ಪುನೀತ್ ಹಾಡಿದ್ರೆ ಆ ಸಾಂಗ್ ಹಿಟ್: ಇನ್ನೊಂದು ಹೊಸ ಹಾಡು ಕೇಳಿ.!

Recommended Video

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸಿನಿಮಾ ಹಿಟ್ ಆಗೋದು ಕಾಮನ್. ಅದೇ ತರ ಪುನೀತ್ ಹಾಡಿದ್ರೆ ಆ ಸಾಂಗ್ ಕೂಡ ಸೂಪರ್ ಹಿಟ್ ಆಗುತ್ತಾ ಎನ್ನೋದು ಟ್ರೆಂಡ್. ಹೌದು, ಅಪ್ಪು ಧ್ವನಿಯಲ್ಲಿ ಹಾಡೊಂದು ಬಂದ್ರೆ, ಆ ಹಾಡು ಸೂಪರ್ ಹಿಟ್ ಆಗುತ್ತೆ ಎಂಬುದು ಪಕ್ಕಾ.

ಈಗಾಗಲೇ ಸುಮಾರು 50ಕ್ಕೂ ಅಧಿಕ ಹಾಡುಗಳನ್ನ ಹಾಡಿರುವ ಅಪ್ಪು ಬತ್ತಳಿಕೆಯಿಂದ ಇನ್ನೊಂದು ಹೊಸ ಸಾಂಗ್ ಹೊರಬಂದಿದೆ. ದುನಿಯಾ ವಿಜಯ್ ಅಭಿನಯದ 'ಜಾನಿ ಜಾನಿ ಎಸ್ ಪಪ್ಪಾ' ಚಿತ್ರದ ಟೈಟಲ್ ಹಾಡಿಗೆ ಪುನೀತ್ ಧ್ವನಿಯಾಗಿದ್ದು, ಈ ಹಾಡು ಈಗ ಗಾಂಧಿನಗರದಲ್ಲಿ ಸೌಂಡ್ ಮಾಡ್ತಿದೆ.

ಪುನೀತ್ ಹಾಗೂ ದುನಿಯಾ ವಿಜಿ ಸಾಕಷ್ಟು ವರ್ಷಗಳಿಂದ ಚಿತ್ರರಂಗದಲ್ಲಿ ಕೆಲಸ ಮಾಡುತ್ತಾ ಬಂದಿದ್ದರು. ಅಪ್ಪು ಇದೇ ಮೊದಲ ಬಾರಿಗೆ ವಿಜಿ ಅವರ ಸಿನಿಮಾ ಹಾಡನ್ನ ಹಾಡಿದ್ದಾರೆ. 'ಜಾನಿ' ಚಿತ್ರದಲ್ಲಿ ಟೈಟಲ್ ಹಾಡು ಹಿಟ್ ಆದಂತೇ, ಈ ಚಿತ್ರದ ಟೈಟಲ್ ಹಾಡು ಕೂಡ ಹಿಟ್ ಆಗುವ ಎಲ್ಲ ಲಕ್ಷಣವೂ ಇದೆ.

''ಅಂಜೋದಿಲ್ಲ ಗಿಂಜೋದಲ್ಲಿ ಮುಖ ಮೂತಿ ಮುಕಬಿಲ್ಲಾ' ಎಂದು ಆರಂಭವಾಗುವ ಈ ಹಾಡಿಗೆ 'ಕಿರಿಕ್ ಪಾರ್ಟಿ' ಖ್ಯಾತಿಯ ಧನಂಜಯ್ ರಂಜನ್ ಸಾಹಿತ್ಯ ಬರೆದಿದ್ದು, ಅಜನೀಶ್ ಲೋಕನಾಥ್ ಮ್ಯೂಸಿಕ್ ನೀಡಿದ್ದಾರೆ. ಕಲರ್ ಸೆಟ್ ನಲ್ಲಿ ಈ ಟೈಟಲ್ ಹಾಡನ್ನ ಚಿತ್ರೀಕರಿಸಿದ್ದು, ಅಷ್ಟೇ ಕಲರ್ ಫುಲ್ಲಾಗಿ ಮೂಡಿ ಬಂದಿದೆ.

ಪ್ರೀತಂ ಗುಬ್ಬಿ ನಿರ್ದೇಶನ ಮಾಡುತ್ತಿದ್ದು, ದುನಿಯಾ ವಿಜಯ್, ರಚಿತಾ ರಾಮ್, ರಂಗಾಯಣ ರಘು, ಸಾಧುಕೋಕಿಲಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಈಗಾಗಲೇ ಬಹುತೇಕ ಶೂಟಿಂಗ್ ಮುಗಿದಿದ್ದು, ಈಗ ಆಡಿಯೋ ಅಬ್ಬರ ಮಾಡುತ್ತಿದೆ.