'ರಾಬರ್ಟ್' 100 ಮಿಲಿಯನ್: ಅರ್ಜುನ್ ಜನ್ಯ ಹೆಸರಿಗೆ ಮತ್ತೊಂದು ದಾಖಲೆ

ಬೆಳಗೆದ್ದು ಯಾರ ಮುಖವಾ ನೋಡಲಿ.....

'ಕಿರಿಕ್ ಪಾರ್ಟಿ' ಸಿನಿಮಾದ 'ಬೆಳಗೆದ್ದು ಯಾರ ಮುಖವಾ ನಾನು ನೋಡಲಿ.....' ಹಾಡು ಮೊದಲ ಸಲ 100 ಮಿಲಿಯನ್ ವೀಕ್ಷಣೆ ಕಂಡಿತ್ತು. ನಾಲ್ಕು ವರ್ಷದ ಹಿಂದೆ ಬಿಡುಗಡೆಯಾಗಿದ್ದ ಈ ಹಾಡಿನ ವೀಕ್ಷಣೆ ಈಗ 103 ಮಿಲಿಯನ್ (103,748,431) ಆಗಿದೆ. ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದರು.

ಚುಟು ಚುಟು ಅಂತೈತೆ....

ಶರಣ್-ಆಶಿಕಾ ರಂಗನಾಥ್ ನಟನೆಯಲ್ಲಿ ಮೂಡಿ ಬಂದಿದ್ದ Rambo 2 ಚಿತ್ರದ 'ಚುಟು ಚುಟು...' ಹಾಡು 100 ಮಿಲಿಯನ್ ವೀಕ್ಷಣೆ ಕಂಡಿದೆ. ಮೂರು ವರ್ಷದ ಹಿಂದೆ ತೆರೆಕಂಡಿದ್ದ ಈ ವಿಡಿಯೋ ಸಾಂಗ್ ಈಗ 143 ಮಿಲಿಯನ್ (142,496,246) ವೀಕ್ಷಣೆ ಪಡೆದಿದೆ. ಈ ಹಾಡಿಗೆ ಅರ್ಜುನ್ ಜನ್ಯ ಮ್ಯೂಸಿಕ್ ಕಂಪೋಸ್ ಮಾಡಿದ್ದರು.

ಯಾಕಮ್ಮಿ ಯಾಕಮ್ಮಿ....

ಸತೀಶ್ ನೀನಾಸಂ ಮತ್ತು ರಚಿತಾ ರಾಮ್ ನಟನೆಯ ಅಯೋಗ್ಯ ಸಿನಿಮಾದ 'ಯಾಕಮ್ಮಿ ಯಾಕಮ್ಮಿ.....' ವಿಡಿಯೋ ಹಾಡು ಮತ್ತು ಲಿರಿಕಲ್ ವಿಡಿಯೋ ಸಾಂಗ್ ಸೇರಿ 100 ಮಿಲಿಯನ್ ವೀಕ್ಷಣೆ ಕಂಡಿದೆ. ವಿಡಿಯೋ ಸಾಂಗ್ 95 ಮಿಲಿಯನ್ ಮತ್ತು ಲಿರಿಕಲ್ ವಿಡಿಯೀ 29 ಮಿಲಿಯನ್ ವೀಕ್ಷಣೆ ಕಂಡಿದೆ. ಈ ಹಾಡಿಗೂ ಅರ್ಜುನ್ ಜನ್ಯ ಸಂಗೀತ ಒದಗಿಸಿದ್ದರು.

'ಕಣ್ಣು ಹೊಡಿಯಾಕ...'

ಈಗ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ರಾಬರ್ಟ್ ಸಿನಿಮಾದ 'ಕಣ್ಣು ಹೊಡಿಯಾಕ...' ಹಾಡು 100 ಮಿಲಿಯನ್ ವೀಕ್ಷಣೆ ಕಂಡಿದೆ. ವಿಡಿಯೋ ಸಾಂಗ್ 63 ಮಿಲಿಯನ್ ಮತ್ತು ಲಿರಿಕಲ್ ವಿಡಿಯೋ 38 ಮಿಲಿಯನ್ ವೀಕ್ಷಣೆ ಕಂಡಿದ್ದು, ಎರಡು ಸೇರಿ 100 ಮಿಲಿಯನ್ ಆಗಿದೆ.