'ಕೆಜಿಎಫ್' ತಾಯಿಯ ಹಾಡು ಟ್ರೆಂಡ್ : ಎರಡನೇ ಹಾಡಿನ ವಿಶೇಷ

Recommended Video

'ಸಲಾಮ್ ರಾಕಿ ಭಾಯ್..' ಎಂಬ ಮಾಸ್ ಹಾಡು ಎಲ್ಲರನ್ನು ಕುಣಿಸುತ್ತಿದೆ. ಈ ಹಾಡಿನ ಬಳಿಕ 'ಕೆಜಿಎಫ್' ಸಿನಿಮಾ ಎರಡನೇ ಹಾಡು ಬಿಡುಗಡೆಯಾಗಿದೆ. 'ಕೆಜಿಎಫ್' ತಾಯಿಯ ಹಾಡು ಕೇಳುಗರ ಮನ ಮುಟ್ಟಿದೆ.

ನಿನ್ನೆ ಸಂಜೆ 7.30ಕ್ಕೆ 'ಕೆಜಿಎಫ್' ಸಿನಿಮಾದ ಎರಡನೇ ಹಾಡು ಬಿಡುಗಡೆಯಾಗಿದೆ. 'ಗರ್ಭದಿ..' ಎಂಬ ಈ ಹಾಡು ಸದ್ಯ ಯೂಟ್ಯೂಬ್ ನಲ್ಲಿ 5 ಲಕ್ಷಕ್ಕೂ ಅಧಿಕ ಹಿಟ್ಸ್ ಪಡೆದಿದೆ. ಈ ಹಾಡು ಯೂಟ್ಯೂಬ್ ನಲ್ಲಿ 5 ಟಾಪ್ ಟ್ರೆಂಡಿಂಗ್ ವಿಡಿಯೋ ಆಗಿದೆ. ಮುಖ್ಯವಾಗಿ ಈ ಹಾಡಿನ ಸಾಹಿತ್ಯಕ್ಕೆ ದೊಡ್ಡ ಮೆಚ್ಚುಗೆ ವ್ಯಕ್ತವಾಗಿದೆ.

''ಗರ್ಭದಿ ನನ್ನಿರಿಸಿ... ಊರಲಿ ನಡೆಯುತ್ತಿರೇ.. ತೇರಲಿ ಕುಳಿತಂತೆ ಅಮ್ಮ..'

''ಗುಮ್ಮ ಬಂದೆನಿಸಿ... ಹೆದರಿ ನಿಂತಾಗ ನಿನ್ನ ಸೆರಗೇ ಕಾವಲು ಅಮ್ಮ..''

ಎಂಬ ಈ ಸಾಲುಗಳು ಹಾಡಿನ ಶಕ್ತಿಯನ್ನು ಹೆಚ್ಚಿಸಿವೆ. ಕಿನ್ನಲ್ ರಾಜ್ ಹಾಗೂ ರವಿ ಬಸ್ರೂರ್ ಸಾಹಿತ್ಯ ಬರೆದಿದ್ದಾರೆ. ಅನನ್ಯ ಭಟ್ ಹಾಡಿಗೆ ಧ್ವನಿಯಾಗಿದ್ದಾರೆ. ರವಿ ಬಸ್ರೂರ್ ಸಂಗೀತ ಮ್ಯಾಜಿಕ್ ಮಾಡಿದೆ.

ಅಂದಹಾಗೆ, 'ಕೆಜಿಎಫ್' ಸಿನಿಮಾದ ಹಾಡುಗಳ ಸಿನಿಮಾದ ಮೇಲಿನ ನಿರೀಕ್ಷೆಯನ್ನ ಆಕಾಶದ ಎತ್ತರಕ್ಕೆ ಏರಿಸಿವೆ. ಈ ಮಹಾ ಸಿನಿಮಾ ಇನ್ನ 11 ದಿನಗಳಲ್ಲಿ ಬಿಡುಗಡೆಯಾಗುತ್ತಿದೆ.