'ವಿಂಡೊ ಸೀಟ್' ನ 'ಅತಿ ಚಂದದ' ಹಾಡು ನಿಜಕ್ಕೂ ಚಂದವಿದೆ

ಹೆಸರಿನಿಂದಲೇ ಸುಂದರ ಸಿನಿಮಾ ಆಗಿರಬಹುದಾದ ನಿರೀಕ್ಷೆ ಹುಟ್ಟಿಸಿರುವ 'ವಿಂಡೊ ಸೀಟ್' ಸಿನಿಮಾದ ಹಾಡೊಂದು ಇಂದು ಬಿಡುಗಡೆ ಆಗಿದೆ.

'ಅತಿ ಚಂದದ ಹೂ ಗೊಂಚಲು' ವಿಡಿಯೋ ಹಾಡು ನಿಜಕ್ಕೂ ಚಂದವಿದೆ. ಯೂಟ್ಯೂಬ್‌ ನಲ್ಲಿ ಇಂದು (ನವೆಂಬರ್ 27) ಬಿಡುಗಡೆ ಆಗಿರುವ ಹಾಡು ಕೆಲವೇ ನಿಮಿಷಗಳಲ್ಲಿ ಸಾವಿರಾರು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.

ವಿಜಯ್ ಪ್ರಕಾಶ್ ಹಾಡಿರುವ ಹಾಡು ಕೇಳಲು ಹಿತವಾಗಿದೆ. ಅರ್ಜುನ್ ಜನ್ಯ ಹೊಸೆದಿರುವ ರಾಗಕ್ಕೆ ಯೋಗರಾಜ್ ಭಟ್ಟರು ಲಯಪದ್ಧವಾಗಿ ಪದಗಳನ್ನು ಜೋಡಿಸಿದ್ದಾರೆ. ಹಾಡು, ಪಯಣಿಗನೊಬ್ಬನ ಭಾನೆಗಳಿಗೆ ಪದಕಟ್ಟಿದಂತಿದೆ ಹಾಡು.

ಶೀತಲ್ ಶೆಟ್ಟಿ ನಿರ್ದೇಶಿಸಿರುವ 'ವಿಂಡೋ ಸೀಟ್' ಸಿನಿಮಾದಲ್ಲಿ ನಿರುಪ್ ಬಂಡಾರಿ ನಾಯಕರಾಗಿದ್ದಾರೆ. ಸಂಜನಾ ಆನಂದ್, ಅಮೃತಾ ಅಯ್ಯಂಗಾರ್, ರವಿಶಂಕರ್, ಮಧುಸೂದನ್ ರಾವ್ ಇನ್ನೂ ಹಲವು ನಟರು ಸಿನಿಮಾದಲ್ಲಿದ್ದಾರೆ.

Recommended Video

ಸುದ್ದಿ ವಾಚಕಿಯಾಗಿ ನಂತರ ನಟಿಯಾಗಿದ್ದ ಶೀತಲ್ ಶೆಟ್ಟಿ, 'ವಿಂಡೋ ಸೀಟ್' ಮೂಲಕ ನಿರ್ದೇಶಕಿ ಆಗಿದ್ದಾರೆ. ವಿಂಡೋ ಸೀಟ್‌ಗೆ ನಿರ್ಮಾಪಕ ಜಾಕ್ ಮಂಜು ಬಂಡವಾಳ ಹೂಡಿದ್ದಾರೆ.