರ ದೊಡ್ಡ ಅಭಿಮಾನಿಯಾಗಿರೋ ಅರ್ಜುನ್ ಜನ್ಯ ಅವರು ರೆಹಮಾನ್ ಹುಟ್ಟುಹಬ್ಬದ ದಿನಕ್ಕಾಗಿ ಕಾದು ತಮ್ಮ ಅಭಿಮಾನಿ ಸಂಘಕ್ಕೆ ಓಪನಿಂಗ್ ಕೊಟ್ಟರು.
ಮೋಸ್ಟ್ ಬಿಜಿಯೆಸ್ಟ್ ಮ್ಯೂಸಿಕ್ ಡೈರೆಕ್ಟರ್ ಅರ್ಜುನ್
ಇನ್ನು ಅರ್ಜುನ್ ಜನ್ಯ ಕನ್ನಡದ ಮೋಸ್ಟ್ ಬಿಜಿಯೆಸ್ಟ್ ಸಂಗೀತ ನಿರ್ದೇಶಕ. ರಾತ್ರಿ ಹಗಲು ಕಂಪೋಸ್ ಮಾಡಿದ್ರೂ ಮುಗಿಯದಷ್ಟು ಸಿನಿಮಾಗಳು ಅರ್ಜುನ್ ಜನ್ಯ ಕೈಯ್ಯಲ್ಲಿವೆ.
ಅರ್ಜುನ್ 25ನೇ ಚಿತ್ರ ಕೇಸ್ ನಂ 18/9
ಕಳೆದ ವರ್ಷ ತೆರೆಗೆ ಬಂದ 'ಕೇಸ್ ನಂ 18/9' ಚಿತ್ರ ಅರ್ಜುನ್ ಜನ್ಯ ಅವರ 25 ಸಿನಿಮಾ. ಆದರೆ ಅದಾದ 1 ವರ್ಷದಲ್ಲಾಗಲೇ ಮತ್ತೆ 25 ಸಿನಿಮಾಗಳು ಅರ್ಜುನ್ ಜನ್ಯ ಕ್ಕೈಯ್ಯಲ್ಲಿ.
ಒಂದೇ ವರ್ಷದಲ್ಲಿ 25 ಸಿನಿಮಾಗೆ ಸಂಗೀತ
ನಾಲ್ಕು ವರ್ಷಕ್ಕೆ 25 ಸಿನಿಮಾ ಕಾಂಪೋಸ್ ಮಾಡಿದ ಅರ್ಜುನ್ ಜನ್ಯ ಒಂದೇ ವರ್ಷದಲ್ಲಿ 25 ಸಿನಿಮಾಗೆ ಸಂಗೀತ ನೀಡ್ತಿದ್ದಾರೆ. ವಿ ಮನೋಹರ್ ಹಾಗೂ ಕೆ ಕಲ್ಯಾಣ್ ಅವರ ಬಳಿಕ ಸಹಾಯಕರಾಗಿ ವೃತ್ತಿಜೀವನ ಆರಂಭಿಸಿದ ಅರ್ಜುನ್ ಈಗ ಬಲು ಎತ್ತರಕ್ಕೆ ಏರಿದ ಸಂಗೀತ ನಿರ್ದೇಶಕ.
ಯಾರೂ ಮಾಡದ ಸಾಧನೆ ಅರ್ಜುನ್ ರದ್ದು
ಹಾಗೆ ನೋಡಿದ್ರೆ ವಿಶ್ವದ ಬೇರ್ಯಾವ ಭಾಷೆಯಲ್ಲೂ ಒಬ್ಬ ಸಂಗೀತ ನಿರ್ದೇಶಕ ವರ್ಷಕ್ಕೆ 25 ಸಿನಿಮಾಗಳಿಗೆ ಸಂಗೀತ ನೀಡೋದು ಡೌಟು. ಅರ್ಜುನ್ ಜನ್ಯಾ ಸಂಗೀತ ನಿರ್ದೇಶನದ ಮೊದಲ ಚಿತ್ರ 'ಆಟೋಗ್ರಾಫ್ ಪ್ಲೀಸ್' (2006).
ಲಕ್ಕು ಬದಲಾಯಿಸಿದ ಚಿತ್ರ ಕೆಂಪೇಗೌಡ
ಅರ್ಜುನ್ ಜನ್ಯ ಹಾಗೊಂದು ಗಿನ್ನಿಸ್ ದಾಖಲೆಗೆ ಪ್ರಯತ್ನಿಸಬಹುದು ಅನ್ನೋದು ಚಿತ್ರ ಚಿಂತಕರ ಚಾವಡಿಯಲ್ಲಿ ಕೇಳಿಬಂದ ಮಾತು. ಕೆಂಪೇಗೌಡ ಚಿತ್ರದ ಮೂಲಕ ಅರ್ಜುನ್ ಲಕ್ ಬದಲಾಯಿತು. ಅರ್ಜುನ್ ಎಂದಿದ್ದ ಅವರ ಹೆಸರಿನಲ್ಲಿ ಜನ್ಯಾ ಸೇರಿಸಿಕೊಳ್ಳುವಂತೆ ಸಲಹೆ ನೀಡಿದ್ದೂ ಸುದೀಪ್ ಎಂಬುದು ವಿಶೇಷ.