Don't Miss!
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಸೋರುತಿಹುದು ಮನೆಯ ಮಾಳಿಗಿ’ ಎಂದ ರ್ಯಾಪರ್ ಆಲ್ ಓಕೆ
ಕನ್ನಡದ ರ್ಯಾಪ್ ಲೋಕದಲ್ಲಿ ಕೆಲವು ಪ್ರತಿಭಾವಂತ ರ್ಯಾಪರ್ ಗಳಿದ್ದಾರೆ. ಅವರಲ್ಲಿ ಆಲ್ ಓಕೆ ಪ್ರಮುಖರು. ಕೆಲವು ಒಳ್ಳೆಯ ರ್ಯಾಪ್ ಹಾಡುಗಳನ್ನು ಕನ್ನಡಕ್ಕೆ ನೀಡಿರುವ ಆಲ್ ಓಕೆ ಇದೀಗ ಹೊಸದೊಂದು ಹಾಡಿನೊಂದಿಗೆ ಬಂದಿದ್ದಾರೆ.
ರ್ಯಾಪ್ ಹಾಡುಗಳ ಮೂಲಕ ಸಂದೇಶ ನೀಡುವ ಪ್ರಯತ್ನದಲ್ಲಿ ನಿರತರಾಗಿರುವ ಆಲ್ ಓಕೆ, ಇದೀಗ ಸಂತ ಶಿಶುನಾಳ ಶರೀಫರ 'ಸೋರುತಿಹುದು ಮನೆಯ ಮಾಳಿಗಿ' ಹಾಡನ್ನು ರ್ಯಾಪ್ ಸಂಗೀತಕ್ಕೆ ಒಗ್ಗಿಸಿದ್ದಾರೆ.
ಕನ್ನಡದ ರ್ಯಾಪರ್ ಆಲೋಕ್ ಬಾಬು ಊರೂಫ್ ಆಲ್ ಓಕೆ ಕುಲಕೋಟಿ ಕನ್ನಡಿಗರು ಸಂಗೀತ ಪ್ರಿಯರು ಆಸ್ವಾದಿಸುವ ಮತ್ತೊಂದು ಗಾಯನವನ್ನು ಉಣಬಡಿಸಿದ್ದಾರೆ. ತಮ್ಮದೇ ರ್ಯಾಪ್, ಹಿಪಾಪ್ ಸ್ಟೈಲ್ ಹಾಡುಗಳನ್ನು ಮಾಡ್ತಾ ಸಂಗೀತಯಾನದಲ್ಲಿ ಫಂಟರ್ ಆಗಿರುವ ಆಲ್ ಓಕೆ ಈಗ ಶರೀಫ್ ಅಜ್ಜರ 'ಸೋರುತಿವುದು ಮನೆಯ ಮಾಳಿಗಿ' ಜನಪದ ಹಾಡಿಗೆ ರ್ಯಾಪ್ ಸ್ಪರ್ಶ ಕೊಟ್ಟು ಅದ್ಭುತವಾಗಿ ಹಾಡನ್ನು ರೂಪಿಸಿದ್ದಾರೆ.
ಕನ್ನಡದ ಮಟ್ಟಿಗೆ ಹೊಸತನ, ವಿಶೇಷತನದಿಂದ ಕೂಡಿರುವ 'ಸೋರುತಿವುದು ಮನೆಯ ಮಾಳಿಗಿ' ಆಲ್ಬಂ ಹಾಡಿನಲ್ಲಿ ಅಜ್ಞಾನದ ಕುರಿತು ಪ್ರತಿಯೊಬ್ಬರಿಗೂ ಪ್ರೇರಣೆ ತುಂಬುವಂತಹ ಸಾಹಿತ್ಯವಿದೆ. ಈ ಹಾಡಿಗೆ ಆಲ್ ಓಕೆ ಸಾಹಿತ್ಯ, ಸಂಗೀತ, ನಿರ್ಮಾಣ-ನಟನೆ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಬ್ಲಾಕ್ ಅಂಡ್ ವೈಟ್ ಥೀಮ್ ನಲ್ಲಿ ಮೂರು ಶೇಡ್ ನಲ್ಲಿ ಕಾಣಿಸಿಕೊಂಡಿರುವ ಆಲ್ ಓಕೆ ಕಾಸ್ಟ್ಯೂಮ್ ಸ್ಟೈಲ್, ಲೋಕೇಷನ್, ಮೇಕಿಂಗ್ ಎಲ್ಲವೂ ಅದ್ಧೂರಿಯಾಗಿ ಮೂಡಿ ಬಂದಿದೆ.
ಸಂತ ಶಿಶುನಾಳ ಶರೀಫರ ಹಾಡಿನಿಂದ ಸ್ಫೂರ್ತಿ ಪಡೆದು ತಯಾರಿಸುವ ಹಾಡಿಗೆ ರಾಜಾ ರಾಮ್ ರಾಜೇಂದ್ರನ್ ನಿರ್ದೇಶನ ಹಾಗೂ ಛಾಯಾಗ್ರಾಹಣ, ಜೋಲ್ಸನ್ ಪಣಿಕರ್ ಸಂಕಲನ ಹಾಗೂ ಗ್ರಾಫಿಕ್ ಜವಾಬ್ದಾರಿ ನಿರ್ವಹಿಸಿದ್ದಾರೆ. ಕಳೆದ 19 ವರ್ಷಗಳಿಂದ ಕನ್ನಡ ರ್ಯಾಪ್ ದುನಿಯಾದಲ್ಲಿ ತಮ್ಮದೇ ಸ್ಟೈಲ್ ಕ್ರಿಯೇಟ್ ಮಾಡಿರುವ ಆಲ್ ಓಕೆ ಈಗ ಜನಪದ ಸಾಹಿತ್ಯದ ಉಳಿವಿಗಾಗಿ ಹೊಸ ಪ್ರಯೋಗ ಮಾಡಿದ್ದು, ಈ ವಿಭಿನ್ನತೆ ಹಾಡು ಪ್ರತಿಯೊಬ್ಬರಿಗೂ ಇಷ್ಟವಾಗುವುದರಲ್ಲಿ ಯಾವುದೇ ಸಂದೇಹ ಬೇಡ.
ಭಿನ್ನ ವೇಷದಲ್ಲಿ ಆಲ್ ಓಕೆ ಈ ಹಾಡಿನಲ್ಲಿ ಕಾಣಿಸಿಕೊಂಡಿದ್ದು, ಯೂಟ್ಯೂಬ್ನಲ್ಲಿ 6 ಲಕ್ಷಕ್ಕೂ ಹೆಚ್ಚು ವೀವ್ಸ್ ಅನ್ನು ಕಡಿಮೆ ಅವಧಿಯಲ್ಲೇ ಗಳಿಸಿದೆ. ಈ ಹಿಂದೆಯೂ ಹಲವು ಒಳ್ಳೆಯ ಕನ್ನಡ ರ್ಯಾಪ್ ಗಳನ್ನು ಆಲ್ ಓಕೆ ನೀಡಿದ್ದಾರೆ.