ಧ್ವನಿಸುರುಳಿ ವಿಮರ್ಶೆ: ಸಿಂಪಲ್ ಆಗಿ ಇನ್ನೊಂದ್ ಲವ್ ಸ್ಟೋರಿ

ಎಲ್ಲೂ ಮಾರದ ಹೃದಯ

ಬಿ ಜೆ ಭರತ್ ಸಂಗೀತ ಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಹಾಡು ಮಾಧುರ್ಯ ಪ್ರಧಾನವಾಗಿದ್ದು ಸ್ವತಃ ನಿರ್ದೇಶಕ ಸುನಿ ಪದ ಪೋಣಿಸಿರುವ ಈ ಗೀತೆಗೆ ಚೇತನ್ ಗಂಧರ್ವ ದನಿ ಗೂಡಿಸಿದ್ದಾರೆ . ಈ ಹಾಡು ನಾಯಕ ತನ್ನ ಪ್ರೀತಿಯನ್ನು ನಾಯಕಿಗೆ ವ್ಯಕ್ತಪಡಿಸುವಂತದ್ದಾಗಿದೆ, ಅಲ್ಲದೇ ಈ ಗೀತೆ ಈಗಾಗಲೇ ಕೇಳುಗರ ಪ್ಲೇ ಲಿಸ್ಟ್ ನಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ.

ತುಸು ಪ್ರೀತಿಯ

ಭಾರತದ ಬಹುಬೇಡಿಕೆಯ ಇತ್ತೀಚಿಗೆ ಕನ್ನಡದ ಕೇಳುಗರಿಗೆ ಆಪ್ತ ಗಾಯಕರಾಗಿರುವ ಸೋನು ನಿಗಮ್ ಮತ್ತು ಪಲಕ್ ಮಚ್ಹಲ್ ಹಾಡಿರುವ ಈ ಗೀತೆಯನ್ನು ಈ ಚಿತ್ರದ ಮತ್ತೋರ್ವ ಸಂಗೀತ ನಿರ್ದೇಶಕ ಸಾಯಿ ಕಿರಣ್ ಸಂಯೋಜಿಸಿದ್ದಾರೆ. ಈ ಚಿತ್ರದ ಮತ್ತೊಂದು ಮಾಧುರ್ಯ ಪ್ರಧಾನ ಯುಗಳ ಗೀತೆ ಇದಾಗಿದೆ.

ನಾನೇ ಬರೆದ ನನ್ನ ಕಥೆಗೆ

ನಿರ್ದೇಶಕ ಸುನಿ ಬರೆದಿರುವ ಈ ಹಾಡು ಚಿತ್ರದ ಒಂದು ವಿರಹ ಗೀತೆ. ಕಳೆದು ಹೋದ ಪ್ರೀತಿಯ ಮೇಲಿರುವ ಈ ಹಾಡನ್ನು ಕನ್ನಡದ ಖ್ಯಾತ ಗಾಯಕರಾದ ರಾಜೇಶ್ ಕೃಷ್ಣನ್ ಮತ್ತು ಅನುರಾಧ ಭಟ್ ಹಾಡಿದ್ದು ಸಾಯಿ ಕಿರಣ್ ಅವರ ಸಂಯೋಜನೆ ಇದೆ.

ಸಿಂಪಲ್ ಆಗಿ ಇನ್ನೊಂದ್ ಲವ್ ಸ್ಟೋರಿ

ಸಂಗೀತ ನಿರ್ದೇಶಕ ಬಿ ಜೆ ಭರತ್ ಪಾಶ್ಚಾತ್ಯ ಸಂಗೀತ ವಾದ್ಯಗಳನ್ನು ಅಳವಡಿಸಿಕೊಂಡು ತಯಾರಿಸಿರುವ ಈ ಚಿತ್ರದಲ್ಲಿ ಸಿಂಪಲ್ ಆಗಿರುವ ಶೀರ್ಷಿಕೆ ಗೀತೆ. ಇದನ್ನು ಸ್ವತಃ ಭರತ್ ಅವರೇ ಹಾಡಿದ್ದಾರೆ. ಹಾಡಿಗೆ ಸುನಿ ಅವರ ಸಾಹಿತ್ಯವಿದೆ.

ನಾನೇ ಬರೆದ ನನ್ನ ಕಥೆಗೆ

ಇದು ಅನುರಾಧ ಭಟ್ ಜೊತೆ ಅರವಿಂದ್ ಎಂಬ ಹೊಸ ಗಾಯಕ ಹಾಡಿರುವ ಇನ್ನೊಂದು ವರ್ಶನ್ ಹಾಡು. ಈ ಹಾಡನ್ನು ಸಾಯಿ ಕಿರಣ್ ಸಂಯೋಜಿಸಿದ್ದಾರೆ. ಸುನಿ ಅವರ ಸಾಹಿತ್ಯವಿದೆ.

ಎಲ್ಲೂ ಮಾರದ ಹೃದಯ ( ರಿಮಿಕ್ಸ್ )

ಈ ಗೀತೆ ಎಲ್ಲೂ ಮಾರದ ಹೃದಯ ಹಾಡಿನ ರಿಮಿಕ್ಸ್ ವರ್ಶನ್. ಸಂಗೀತ ನೀಡಿದವರು ಭರತ್.