2015ರ ಟಾಪ್ 15 ಹಾಡುಗಳು: ಇದರಲ್ಲಿ ನಿಮ್ಮ ಆಯ್ಕೆಯಾವುದು?

| Updated: Saturday, December 26, 2015, 11:23 [IST]

'ಒಲವಿನ ಪೂಜೆಗೆ ಒಲವೇ ಮಂದಾರ ಒಲವೇ ಬದುಕಿನ ಬಂಗಾರ' ಅನ್ನೋ ಮೇರು ಸಾಹಿತ್ಯ, ಇಂಪಾದ ಸಂಗೀತವಿರುವ ಹಾಡನ್ನೂ ಕೇಳಿದ್ದೇವೆ. 'ಅಪ್ಪಾ ಲೂಸಾ.. ಅಮ್ಮಾ ಲೂಸಾ' ಎನ್ನುವ ಹಾಡುಗಳೂ ಸ್ಯಾಂಡಲ್ ವುಡ್ ನಲ್ಲಿ ಹಿಟ್ ಆಗಿವೆ.

ಇತ್ತೀಚಿನ ದಿನಗಳಲ್ಲಿ ಕನ್ನಡ ಚಿತ್ರಗಳ ಮಾರುಕಟ್ಟೆ ವಿಸ್ತಾರಗೊಂಡಂತೇ, ಆಡಿಯೋ ಮಾರುಕಟ್ಟೆಯಲ್ಲೂ ಗಣನೀಯ ಸುಧಾರಣೆ ಕಂಡಿದೆ. ಹಾಗಂತ, ಅತ್ಯುತ್ತಮ ಸಾಹಿತ್ಯವಿರುವ, ಸಂಗೀತವಿರುವ ಹಾಡುಗಳು ಕನ್ನಡದಲ್ಲಿ ಹೆಚ್ಚು ಹೆಚ್ಚು ಬರುತ್ತಿವೆ ಎಂದರ್ಥವಲ್ಲ. (ಗಾಂಧಿನಗರದಲ್ಲಿ ಈ ವರ್ಷ ಸಿನಿಮಾ ಬೋರು, ಕಿರಿಕ್ ಜೋರು)

70-80ರ ದಶಕಗಳಲ್ಲಿ ಬಿಡುಗಡೆಗೊಂಡ ಚಿತ್ರಗಳ ಹಾಡುಗಳು ಈಗಲೂ ತಮ್ಮ ತಾಕತ್ತನ್ನು ಉಳಿಸಿಕೊಂಡಂತೆ, ಈಗಿನ ಚಿತ್ರಗಳಲ್ಲಿನ ಹಾಡುಗಳು ಅಂಥಾ ಪ್ರಭಾವವನ್ನು ಬೀರುವಲ್ಲಿ ವಿಫಲವಾಗಿದೆ. ಅಲ್ಲೊಮ್ಮೆ, ಇಲ್ಲೊಮ್ಮೆ ಒಳ್ಳೆ ಹಾಡುಗಳೂ ಬಂದಿವೆ.

2015ರ ಜನವರಿಯಿಂದ ಜೂನ್ ವರೆಗೆ 29, ಜುಲೈನಿಂದ ಡಿಸೆಂಬರ್ ವರೆಗೆ 80ಕ್ಕೂ ಹೆಚ್ಚು ಚಿತ್ರಗಳು ಈ ವರ್ಷ ಬಿಡುಗಡೆಗೊಂಡಿವೆ. ಒಟ್ಟಾರೆ ಈ ವರ್ಷದಲ್ಲಿ ಬಿಡುಗಡೆಗೊಂಡ ಶತಕಕ್ಕೂ ಹೆಚ್ಚು ಚಿತ್ರಗಳ ಪೈಕಿ, ಪ್ರೇಕ್ಷಕರ ಬಾಯಲ್ಲಿ ಗುನುಗುತ್ತಿರುವಂತಹ ಆಯ್ದ 15 ಹಾಡನ್ನು ಸ್ಲೈಡಿನಲ್ಲಿ ಮುಂದುವರಿಸಿದ್ದೇವೆ.

ಜೊತೆಗೆ ಈ ವರ್ಷ ರಾಜ್ ಅಭಿನಯದ 1974ರಲ್ಲಿ ಮೂಲ ಬಿಡುಗಡೆಗೊಂಡಿದ್ದ 'ಎರಡು ಕನಸು' ಚಿತ್ರ ಫೆಬ್ರವರಿ ಆರರಂದು ರಿರಿಲೀಸ್ ಆಗಿತ್ತು. ಆ ಚಿತ್ರದ ಹಾಡುಗಳು ಲೇಖನದ ಸ್ಲೈಡಿನಲ್ಲಿ ಇಲ್ಲ, ಆ ಚಿತ್ರದ ಹಾಡುಗಳಿಗೆ ಸರಿಸಾಟಿಯೂ ಇಲ್ಲ ಬಿಡಿ.. (ಈ ವರ್ಷ ಹಸೆಮಣೆ ಏರಿ ಚತುರ್ಭಜರಾದ ತಾರೆಯರು)

ಈ ಟಾಪ್ 15 ಹಾಡುಗಳ ಪೈಕಿ ನಿಮ್ಮ ಆಯ್ಕೆಯಾವುದು, ಪಟ್ಟಿಯಲ್ಲಿ ಇಲ್ಲದ 2015ರ ನಿಮ್ಮ ಆಯ್ಕೆಯ ಹಾಡುಗಳು ಬೇರೆಯದ್ದೇ ಆಗಿದ್ದರೆ ಕಾಮೆಂಟ್ ಬಾಕ್ಸಿನಲ್ಲಿ ತಿಳಿಸಿ. (ಸ್ಲೈಡಿನಲ್ಲಿರುವ ಹಾಡುಗಳು ಜನಪ್ರಿಯತೆ ಪಡೆದ ಕ್ರಮಾಂಕದಲ್ಲಿಲ್ಲ, ಚಿತ್ರ ಬಿಡುಗಡೆಯಾದ ದಿನಾಂಕದ ಆಧಾರದಲ್ಲಿದೆ)