Don't Miss!
- News ಕಾಂಗ್ರೆಸ್ ನೇತೃತ್ವದ ಒಕ್ಕೂಟಕ್ಕೆ ನಾಯಕನೇ ಇಲ್ಲ: ಪ್ರಧಾನಿ ಮೋದಿ!
- Sports IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಅಂಜನಿಪುತ್ರ' ದಾಖಲೆ: 100 ಮಿಲಿಯನ್ ದಾಟಿದ 4ನೇ ಹಾಡು
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆ 'ಅಂಜನಿಪುತ್ರ' ಸಿನಿಮಾ ಹೊಸ ದಾಖಲೆ ಬರೆದಿದೆ. 2017ರಲ್ಲಿ ತೆರೆಕಂಡಿದ್ದ ಈ ಚಿತ್ರದ ಹಾಡು ಯೂಟ್ಯೂಬ್ನಲ್ಲಿ 100 ಮಿಲಿಯನ್ ವೀಕ್ಷಣೆ ಕಂಡ ಪಟ್ಟಿ ಸೇರಿದೆ. ಇದುವರೆಗೂ ಕನ್ನಡದಲ್ಲಿ ಕೆಲವೇ ಕೆಲವು ಹಾಡುಗಳು ಮಾತ್ರ 100 ಮಿಲಿಯನ್ ವೀವ್ಸ್ ಕಂಡಿದೆ. ಈ ಪಟ್ಟಿಗೆ ಪವರ್ ಸ್ಟಾರ್ ಸಿನಿಮಾದ ಹಾಡು ಹೊಸದಾಗಿ ಸೇರ್ಪಡೆಗೊಂಡಿದೆ.
'ಅಂಜನಿಪುತ್ರ' ಸಿನಿಮಾದ 'ಚೆಂದ ಚೆಂದ ನನ್ ಹೆಂಡ್ತಿ.....' ಹಾಡು ಈ ಸಾಧನೆ ಮಾಡಿದೆ. ಉತ್ತರ ಕನ್ನಡ ಶೈಲಿಯ ಸಾಹಿತ್ಯದಲ್ಲಿ ಮೂಡಿ ಬಂದಿದ್ದ ಹಾಡಿನಲ್ಲಿ ಪುನೀತ್ ರಾಜ್ ಕುಮಾರ್ ಮತ್ತು ರಶ್ಮಿಕಾ ಮಂದಣ್ಣ ಸಖತ್ ಆಗಿ ಸ್ಟೆಪ್ ಹಾಕಿದ್ದರು. ಪ್ರಮೋದ್ ಮರವಂತೆ ಬರೆದಿದ್ದ ಸಾಹಿತ್ಯಕ್ಕೆ ರವಿ ಬಸ್ರೂರ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದರು. ರವಿ ಬಸ್ರೂರ್ ಮತ್ತು ಅನುರಾಧ ಭಟ್ ಈ ಹಾಡಿಗೆ ಧ್ವನಿಯಾಗಿದ್ದರು.
'ಟಿಣಿಂಗಾ ಮಿಣಿಂಗಾ' ಕೇಳಿ ವಾಹ್ ಎಂದ ಫೈಟ್ ಮಾಸ್ಟರ್ಸ್ ರಾಮ್-ಲಕ್ಷ್ಮಣ್
ಈ ಮೂಲಕ ಕನ್ನಡ ಚಿತ್ರರಂಗದಲ್ಲಿ 100 ಮಿಲಿಯನ್ ವೀಕ್ಷಣೆ ಕಂಡ 4ನೇ ವಿಡಿಯೋ ಹಾಡು ಇದಾಗಿದೆ. ಪುನೀತ್ ರಾಜ್ ಕುಮಾರ್ ನಟನೆಯ ಮೊದಲ ಹಾಡು 100 ಮಿಲಿಯನ್ ಕ್ಲಬ್ ಸೇರಿದೆ. ಪಿಆರ್ಕೆ ಆಡಿಯೋ ಯೂಟ್ಯೂಬ್ನಲ್ಲಿ ಬಿಡುಗಡೆಯಾಗಿದ್ದ ಮೊದಲ ಹಾಡು ಈ ಸಾಧನೆ ಮಾಡಿದೆ. ಇದರ ಜೊತೆಗೆ ಲಿರಿಕಲ್ ವಿಡಿಯೋ ಮತ್ತು ವಿಡಿಯೋ ಸಾಂಗ್ ಸೇರಿ 100 ಮಿಲಿಯನ್ ವೀಕ್ಷಣೆ ಕಂಡಿರುವ ಕೆಲವು ಹಾಡುಗಳ ಸಹ ಇದೆ. ಮುಂದೆ ಓದಿ....
2 ವರ್ಷದಲ್ಲಿ 100 ಮಿಲಿಯನ್
ಹರ್ಷ ನಿರ್ದೇಶಿಸಿದ್ದ 'ಅಂಜನಿಪುತ್ರ' 2017ರಲ್ಲಿ ತೆರೆಕಂಡಿತ್ತು. ಆದರೆ, 'ಚೆಂದ ಚೆಂದ ನನ್ ಹೆಂಡ್ತಿ....' ವಿಡಿಯೋ ಹಾಡು 2018ರ ಜನವರಿ ತಿಂಗಳಲ್ಲಿ ಯೂಟ್ಯೂಬ್ಗೆ ಅಪ್ಲೋಡ್ ಆಗಿದೆ. ಇದುವರೆಗೂ 1 (100,039,535) ಮಿಲಿಯನ್ ವೀಕ್ಷಣೆ ಕಂಡಿದೆ. 217K ಲೈಕ್ಸ್ ಬಂದಿದೆ. 59K ಡಿಸ್ಲೈಕ್ಸ್ ಬಂದಿದೆ.
'ಭಜರಂಗಿ-2' ಕೈಲಾಶ್ ಕೇರ್ ಹಾಡಿಗೆ ಅಭಿಮಾನಿಗಳು ಫಿದಾ: ಟಾಪ್ ಟ್ರೆಂಡಿಂಗ್ ನಲ್ಲಿ ಶಿವಣ್ಣನ ಸಾಂಗ್
ಬೆಳಗೆದ್ದು ಯಾರ ಮುಖವಾ ನಾನು ನೋಡಲಿ
'ಕಿರಿಕ್ ಪಾರ್ಟಿ' ಸಿನಿಮಾದ 'ಬೆಳಗೆದ್ದು ಯಾರ ಮುಖವಾ ನಾನು ನೋಡಲಿ.....' ಹಾಡು ಮೊದಲ ಸಲ 100 ಮಿಲಿಯನ್ ವೀಕ್ಷಣೆ ಕಂಡಿತ್ತು. 2021ರ ನವೆಂಬರ್ ತಿಂಗಳಿಗೆ ಈ ಹಾಡು ಬಂದು ಐದು ವರ್ಷ ಆಗಲಿದೆ. ಇದುವರೆಗೂ ಈ ಹಾಡಿನ ವೀಕ್ಷಣೆ ಈಗ 105 ಮಿಲಿಯನ್ (105,092,338) ಆಗಿದೆ. ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದರು.
ಚುಟು ಚುಟು ಅಂತೈತೆ..
ಶರಣ್-ಆಶಿಕಾ ರಂಗನಾಥ್ ನಟನೆಯಲ್ಲಿ ಮೂಡಿ ಬಂದಿದ್ದ Rambo 2 ಚಿತ್ರದ 'ಚುಟು ಚುಟು...' ಹಾಡು 100 ಮಿಲಿಯನ್ ವೀಕ್ಷಣೆ ಕಂಡಿದೆ. 2018ರಲ್ಲಿ ಈ ವಿಡಿಯೋ ಸಾಂಗ್ ಯೂಟ್ಯೂಬ್ನಲ್ಲಿ ಅಪ್ಲೋಡ್ ಆಗಿದೆ. ಇದುವರೆಗೂ 146 ಮಿಲಿಯನ್ (146,369,261) ವೀಕ್ಷಣೆ ಪಡೆದಿದೆ. ಈ ಹಾಡಿಗೆ ಅರ್ಜುನ್ ಜನ್ಯ ಮ್ಯೂಸಿಕ್ ಕಂಪೋಸ್ ಮಾಡಿದ್ದರು.
ಖರಾಬು ಹಾಡು 200 ಮಿಲಿಯನ್
ಧ್ರುವ ಸರ್ಜಾ ನಟನೆಯ ಪೊಗರು ಸಿನಿಮಾದ ಖರಾಬು ಹಾಡು 261 ಮಿಲಿಯನ್ ವೀಕ್ಷಣೆ ಕಂಡಿದೆ. ಕನ್ನಡದಲ್ಲಿ ಅತಿ ಹೆಚ್ಚು ವೀವ್ಸ್ ಕಂಡಿರುವ ಹಾಡು ಇದಾಗಿದೆ. ನಂದಕಿಶೋರ್ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು. ಚಂದನ್ ಶೆಟ್ಟಿ ಮ್ಯೂಸಿಕ್ ಕಂಪೋಸ್ ಮಾಡಿದ್ದರು. ಖರಾಬು ಹಾಡನ್ನು ಸ್ವತಃ ಚಂದನ್ ಶೆಟ್ಟಿ ಹಾಡಿದ್ದರು.
ಯಾಕಮ್ಮಿ ಯಾಕಮ್ಮಿ
ಸತೀಶ್ ನೀನಾಸಂ ಮತ್ತು ರಚಿತಾ ರಾಮ್ ನಟನೆಯ ಅಯೋಗ್ಯ ಸಿನಿಮಾದ 'ಯಾಕಮ್ಮಿ ಯಾಕಮ್ಮಿ.....' ವಿಡಿಯೋ ಹಾಡು ಮತ್ತು ಲಿರಿಕಲ್ ವಿಡಿಯೋ ಸಾಂಗ್ ಸೇರಿ 100 ಮಿಲಿಯನ್ ವೀಕ್ಷಣೆ ಕಂಡಿದೆ. ವಿಡಿಯೋ ಸಾಂಗ್ 96 (96,650,753) ಮಿಲಿಯನ್ ಮತ್ತು ಲಿರಿಕಲ್ ವಿಡಿಯೀ 48 (48,557,596) ಮಿಲಿಯನ್ ವೀಕ್ಷಣೆ ಕಂಡಿದೆ. ಈ ಹಾಡಿಗೂ ಅರ್ಜುನ್ ಜನ್ಯ ಸಂಗೀತ ಒದಗಿಸಿದ್ದರು.
'ರಾಬರ್ಟ್' 100 ಮಿಲಿಯನ್
ಇನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ರಾಬರ್ಟ್ ಸಿನಿಮಾದ 'ಕಣ್ಣು ಹೊಡಿಯಾಕ...' ಹಾಡು 100 ಮಿಲಿಯನ್ ವೀಕ್ಷಣೆ ಕಂಡಿದೆ. ವಿಡಿಯೋ ಸಾಂಗ್ 82 (82,776,757) ಮಿಲಿಯನ್ ಮತ್ತು ಲಿರಿಕಲ್ ವಿಡಿಯೋ 39 (39,940,396) ಮಿಲಿಯನ್ ವೀಕ್ಷಣೆ ಕಂಡಿದ್ದು, ಎರಡು ಸೇರಿ 100 ಮಿಲಿಯನ್ ಆಗಿದೆ.