'ಪಂಚತಂತ್ರ' ಶೃಂಗಾರದ ಹಾಡಿನ ವಿಡಿಯೋ ನೋಡಿ

'ಪಂಚತಂತ್ರ' ಸಿನಿಮಾ ಹುಡುಗರಿಗೆ ಹುಚ್ಚು ಹಿಡಿಸಿದ್ದೇ 'ಶೃಂಗಾರದ ಹೊಂಗೆಮರ..' ಹಾಡಿನ ಮೂಲಕ. ಈ ಹಾಡು ಕೇಳಿಯೇ ಎಲ್ಲರೂ ಕನಸಿನ ಲೋಕಕ್ಕೆ ತೇಲಿದ್ದರು. ಈಗ ಈ ಹಾಡಿನ ವಿಡಿಯೋ ಬಿಡುಗಡೆಯಾಗಿದೆ.

ಸಿನಿಮಾ ಬಿಡುಗಡೆಯಾದ ಇಷ್ಟು ದಿನಗಳ ಬಳಿಕ ವಿಡಿಯೋ ಹಾಡನ್ನ ಯೋಗರಾಜ್ ಭಟ್ ಬಿಡುಗಡೆ ಮಾಡಿದ್ದಾರೆ. ಇಂದು ಸಂಜೆ 7 ಗಂಟೆಗೆ ಸರಿಯಾಗಿ ಹಾಡು ಡೀ ಬೀಟ್ಸ್ ಯೂ ಟ್ಯೂಬ್ ಚಾನಲ್ ನಲ್ಲಿ ರಿಲೀಸ್ ಆಗಿದೆ.

ಚಿತ್ರಮಂದಿರದಲ್ಲಿ ಸಿನಿಮಾದ ಹಾಡು ನೋಡಿದ್ದವರು ಮತ್ತೆ ಮತ್ತೆ ಈ ಹಾಡನ್ನು ಆನಂದಿದ ಬಹುದಾಗಿದೆ. ಇನ್ನೂ ಈ ಹಾಡಿನ ವಿಡಿಯೋ ನೋಡದೆ ಇರುವವರು ಈಗ ಕಣ್ಣು ತುಂಬಿಕೊಳ್ಳಬಹುದು.

ಈ ಹಾಡಿಗೆ ಯೋಗರಾಜ್ ಭಟ್, ಸಾಹಿತ್ಯ ಹರಿಕೃಷ್ಣ ಸಂಗೀತ ಇದೆ. ವಿಜಯ್ ಪ್ರಕಾಶ್ ಹಾಡಿಗೆ ಧ್ವನಿ ನೀಡಿದ್ದಾರೆ. ಈ ವರ್ಷದ ಹಿಟ್ ಹಾಡುಗಳ ಸಾಲಿನಲ್ಲಿ ಈ ಹಾಡು ಸಹ ಇದೆ.

ಹಾಡಿನಲ್ಲಿ ನಟ ವಿಹಾನ್ ಹಾಗೂ ನಟಿ ಸೋನಾಲ್ ಇಬ್ಬರ ಕೆಮಿಸ್ಟ್ರಿ ಗಮನ ಸೆಳೆಯುತ್ತದೆ. ಚಳಿಗಾಲಕ್ಕೆ ಹಾಡನ್ನು ಬಿಡುಗಡೆ ಮಾಡಿದ್ದ ತಂಡ ಈಗ ಬೇಸಿಗೆ ಕಾಲಕ್ಕೆ ವಿಡಿಯೋ ಬಿಡುಗಡೆ ಮಾಡಿದೆ.