ಆಗಸ್ಟ್ ನಲ್ಲಿ ದರ್ಶನ್ 'ತಾರಕ್' ಚಿತ್ರದ ಹಾಡುಗಳ ಹಬ್ಬ

ದರ್ಶನ್ ಅಭಿನಯದ 'ತಾರಕ್' ಚಿತ್ರದ ಹಾಡುಗಳು ಮುಂದಿನ ತಿಂಗಳು... ಅಂದರೆ ಆಗಸ್ಟ್ ನಲ್ಲಿ ರಿಲೀಸ್ ಆಗಿಲಿದೆ. ಈ ವಿಷಯವನ್ನು ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಹಂಚಿಕೊಂಡಿದ್ದಾರೆ.

ಅರ್ಜುನ್ ಜನ್ಯ ತಮ್ಮ ಫೇಸ್ ಬುಕ್ ನಲ್ಲಿ 'ತಾರಕ್' ಆಡಿಯೋ ರಿಲೀಸ್ ವಿಷಯವನ್ನು ತಿಳಿಸಿದ್ದಾರೆ. ಈ ಹಿಂದೆ ದರ್ಶನ್ ಅವರ 'ಚಕ್ರವರ್ತಿ' ಚಿತ್ರಕ್ಕೆ ಮ್ಯೂಸಿಕ್ ನೀಡಿದ್ದ ಅರ್ಜುನ್ ಜನ್ಯ ಈಗ 'ತಾರಕ್' ಚಿತ್ರದಲ್ಲಿಯೂ ತಮ್ಮ ಸಂಗೀತ ಸುಧೆಯನ್ನು ಮುಂದುವರೆಸಿದ್ದಾರೆ.

'ತಾರಕ್' ಚಿತ್ರದ ಹಾಡುಗಳ ಪೈಕಿ ಗಾಯಕ ಅರ್ಮನ್ ಮಲ್ಲಿಕ್ ಎರಡು ಹಾಡುಗಳನ್ನು ಹಾಡಿದ್ದಾರೆ. ಈ ಹಿಂದೆ ಕನ್ನಡದ 'ರಾಗ', 'ಮುಂಗಾರು ಮಳೆ 2' ಚಿತ್ರದ ಹಾಡುಗಳನ್ನು ಅರ್ಮನ್ ಮಲ್ಲಿಕ್ ಹಾಡಿದ್ದರು. ಅಂದಹಾಗೆ, 'ತಾರಕ್' ಮಿಲನ ಪ್ರಕಾಶ್ ನಿರ್ದೇಶನದ ಚಿತ್ರವಾಗಿದ್ದು, ಹಾಡುಗಳ ಮೇಲೆ ನಿರೀಕ್ಷೆ ದೊಡ್ಡದಿದೆ.