Don't Miss!
- News Neha Hiremath: ಸಿದ್ದರಾಮಯ್ಯ ಹೇಳಿಕೆಗೆ ಕಾಂಗ್ರೆಸ್ ಕಾರ್ಪೊರೇಟರ್ ನೇಹಾ ತಂದೆ ಆಕ್ರೋಶ
- Sports IPL 2024: ಐಪಿಎಲ್ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Finance ಇಳಿಕೆ ಕಂಡ ನೆಸ್ಲೆ ಇಂಡಿಯಾ ಷೇರು: ಸೆರೆಲಾಕ್ನಲ್ಲಿ ಸಕ್ಕರೆ ಬಗ್ಗೆ ಸಂಸ್ಥೆಯ ಸ್ಪಷ್ಟನೆ ಏನು?
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Lifestyle ಸ್ವತಂತ್ರ ಭಾರತದ ಮೊದಲ ಮತದಾರನಿಲ್ಲದ ಮೊದಲ ಚುನಾವಣೆ ಇದು..! ಯಾರು ಈ ಮತದಾರ ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮರ ಗಾಯಕ ರಫಿಗೆ ಗೂಗಲ್ ಡೂಡಲ್ ನಮನ
ಯುಗಳ ಗೀತೆ, ಪ್ರೇಮ, ಶೋಕ, ಭಕ್ತಿ, ವಿಷಾದ, ತುಂಟತನ ಹೀಗೆ ವೈವಿಧ್ಯಮಯ ಹಾಡುಗಳ ಮೂಲಕ ಕೇಳುಗರ ಹೃಣ್ಮನ ತಣಿಸಿ ಹಿನ್ನಲೆಯ ಗಾಯಕ ಲೋಕದ ಅನಭಿಶಕ್ತ ದೊರೆಯಾಗಿರುವ ಮೊಹಮ್ಮದ್ ರಫಿ ಅವರ ಜನ್ಮದಿನವನ್ನು ಇಂದು ಎಲ್ಲೆಡೆ ಆಚರಿಸಲಾಗುತ್ತಿದೆ.
ಸರ್ಚ್ ಇಂಜಿನ್ ದೈತ್ಯ ಗೂಗಲ್ ಕೂಡಾ ಡೂಡಲ್ ಮೂಲಕ ಗಾನ ಲೋಕದ ದೈತ್ಯ ಪ್ರತಿಭೆ ರಫಿ ಅವರಿಗೆ ನಮಿಸಿದೆ. ಮುಂಬೈ ಮೂಲದ ಕಲೆಗಾರ ಸಾಜಿದ್ ಶೇಖ್ ಅವರು ವಿನ್ಯಾಸಗೊಳಿಸಿರುವ ಡೂಡಲ್ ನಲ್ಲಿ ಬಾಲಿವುಡ್ ನ ಹಿನ್ನಲೆ ಗಾಯನದ ಕಿಂಗ್ ಎಂದು ರಫಿ ಅವರನ್ನು ಬಿಂಬಿಸಲಾಗಿದೆ. 1942ರಿಂದ 1980ರ ದಶಕದ ತನಕ ರಫಿ ಅವರು ಆ ಕಾಲದ ಪ್ರತಿ ಹೀರೋ, ನಟ, ಹಾಸ್ಯ ನಟನ ದನಿಯಾಗಿದ್ದರು.
ಹಿಂದಿ ಸಿನಿಮಾ ಗಾಯಕ ಮೊಹಮ್ಮದ್ ರಫಿ ಅವರನ್ನು ಇಷ್ಟಪಡದವರಾರು? 'ಯೇ ಮೇರಾ ಪ್ರೇಮ್ ಪತ್ರ್ ಪಡ್ಕರ್', 'ಆಜ ಆಜಾ ಮೇಹೂ ಪ್ಯಾರ್ ತೇರಾ', '...ತಾರೀಫ್ ಕರೂ ಕ್ಯಾ ಉಸ್ಕೀ ಜಿಸ್ನೇ ತುಮ್ಹೆ ಬನಾಯಾ', 'ಕರ್ ಚಲೇ ಹಮ್ ಫಿದಾ ಜಾನ್ ವತನ್ ಸಾಥಿಯಾ'- ಹೀಗೆ ಗುನುಗಿದಷ್ಟೂ ರಫಿ ಗೀತೆಗಳು ನೆನಪಾಗುತ್ತಲೇ ಹೋಗುತ್ತವೆ. ಕೆಲವು ಕಣ್ಣಲ್ಲಿ ನೀರು ತುಂಬಿಸುವಷ್ಟು ಶಕ್ತ.
ಸಚಿನ್ ದೇವ್ ಬರ್ಮನ್ ಅವರ ಸಂಗೀತದಲ್ಲಿ ಅತಿ ಹೆಚ್ಚು ಜನಪ್ರಿಯ ಹಾಡುಗಳನ್ನು ಹಾಡಿದ ರಫಿ ಅವರು ಶಂಕರ್ ಜೈಕಿಶನ್, ಮದನ್ ಮೋಹನ್ ಹಾಗೂ ಓಪಿ ನಯ್ಯರ್ ಸಂಯೋಜನೆಯ ಹಲವು ಮನಮಿಡಿಯುವ ಗೀತೆಗಳನ್ನು ನೀಡಿದ ರಫಿ ಅವರಿಗೆ ಗುರುದತ್ ಅವರ 'ಚೌದ್ವಿ ಕಾ ಚಾಂದ್' ಚಿತ್ರದ ಶೀರ್ಷಿಕೆ ಗೀತೆ ಮೊದಲ ಫಿಲಂಫೇರ್ ಪ್ರಶಸ್ತಿ ತಂದುಕೊಟ್ಟಿತು.
'ಕ್ಯಾ ಹುವಾ ತೇರಾ ವಾದಾ' ಹಾಡು 1977ರಲ್ಲಿ ರಾಷ್ಟ್ರಪ್ರಶಸ್ತಿ ತಂದುಕೊಟ್ಟಿತು. ಇದಕ್ಕೂ ಮುನ್ನ ಭಾರತ ಸರ್ಕಾರದಿಂದ 1967ರಲ್ಲಿ ಪದ್ಮಶ್ರೀ ಬಂದಿತು. ಆದರೆ, ಭಾರತ ರತ್ನ ಗೌರವಕ್ಕೆ ಅರ್ಹರಾದ ರಫಿ ಅವರಿಗೆ ಸರ್ಕಾರದಿಂದ ಸರಿಯಾದ ಮನ್ನಣೆ ಸಿಗಲಿಲ್ಲ ಎಂಬ ಕೊರಗು ಇನ್ನೂ ಅಭಿಮಾನಿಗಳಲ್ಲಿದೆ.