ಗೀತಸಾಹಿತಿ ಗುಲ್ಜಾರ್ ಅವರಿಗೆ ಪ್ರತಿಷ್ಠಿತ ಫಾಲ್ಕೆ ಪ್ರಶಸ್ತಿ

ಖ್ಯಾತ ಗೀತಸಾಹಿತಿ, ಕವಿ, ಲೇಖಕ ಹಾಗೂ ಚಲನಚಿತ್ರ ನಿರ್ದೇಶಕ ಗುಲ್ಜಾರ್ (79) ಅವರು 2013ನೇ ಸಾಲಿನ ಪ್ರತಿಷ್ಠಿತ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಚಲನಚಿತ್ರ ಕ್ಷೇತ್ರಕ್ಕೆ ತಮ್ಮ ಜೀವವನ್ನು ತೇಯುತ್ತಿರುವವರಿಗೆ ಈ ಅತ್ಯುನ್ನತ ಪ್ರಶಸ್ತಿಯನ್ನು ಭಾರತ ಸರ್ಕಾರ ಪ್ರತಿವರ್ಷ ನೀಡಿ ಗೌರವಿಸುತ್ತಿದೆ.

ಗುಲ್ಜಾರ್ ಅವರು ಅಕಾಡೆಮಿ ಪ್ರಶಸ್ತಿ ಪಡೆದಂತಹ ಶ್ರೇಷ್ಠ ಗೀತಸಾಹಿತಿ. ಅವರ ಚೊಚ್ಚಲ ಚಿತ್ರ 'ಮೇರೆ ಅಪ್ನೆ' (1971) ಮೂಲಕ ನಿರ್ದೇಶನಕ್ಕೆ ಅಡಿಯಿಟ್ಟ ಗುಲ್ಜಾರ್ ಬಳಿಕ ಪರಿಚಯ್, ಕೋಶಿಶ್ ಹಾಗೂ ಅಂಧಿ ಚಿತ್ರಗಳು ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಗಿವೆ. [ಕನ್ನಡಿಗ ವಿಕೆ ಮೂರ್ತಿಗೆ ದಾದಾ ಸಾಹೇಬ್ ಫಾಲ್ಕೆ]

ಪೃಥ್ವಿರಾಜ್ ಕಪೂರ್, ಲತಾ ಮಂಗೇಷ್ಕರ್, ದಿಲೀಪ್ ಕುಮಾರ್, ಶ್ಯಾಂ ಬೆನಗಲ್ ಹಾಗೂ ಪ್ರಾಣ್ ಅವರ ಸಾಲಿಗೆ ಗುಲ್ಜಾರ್ ಅವರು ಸೇರ್ಪಡೆಯಾಗಿದ್ದಾರೆ. ಗುಲ್ಜಾರ್ ಅವರಿಗೆ ಇದುವರೆಗೂ ಹಲವಾರು ರಾಷ್ಟ್ರ ಪ್ರಶಸ್ತಿಗಳು ಹಾಗೂ 20 ಫಿಲಂಫೇರ್ ಪ್ರಶಸ್ತಿಗಳು ಸಂದಿವೆ. ಗುಲ್ಜಾರ್ ಅವರ ರಚಿಸಿದ ಹಲವಾರು ಹಾಡುಗಳು ತಲೆಮಾರುಗಳನ್ನು ರಂಜಿಸಿವೆ. (ಏಜೆನ್ಸೀಸ್)