ಭರವಸೆ ಮೂಡಿಸಿದ 'ಬನಾಸರ್' ಹಾಡು!

'ಮಾಯಗಂಗೆ'ಯಲ್ಲಿ ಮಿಂದ 'ಬನಾರಸ್'!

'ಬನಾಸರ್' ಸಿನಿಮಾದ ಮೊದಲ ಹಾಡು ರಿಲೀಸ್ ಆಗಿದೆ. ಇದೊಂದು ಪಕ್ಕಾ ಲವ್ ಸ್ಟೋರಿ ಎನ್ನುವುದನ್ನು ಈ ಹಾಡಿನ ಮೂಲಕ ಹೇಳಲಾಗಿದೆ. ಹಾಡಿನ ಆರಂಭದಲ್ಲಿ ನಟಿ ಸೋನಲ್, ನಾಯಕನ ಕೆನ್ನೆಗೆ ಮುತ್ತಿಟ್ಟು, ಪ್ರೀತಿ ಹೇಳಿ ಹೋಗುತ್ತಾಳೆ. ಅಲ್ಲಿಂದ ನಾಯಕನ ಪ್ರೇಮ ಜರ್ನಿಯನ್ನು ಇಲ್ಲಿ ತೋರಿಸಲಾಗಿದೆ. 'ಮಾಯಗಂಗೆ' ಎನ್ನುವ ಸಾಲಿನಿಂದ ಹಾಡು ಶುರುವಾಗುತ್ತದೆ. ಈ ಹಾಡನ್ನು ಸಾಹಿತಿ ವಿ.ನಾಗೇಂದ್ರ ಪ್ರಸಾದ್ ಬರೆದಿದ್ದಾರೆ. ಅಜನೀಶ್ ಲೋಕ್‌ನಾಥ್ ಸಂಗೀತ ನೀಡಿದ್ದಾರೆ.

ವಾರಾಣಾಸಿಯಲ್ಲಿ ಹಾಡಿನ ಚಿತ್ರೀಕರಣ!

'ಬನಾಸರ್' ಸಿನಿಮಾದ ಶೂಟಿಂಗ್ ವಾರಾಣಾಸಿಯಲ್ಲಿ ಮಾಡಲಾಗಿದೆ. ಸದ್ಯ ಮೊದಲ ಲವ್ ಸಾಂಗ್ ರಿಲೀಸ್ ಆಗಿದ್ದು. ಸಾಕಷ್ಟು ಮೆಚ್ಚುಗೆ ಗಳಿಸಿಕೊಂಡಿದೆ. ಇನ್ನು ಇದು ಝೈದ್ ಖಾನ್‌ಗೆ ಮೊದಲ ಸಿನಿಮಾ ಆದರೆ, ನಟಿ ಸೋನಲ್ ಈಗಾಗಲೇ ಹಲವು ಸಿನಿಮಾಗಳ ಮೂಲಕ ತಮ್ಮ ಛಾಪು ಮೂಡಿಸಿದ್ದಾರೆ. ಈ ಚಿತ್ರದಲ್ಲಿ ಈಗ ಜೋಡಿ ಹೇಗಿರಲಿದೆ ಎನ್ನುವುದರ ಸುಳಿವು ಈ ಹಾಡು ಬಿಟ್ಟುಕೊಟ್ಟಿದೆ.

ಅದ್ಧೂರಿಯಾಗಿ ನಡೆದ ಆಡಿಯೋ ಲಾಂಚ್!

ಇನ್ನು ಸಿನಿಮಾದ ಆಡಿಯೋ ರಿಲೀಸ್ ಕಾರ್ಯಕ್ರಮವನ್ನು ಅದ್ಧೂರಿಯಾಗಿ ಮಾಡಲಾಗಿದೆ. ಈ ಕಾರ್ಯಕ್ರಮಕ್ಕೆ ಅಭಿಶೇಕ್ ಅಂಬರೀಶ್ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಇನ್ನು ಈ ಹಾಡನ್ನು ಬರೆದ ನಾಗೇಂದ್ರ ಪ್ರಸಾದ್ ಮಾತನಾಡಿ, ಇದು ವೈರಾಗ್ಯದಲ್ಲೂ ಪ್ರೀತಿ ಹುಟ್ಟಿಸುವ ಸಿನಿಮಾ ಎಂದಿದ್ದಾರೆ. ಒಟ್ಟಾರೆ ಮೊದಲ ಹಾಡಿನ ಮೂಲಕ ಗಮನ ಸೆಳೆದಿದೆ 'ಬನಾರಸ್'.

'ಬನಾರಸ್‌' ನೋಡಲು ಬಯಸಿದ್ದ ಅಪ್ಪು!

ಇನ್ನು ಈ ಚಿತ್ರಕ್ಕೂ ಪುನೀತ್ ರಾಜ್‌ಕುಮಾರ್‌ಗೂ ಕನೆಕ್ಷನ್ ಇದೆ. ಯಾಕೆಂದರೆ ಈ ಚಿತ್ರದ ಪೋಸ್ಟರ್ ಅಪ್ಪು ರಿಲೀಸ್ ಮಾಡಬೇಕಿತ್ತು. ಅಲ್ಲದೆ ಅಪ್ಪು ಚಿತ್ರತಂಡಕ್ಕೆ ಭರವಸೆಯಾಗಿದ್ದರಂತೆ. ಈ ಸಿನಿಮಾ ರಿಲೀಸ್ ಬಳಿಕ ನೋಡುತ್ತೇನೆ ಎಂದು ಪುನೀತ್ ರಾಜ್‌ಕುಮಾರ್ ಹೇಳಿಕೊಂಡಿದ್ದರು ಎನ್ನುವುದನ್ನು ಈ ಹಿಂದೆ ಜಯತೀರ್ಥ ಹೇಳಿಕೊಂಡಿದ್ದಾರೆ.