ಯಶ್ ಅಭಿಮಾನಿಗಳಿಗಾಗಿ ಬಂತು ಬರ್ತ್ ಡೇ ಗಿಫ್ಟ್

ನಟ ಯಶ್ ಈ ವರ್ಷ ತಮ್ಮ ಹುಟ್ಟುಹಬ್ಬದ ಆಚರಣೆ ಮಾಡಿಲ್ಲ ಎನ್ನುವುದು ಕೆಲ ಅಭಿಮಾನಿಗಳಿಗೆ ಬೇಸರ ತಂದಿರಬಹುದು. ಆದರೆ, ಅದನ್ನು 'ಕೆಜಿಎಫ್' ತಂಡ ಹೊಗಲಾಡಿಸಿದೆ. 'ಕೆಜಿಎಫ್' ಸಿನಿಮಾದ ಹಾಡು ಯಶ್ ಅಭಿಮಾನಿಗಳಿಗೆ ಉಡುಗೊರೆಯಾಗಿ ಬಂದಿದೆ.

ಚಿತ್ರದ ಸಲಾಮ್ ರಾಕಿ ಭಾಯ್ ಹಾಡಿನ ವಿಡಿಯೋ ಯಶ್ ಬರ್ತ್ ಡೇ ವಿಶೇಷವಾಗಿ ಬಂದಿದೆ. ಕೆಲವೇ ನಿಮಿಷಗಳು ಹಿಂದೆ ಯೂಟ್ಯೂಬ್ ನಲ್ಲಿ ಹಾಡು ಬಿಡುಗಡೆಯಾಗಿದ್ದು, ಎಂಬತ್ತು ಸಾವಿರಕ್ಕೂ ಅಧಿಕ ಹಿಟ್ಸ್ ಪಡೆದಿದೆ.

ಈ ಸಿನಿಮಾದ ಪ್ರಮುಖ ಹಾಡು ಇದಾಗಿದ್ದು, ಇದೀಗ ವಿಡಿಯೋ ಕೂಡ ರಿಲೀಸ್ ಆಗಿದೆ. ಅಂದಹಾಗೆ, ಸಿನಿಮಾದ ಮೊದಲ ವಿಡಿಯೋ ಹಾಡು ಇದಾಗಿದೆ. ಈ ಹಾಡನ್ನು ವಿ ನಾಗೇಂದ್ರ ಪ್ರಸಾದ್ ಬರೆದಿದ್ದು, ರವಿ ಬಸ್ರೂರ್ ಸಂಗೀತ ನೀಡಿದ್ದಾರೆ.

ಮತ್ತೊಂದು ಕಡೆ 'ಕೆಜಿಎಫ್' ಸಿನಿಮಾ 200 ಕೋಟಿ ಗಳಿಕೆ ಮಾಡಿದೆ. ಬಾಕ್ಸ್ ಆಫೀಸ್ ನಲ್ಲಿ ರಾಕಿ ಭಾಯ್ ಈಗ ಮೊದಲ ಸ್ಥಾನ ಅಲಂಕರಿಸಿದ್ದಾರೆ.