Don't Miss!
- Automobiles Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
- News ನಂಬರ್ ಪ್ಲೇಟ್ ವಿಚಾರದಲ್ಲಿ ವಾಹನ ಮಾಲೀಕರೇ ಈ ತಪ್ಪು ಮಾಡಬೇಡಿ!
- Technology Jio: ಅಗ್ಗದ ಜಿಯೋ ಸಿನಿಮಾ ಪ್ರೀಮಿಯಂ ಚಂದಾದಾರಿಕೆ ಘೋಷಣೆ! 29 ರೂ.ಗಳಿಂದ ಪ್ರಾರಂಭ..
- Lifestyle ಖುಲಾಯಿಸಿತು ಅದೃಷ್ಟ: ಫ್ಯಾಂಟಸಿ ಗೇಮ್ನಲ್ಲಿ ₹1.5 ಕೋಟಿ ಗೆದ್ದ ಮೆಕ್ಯಾನಿಕ್..!
- Sports IPL 2024: ಸಿಕ್ಸ್ ಹೊಡೆದು ತಪ್ಪಾಯ್ತು ಎಂದಿದ್ದೇಕೆ ರಿಷಬ್ ಪಂತ್ ?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾನವ ಕಳ್ಳಸಾಗಣೆ ಪ್ರಕರಣದಲ್ಲಿ ಗಾಯಕ ದಲೇರ್ ಮೆಹಂದಿಗೆ ಜೈಲು ಸಜೆ
ಜನಪ್ರಿಯ ಗಾಯಕ ದಲೇರ್ ಮೆಹಂದಿಗೆ ಎರಡು ವರ್ಷ ಜೈಲು ಸಜೆ ವಿಧಿಸಲಾಗಿದೆ. 2003 ರ ಮಾನವ ಕಳ್ಳಸಾಗಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಂಜಾಬಿನ ಪಟಿಯಾಲಾ ನ್ಯಾಯಾಲಯ ಈ ತೀರ್ಪು ನೀಡಿದೆ.
ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ 2018 ರಲ್ಲಿ ಇದೇ ನ್ಯಾಯಾಲಯವು ದಲೇರ್ ಮೆಹಂದಿಗೆ ಶಿಕ್ಷೆ ವಿಧಿಸಿತ್ತು. ಆ ತೀರ್ಪಿನ ಮೇಲ್ಮನವಿಯ ವಿಚಾರಣೆ ಮುಗಿದು ಇದೀಗ ಎರಡು ವರ್ಷದ ಸಜೆಯನ್ನು ನ್ಯಾಯಾಲಯವು ಖಾಯಂಗೊಳಿಸಿದೆ.
2003 ರಲ್ಲಿ ದಲೇರ್ ಮೆಹಂದಿ ಹಾಗೂ ಅವರ ಸಹೋದರ ಶಂಶೇರ್ ಮೆಹಂದಿ (ನಿಧನ ಹೊಂದಿದ್ದಾರೆ) ಹಾಗೂ ಇನ್ನಿಬ್ಬರ ವಿರುದ್ಧ ಮಾನವ ಕಳ್ಳಸಾಗಣೆಯ ದೂರು ದಾಖಲಾಗಿತ್ತು. ಆ ನಂತರ ಇವರ ವಿರುದ್ಧ ಇದೇ ರೀತಿಯ ಒಟ್ಟು 35 ಪ್ರಕರಣಗಳು ದಾಖಲಾದವು. ತನಿಖೆ ನಡೆಸಿದ ಸದಾರ್ ಪಟಿಯಾಲಾ ಪೊಲೀಸ್ ಠಾಣೆ ಅಧಿಕಾರಿಗಳು ಚಾರ್ಜ್ ಶೀಟ್ ಸಲ್ಲಿಸಿದ್ದರು.
ದೂರುದಾರರ ಪ್ರಕಾರ, ದಲೇರ್ ಮೆಹಂದಿಯು ಹಲವು ಜನರಿಂದ ಲಕ್ಷಾಂತರ ರುಪಾಯಿ ಹಣ ಪಡೆದು ಅವರನ್ನು ಅಕ್ರಮವಾಗಿ ವಿದೇಶಗಳಿಗೆ ಕರೆದುಕೊಂಡು ಹೋಗುತ್ತಿದ್ದರಂತೆ. ತಮ್ಮ ಕಾನ್ಸರ್ಟ್ಗಳಿಗಾಗಿ ವಿದೇಶಗಳಿಗೆ ಹೋಗುತ್ತಿದ್ದ ದಲೇರ್ ಮೆಹಂದಿ ಕಾನ್ಸರ್ಟ್ನ ತಂಡದ ಸದಸ್ಯರೆಂದು ಸುಳ್ಳು ಮಾಹಿತಿ ನೀಡಿ ಇಲ್ಲಿಂದ ಅಕ್ರಮವಾಗಿ ಜನರನ್ನು ವಿದೇಶಗಳಿಗೆ ಕರೆದುಕೊಂಡು ಹೋಗುತ್ತಿದ್ದರು.
ಸಾಮಾನ್ಯವಾಗಿ ಕೆನಡಾ, ಅಮೆರಿಕ ಇನ್ನಿತರೆ ಕಡೆಗಳಿಗೆ ಹೀಗೆ ಅಕ್ರಮವಾಗಿ ಜನರನ್ನು ಸಾಗಣೆ ಮಾಡುತ್ತಿದ್ದ ದಲೇರ್ ಮೆಹಂದಿ ಹಾಗೂ ಆತನ ಸಹೋದರ ಹಾಗೂ ಇನ್ನಿಬ್ಬರು, ಇಂಥಹವರಿಂದ 12 ಲಕ್ಷ, 15 ಲಕ್ಷ ಹೀಗೆ ದೊಡ್ಡ ಮೊತ್ತವನ್ನು ವಸೂಲಿ ಮಾಡುತ್ತಿದ್ದರಂತೆ!
ದೂರು ದಾಖಲಾದ ಬಳಿಕ ದೆಹಲಿಯ ಕನೌಟ್ ಪ್ಲೇಸ್ನಲ್ಲಿರುವ ದಲೇರ್ ಮೆಹಂದಿಯ ಕಚೇರಿ ಮೇಲೆ ಪೊಲೀಸರು ದಾಳಿ ನಡೆಸಿ ಕೆಲವು ಮಹತ್ವದ ದಾಖಲೆಗಳನ್ನು ವಶಪಡಿಸಿಕೊಂಡಿದ್ದರು. 2018 ರಲ್ಲಿಯೇ ಈ ಪ್ರಕರಣದಲ್ಲಿ ದಲೇರ್ ಮೆಹಂದಿಗೆ ಶಿಕ್ಷೆಯಾಗಿತ್ತು. ಆದರೆ ತೀರ್ಪಿನ ಬಗ್ಗೆ ಮೇಲ್ಮನವಿ ಸಲ್ಲಿಸಿ ಜಾಮೀನು ಪಡೆದು ದಲೇರ್ ಮೆಹಂದಿ ಹೊರ ಬಂದಿದ್ದರು. ಈಗ ಮತ್ತೆ ಜೈಲಿಗೆ ಹೋಗಬೇಕಿದೆ ದಲೇರ್ ಮೆಹಂದಿ.
ದಲೇರ್ ಮೆಹಂದಿ ಪಂಜಾಬ್ ಹಾಗೂ ಬಾಲಿವುಡ್ನ ಖ್ಯಾತ ಸಂಗೀತಗಾರರಾಗಿದ್ದಾರೆ. ದಲೇರ್ ಮೆಹಂದಿಯ 'ಬೋಲೊ ತಾರಾರಾರಾ', 'ತುಣುಕ್ ತುಣುಕ್' ಹಾಡುಗಳು ಆಲ್ ಟೈಮ್ ಹಿಟ್ ಲಿಸ್ಟ್ನಲ್ಲಿವೆ. ಆಲ್ಬಂ ಹಾಡುಗಳು ಮಾತ್ರವೇ ಅಲ್ಲದೆ ಹಲವು ಸಿನಿಮಾಗಳಲ್ಲಿಯೂ ದಲೇರ್ ಮೆಹಂದಿ ಹಾಡಿದ್ದಾರೆ. ರಾಜಕೀಯದಲ್ಲೂ ಸಕ್ರಿಯರಾಗಿರುವ ದಲೇರ್ ಮೆಹಂದಿ 2019 ರಲ್ಲಿ ಬಿಜೆಪಿ ಸೇರಿದ್ದರು.