30 ಕೋಟಿ ವೀವ್ಸ್ ಸಾಧಿಸಿ ಹೊಸ ದಾಖಲೆ ಬರೆದ 'ಖರಾಬು' ಸಾಂಗ್

30 ಕೋಟಿ ವೀವ್ಸ್ ಪಡೆದ ಸಾಂಗ್

ಬಿಂದಾಸ್ ಟ್ಯೂನ್‌ಗೆ ಕ್ಯಾಚಿ ಲಿರಿಕ್ಸ್ ಬರೆದು ಚಂದನ್ ಶೆಟ್ಟಿ ಹಾಡಿದ್ದರು. ಧ್ರುವ ಸರ್ಜಾ ಇಡೀ ಸಿನಿಮಾ ಸಿಕ್ಕಾಪಟ್ಟೆ ರಗಡ್ ಲುಕ್‌ನಲ್ಲಿ ದರ್ಶನ ಕೊಟ್ಟಿದ್ದರು. ಬಹಳ ಒರಟನಾದ ಶಿವನಿಗೆ ಟೀಚರ್ ಗೀತಾ ಪಾಠ ಹೇಳುವ ಸಾಹಸ ಮಾಡುತ್ತಾಳೆ. ಆಗ ಆಕೆಯನ್ನು ಕೆಣಕುತ್ತಾ, ಶಿವ ಬುದ್ಧಿ ಕಲಿಸಲು ಹಾಡುವ ಹಾಡಿದು. ಮಕ್ಕಳಿಗೆ ಈ ಡ್ಯಾನ್ಸ್ ನಂಬರ್ ಬಹಳ ಇಷ್ಟವಾಗಿತ್ತು. ಸದ್ಯ ಸಾಂಗ್ 30 ಕೋಟಿಗೂ ಅಧಿಕ ವೀವ್ಸ್ ಸಾಧಿಸಿದೆ.

ಧ್ರುವ ಸರ್ಜಾ 4ನೇ ಸಿನಿಮಾ

ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ 4ನೇ ಸಿನಿಮಾ 'ಪೊಗರು'. ಧ್ರುವ ನಟನೆಯ ಎಲ್ಲಾ ಸಿನಿಮಾಗಳು ತಡವಾಗಿ ರಿಲೀಸ್ ಆಗುತ್ತಾ ಬಂದಿದೆ. ಆ ಸಾಲಿಗೆ ಈ ಸಿನಿಮಾ ಕೂಡ ಸೇರಿಕೊಂಡಿತ್ತು. ಕೊರೊನಾ ಹಾವಳಿಯಿಂದ ಸಿನಿಮಾ ರಿಲೀಸ್ ಮತ್ತಷ್ಟು ತಡವಾಗಿತ್ತು. ಸಾಂಗ್ಸ್‌ಗೆ ಚಂದನ್ ಶೆಟ್ಟಿ ಟ್ಯೂನ್ ಹಾಕಿದ್ರು ವಿ. ಹರಿಕೃಷ್ಣ ರೀ ರೆಕಾರ್ಡಿಂಗ್ ಮಾಡಿದ್ದರು.

ಧ್ರುವ ಸಿನಿಮಾಗಳ ಆಲ್ಬಮ್ ಹಿಟ್

'ಅದ್ಧೂರಿ', 'ಬಹದ್ದೂರ್', 'ಭರ್ಜರಿ', 'ಪೊಗರು' ಹೀಗೆ ಧ್ರುವ ಸರ್ಜಾ ನಟನೆಯ ಎಲ್ಲಾ ಸಿನಿಮಾಗಳ ಆಲ್ಬಮ್ ಕೂಡ ಹಿಟ್ ಆಗಿದೆ. ಒಂದಕ್ಕಿಂತ ಒಂದು ಸಾಂಗ್ ಅಭಿಮಾನಿಗಳ ಮನಗೆದ್ದಿದೆ. ಆದರೆ ಆ ಲಿಸ್ಟ್‌ನಲ್ಲಿ 'ಖರಾಬು' ಸಾಂಗ್ ನಂಬರ್‌ ವನ್ ಪ್ಲೇಸ್‌ನಲ್ಲಿದೆ. ಇದು ಆಕ್ಷನ್ ಪ್ರಿನ್ಸ್ ಅಭಿಮಾನಿಗಳಿಗೆ ಖುಷಿ ತಂದಿದೆ.

'ಮಾರ್ಟಿನ್' ಆಗಿ ಬರ್ತಿದ್ದಾರೆ ಧ್ರುವ

ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ 5ನೇ ಸಿನಿಮಾ 'ಮಾರ್ಟಿನ್'. ಎ.ಪಿ ಅರ್ಜುನ್ ನಿರ್ದೇಶನದ ಈ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಶೂಟಿಂಗ್ ಭರದಿಂದ ಸಾಗಿದೆ. ಉದಯ್ ಮೆಹ್ತಾ ಬಹುಕೋಟಿ ವೆಚ್ಚದಲ್ಲಿ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ ಈ ವರ್ಷವೇ ಸಿನಿಮಾ ತೆರೆಗೆ ಬರಬೇಕಿತ್ತು. ಶೂಟಿಂಗ್ ತಡವಾದ ಕಾರಣ ರಿಲೀಸ್ ಡೇಟ್ ಪೋಸ್ಟ್‌ಪೋನ್ ಆಗಿದೆ.