'ಜ್ವರ ಬಂದಿದ್ದರೂ ಕುಣಿಬೇಕು ಅನಿಸುತ್ತೆ': ಖರಾಬು ಹಾಡಿನ ಬಗ್ಗೆ ತಮಿಳು ಅಭಿಮಾನಿ ಮಾತು

ಮಕ್ಕಳಿಗೆ ಉಸಿರು ಆಗ್ಬಿಟ್ಟಿದೆ

''ಖರಾಬು ಹಾಡು ಈಗಿನ ಮಕ್ಕಳಿಗೆ ಉಸಿರು ಆಗ್ಬಿಟ್ಟಿದೆ. ನನ್ನ ಮಕ್ಕಳು ಮನೆಯಲ್ಲಿ ಬೆಳಗ್ಗೆ ಎದ್ದು ಕಾಫಿ, ತಿಂಡಿ ಮಾಡ್ತಾರೋ ಇಲ್ಲವೋ ಖರಾಬು ಹಾಡು ಅಂತು ಕೇಳೆ ಕೇಳ್ತಾರೆ. ಎಲ್ಲೇ ಹೋದ್ರು ಖರಾಬು ಹಾಡು ಹಾಡ್ತಾರೆ'' ಎಂದು ತಮಿಳು ವ್ಯಕ್ತಿಯೊಬ್ಬ ತಮ್ಮ ಮಕ್ಕಳ ಸಂತೋಷದ ಬಗ್ಗೆ ವಿವರಿಸಿದ್ದಾನೆ.

ಬೇರೆ ಲೆವೆಲ್ ಹಾಡು ಇದು

''ನನಗೆ ಕನ್ನಡದಲ್ಲಿ ಈ ಹಾಡು ಕೇಳಿದೆ. ಭಾಷೆ ಅರ್ಥ ಆಗಿಲ್ಲ. ಆದ್ರೆ, ಆ ಮ್ಯೂಸಿಕ್, ಹೀರೋ ಲುಕ್, ಕೂದಲು ಬಿಟ್ಕೊಂಡು ಬರೋ ಅವರ ಎಂಟ್ರಿ ನೋಡ್ತಿದ್ರೆ ವಾಹ್ ಚಿಂದಿ ಗುರು. ಈ ಮ್ಯೂಸಿಕ್, ಡ್ಯಾನ್ಸ್ ನೋಡ್ರಿದ್ರೆ ಜ್ವರ ಬಂದಿದ್ದರೂ ಎದ್ದು ಕುಣಿಬೇಕು ಅನಿಸುತ್ತೆ'' ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಸಿನಿಮಾ ನೋಡೋದೇ ಬೇಡ

''ಸಿನಿಮಾ ನೋಡೋದೇ ಬೇಡ. ಈ ಹಾಡೊಂದು ಸಾಕು. ತಲೈವಾ ಬೇರೆ ಲೆವಲ್‌ನಲ್ಲಿದ್ದಾರೆ. ಖರಾಬು ಸಾಂಗ್ ಚಿಂದಿ'' ಎಂದು ಆ ಅಭಿಮಾನಿ ವಿಡಿಯೋದಲ್ಲಿ ಹೇಳಿದ್ದಾರೆ. ಸೂಕ್ಷ್ಮವಾಗಿ ಗಮನಿಸಿದರೆ ಈ ಅಭಿಮಾನಿ ತಮಿಳಿನಲ್ಲಿ ಈ ಹಾಡನ್ನು ಇನ್ನು ಕೇಳಿಲ್ಲ. ಕನ್ನಡದಲ್ಲಿ ಮಾತ್ರ ಕೇಳಿರುವುದು, ಏಕಂದ್ರೆ, ತಮಿಳಿನಲ್ಲಿ ಈ ಹಾಡು ಬಂದ್ರೆ ಬೇರೆ ಲೆವೆಲ್ ಎಂದು ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ.

ಚಂದನ್ ಶೆಟ್ಟಿ ಮ್ಯೂಸಿಕ್

ಅಂದ್ಹಾಗೆ, ಖರಾಬು ಹಾಡಿನ ಸಾಹತ್ಯ ರಚಿಸಿರುವುದು ಚಂದನ್ ಶೆಟ್ಟಿ, ಹಾಡಿರುವುದು ಚಂದನ್ ಶೆಟ್ಟಿ, ಜೊತೆಗೆ ಸಂಗೀತ ನೀಡಿರುವುದು ಸಹ ಚಂದನ್ ಶೆಟ್ಟಿ. ಇದರ ಜೊತೆಗೆ ಧ್ರುವ ಸರ್ಜಾ ಅವರ ಭರ್ಜರಿ ಡ್ಯಾನ್ಸ್ ಸೇರಿ ಈ ಹಾಡನ್ನು ಗಡಿಯಾಚೆಯೂ ಘರ್ಜಿಸುವಂತೆ ಮಾಡಿದೆ.