For Quick Alerts
    ALLOW NOTIFICATIONS  
    For Daily Alerts

    ಸ್ಯಾಂಡಲ್‌ವುಡ್ 2008 ಗೋಚಾರಫಲ

    By Staff
    |

    *ಜಯಂತಿ

    ಸೆನ್ಸಾರ್ ಆದ ಚಿತ್ರಗಳ ಸಂಖ್ಯೆ ನೂರಾ ಐವತ್ತೆರಡು. ತೆರೆಕಂಡ ಚಿತ್ರಗಳು 118. ಸೆನ್ಸಾರ್ ಮಂಡಳಿ ಅಧ್ಯಕ್ಷ ಚಂದ್ರಶೇಖರ್ ಅವರ ಲ್ಯಾಪ್‌ಟಾಪ್‌ನಲ್ಲಿನ ಅಂಕಿಅಂಶಗಳ ಪ್ರಕಾರ ಹೇಳುವುದಾದರೆ- ಯಶಸ್ಸಿನ ಪ್ರಮಾಣ ಶೇ.8-9ರ ನಡುವೆ ಗಿರಕಿ ಹೊಡೆಯುತ್ತಿದೆ.

    ಹಳೆಯ ಮುಖಗಳಿಗೆ 2008 ಹೇಳಿಕೊಳ್ಳುವಂಥ ವರ್ಷವೇನಲ್ಲ. ತಾರೆಗಳ ಗ್ರಹಗತಿ ಹೀಗಿದೆ ನೋಡಿ:

    ವಿಷ್ಣುವರ್ಧನ್: 2008ರಲ್ಲಿ ಒಂದೂ ಸಿನಿಮಾ ತೆರೆಕಾಣಲಿಲ್ಲ.

    ಶಿವರಾಜ್‌ಕುಮಾರ್: ಸತ್ಯ ಇನ್ ಲವ್, ಗಂಡನ ಮನೆ, ಬಂಧು-ಬಳಗ, ಮಾದೇಶ ಹಾಗೂ ಪರಮೇಶ ಪಾನ್‌ವಾಲಾ- ಒಟ್ಟು ಐದು ಸಿನಿಮಾ ತೆರೆಕಂಡರೂ ಯಾವುದರಲ್ಲೂ ಪೂರ್ಣ ಬಂಡವಾಳ ವಾಪಸ್ ಬಂದಿಲ್ಲ.

    ರವಿಚಂದ್ರನ್: ನೀ ಟಾಟಾ ನಾ ಬಿರ್ಲಾ ಬಂದಷ್ಟೇ ವೇಗವಾಗಿ ಚಿತ್ರಮಂದಿರಗಳಿಂದ ಕಾಣೆಯಾಯಿತು. ಮಂಜಿನ ಹನಿ ಕಥೆ ಏನಾಯಿತೋ ಸ್ವತಃ ರವಿಚಂದ್ರನ್‌ಗೇ ಗೊತ್ತಿದ್ದಂತಿಲ್ಲ.

    ಜಗ್ಗೇಶ್: ರಾಜಕೀಯದಲ್ಲಿ ಸಿನಿಮಾವೋ, ಸಿನಿಮಾದಲ್ಲಿ ರಾಜಕಾರಣವೊ ಅಯೋಮಯ ಪರಿಸ್ಥಿತಿ. ನೀ ಟಾಟಾ ನಾ ಬಿರ್ಲಾ ಹಾಗೂ ಕೋಡಗನಾ ಕೋಳಿ ನುಂಗಿತ್ತಾ ಎರಡೂ ಬರಕತ್ತಾಗಲಿಲ್ಲ.

    ಉಪೇಂದ್ರ: ಬುದ್ಧಿವಂತನ ಮೂಲಕ ಮತ್ತೆ ಉಪೇಂದ್ರ ಫಾರ್ಮ್ ಕಂಡುಕೊಂಡಿದ್ದಾರೆ. ಈ ಫಾರ್ಮ್ ಎಷ್ಟು ದಿನ ಮುಂದುವರಿಯುತ್ತೋ ಗೊತ್ತಿಲ್ಲ.

    ಸುದೀಪ್-ದರ್ಶನ್ ಹೊಳಪು

    ಹಳಬರಿಗೆ ಹೋಲಿಸಿದರೆ ಮತ್ತೊಂದು ಹಂತದ ನಟರ ಪರಿಸ್ಥಿತಿ ತೀರಾ ಕೆಟ್ಟದಾಗಿಲ್ಲ. ಸುದೀಪ್‌ರ ಮುಸ್ಸಂಜೆ ಮಾತು ಹಾಗೂ ಮಸ್ತ್ ಮಜಾ ಮಾಡಿ ಗೆದ್ದಿವೆ. ಗೂಳಿಯ ಗುಟುರು ಕೂಡ ಚೆನ್ನಾಗಿಯೇ ಇತ್ತು. ದರ್ಶನ್ ಅವರಂತೂ ಸೆಹವಾಗ್ ಲಹರಿಯಲ್ಲಿದ್ದಾರೆ. ಗಜ, ಇಂದ್ರ ನಿರ್ಮಾಪಕರ ಮೊಗದಲ್ಲಿ ನಗು ತಂದಿವೆ. ಅವರ ಸ್ವಂತ ನಿರ್ಮಾಣದ ನವಗ್ರಹದ ರಿಪೋರ್ಟ್ ತೀರಾ ನಿರಾಶಾದಾಯಕವಾಗಿಯೇನೂ ಇಲ್ಲ.

    ಕ್ಷೀಣಿಸಿದ ಗಲಾಟೆ
    ಗಣೇಶನ ಗಲಾಟೆ ಕಡಿಮೆಯಾದದ್ದು 2008ರ ಪ್ರಮುಖ ಘಟನೆಗಳಲ್ಲೊಂದು. ಗಾಳಿಪಟದ ಯಶಸ್ಸು ಯೋಗರಾಜ ಭಟ್ಟರಿಗೆ ನೀಡುವುದಾದರೆ, ಉಳಿದಂತೆ ಗಣೇಶ್ ಅಕೌಂಟಿನಲ್ಲಿ ಉಳಿಯುವುದು ಸೋಲಿನ ಸರಪಳಿ. ಅರಮನೆ ಚೆನ್ನಾಗಿದ್ದರೂ ಪ್ರೇಕ್ಷಕ ಮೆಚ್ಚಲಿಲ್ಲ. ಬೊಂಬಾಟ್, ಸಂಗಮ ಚಿತ್ರಗಳು ಪ್ರೇಕ್ಷಕರ ಸಾರಾಸಗಟು ತಿರಸ್ಕಾರಕ್ಕೆ ಒಳಗಾಗಿವೆ. ಗಣೇಶ್ ಜೊತೆಗೇ ಮಿಂಚಿದ್ದ ವಿಜಯ್‌ರ ಅವ್ವ, ಸ್ಲಂಬಾಲ ತೆರೆಕಂಡರೂ ನಾಯಕನಿಗೆ ವಿಜಯ ತರಲಿಲ್ಲ.

    ಪ್ರಶಾಂತ್, ಯೋಗೀಶ ವರ್ಷದ ಗಮನಾರ್ಹ ಮುಖಗಳು. ಪ್ರಜ್ವಲ್, ವಿಜಯ ರಾಘವೇಂದ್ರ, ಶ್ರೀಮುರಳಿ ಯಶಸ್ಸಿನ ಹುಡುಕಾಟ ಮುಂದುವರೆದಿದೆ. ಕೋಮಲ್ ನಗೆನಾಯಕನಾಗಿ ಮಿ. ಗರಗಸದ ಮೂಲಕ ನೆಲೆ ಕಂಡುಕೊಂಡಿದ್ದು ವರ್ಷದ ಮತ್ತೊಂದು ವಿಶೇಷ. ತಾಜ್‌ಮಹಲ್ ಚಿತ್ರ ಗೆಲ್ಲುವ ಮೂಲಕ ಆ ಚಿತ್ರದ ಅಜಯ್ ಮತ್ತೊಂದಷ್ಟು ಅವಕಾಶ ಗಿಟ್ಟಿಸಿದ್ದಾರೆ.

    ಈಗ ಪುನೀತ್ ವಿಷಯಕ್ಕೆ ಬರೋಣ. ಬಿಂದಾಸ್ ಹಾಗೂ ವಂಶಿ ಚಿತ್ರಗಳು ಅಪಾರ ನಿರೀಕ್ಷೆ ಮೂಡಿಸಿದರೂ ಆ ನಿರೀಕ್ಷೆ ದೊಡ್ಡ ಗೆಲುವಾಗಿ ಪರಿವರ್ತನೆಗೊಳ್ಳಲಿಲ್ಲ.

    ಆಟಕ್ಕುಂಟು ಲೆಕ್ಕಕ್ಕಿಲ್ಲದ ನಾಯಕಿಯರು

    ಕನ್ನಡದ ಹುಡುಗಿಯರು 2008ರಲ್ಲಿ ಸದ್ದು ಮಾಡಿದ್ದೇ ಕಡಿಮೆ. ಮಲ್ಲೇಶ್ವರದ ಹುಡುಗಿ ಹರಿಪ್ರಿಯಾಳ ಎರಡು ಸಿನಿಮಾ- 'ಮನಸುಗಳ ಮಾತು ಮಧುರ", 'ವಸಂತಕಾಲ" ತೆರೆಕಂಡಿವೆ. ಎರಡೂ ಲುಕ್ಸಾನು. 'ಈ ಸಂಭಾಷಣೆ" ಆಕೆಯ ಕೈಯಲ್ಲಿರುವ ಮತ್ತೊಂದು ಚಿತ್ರ. ದುನಿಯಾ ರಶ್ಮಿಯ ಮಂದಾಕಿನಿ ಠುಸ್ ಪಟಾಕಿ. ಶ್ರುತಿಗೆ ತಂಗಿಯಾಗಿ ನಟಿಸಿರುವ ಅಕ್ಕತಂಗಿ ಚಿತ್ರದ ಬಗ್ಗೆ ಒಳ್ಳೆಯ ಮಾತುಗಳಿವೆ. ಉಳಿದಂತೆ ಸ್ಮಿತಾ, ತೇಜಸ್ವಿನಿ, ಸೋನು ಮುಂತಾದವರು ಚೆಸ್‌ಮಣೆಯ ಹೊರಗಿರುವ ಕಾಯಿಗಳಂತಿದ್ದಾರೆ.

    ಸಂಪ್ರದಾಯದಂತೆ ಪರಭಾಷಾ ಸುಂದರಿಯರ ಮೆರವಣಿಗೆ ಮುಂದುವರಿದಿದೆ. ಮುಂಚೂಣಿಯಲ್ಲಿ ಪೂಜಾ ಗಾಂಧಿ ಇದ್ದಾರೆ. ಜೆನಿಲಿಯಾ, ಹನ್ಸಿಕಾ ಮೋಟ್ವಾನಿ, ಬಿಯಾಂಕಾ ದೇಸಾಯಿ, ಅಂಕಿತಾ ಅವರಲ್ಲಿ ಎದ್ದುಕಾಣುತ್ತಾರೆ.

    ಕನ್ನಡ ಚಿತ್ರರಂಗದ ವರ್ಷದ ನಟ ಯಾರು?</a><a href=ಕನ್ನಡ ಚಿತ್ರರಂಗ 2008; ಗೆದ್ದಿದ್ದು ಕೇವಲ ಇಪ್ಪತ್ತುವಿವಾದಗಳ ಮಟ್ಟಿಗೂ 2008 ಉಬ್ಬರದ ವರ್ಷ" title="ಕನ್ನಡ ಚಿತ್ರರಂಗದ ವರ್ಷದ ನಟ ಯಾರು?ಕನ್ನಡ ಚಿತ್ರರಂಗ 2008; ಗೆದ್ದಿದ್ದು ಕೇವಲ ಇಪ್ಪತ್ತುವಿವಾದಗಳ ಮಟ್ಟಿಗೂ 2008 ಉಬ್ಬರದ ವರ್ಷ" />ಕನ್ನಡ ಚಿತ್ರರಂಗದ ವರ್ಷದ ನಟ ಯಾರು?ಕನ್ನಡ ಚಿತ್ರರಂಗ 2008; ಗೆದ್ದಿದ್ದು ಕೇವಲ ಇಪ್ಪತ್ತುವಿವಾದಗಳ ಮಟ್ಟಿಗೂ 2008 ಉಬ್ಬರದ ವರ್ಷ

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X