ರಾಮ್ ಚರಣ್ ತೇಜ ಎಂಗೇಜ್‌ಮೆಂಟ್ ಹೈಲೈಟ್ಸ್

ಈ ನಿಶ್ಚಿತಾರ್ಥ ಕಾರ್ಯಕ್ರಮಕ್ಕೆ 300ಕ್ಕೂ ಅಧಿಕ ವಿಐಪಿ ಹಾಗೂ ವಿವಿಐಪಿಗಳು ಆಗಮಿಸುತ್ತಿದ್ದಾರೆ. ಹೈದರಾಬಾದಿನ ಮೋಯಿನಾಬಾದ್ ಪ್ರದೇಶದಲ್ಲಿರುವ ಕಾಮಿನೇನಿ ಫಾರ್ಮ್ ಹೌಸ್ ಟೆಂಪಲ್ ಟ್ರೀಸನ್ನು ದುಬಾರಿ ಬೆಲೆಯ ಹೂಗಳಿಂದ ಸಿಂಗರಿಸಲಾಗಿದೆ. ಥೈಲ್ಯಾಂಡ್ ಹಾಗೂ ಬ್ಯಾಂಕಾಕ್‌ನಿಂದ ವಿಶೇಷ ಪರಿಮಳದ ಪುಷ್ಪಗಳನ್ನು ತರಿಸಿ ಸಿಂಗರಿಸಲಾಗಿದೆ.

ಕಳೆದ ಕೆಲವು ದಿನಗಳಿಂದ ಕಾಮಿನೇನಿ ಅವರ ಫಾರ್ಮ್ ಹೌಸಿನ ಒಳಾಂಗಣ ವಿನ್ಯಾಸಕ್ಕಾಗಿ ಹಲವಾರು ಇಂಟೀರಿಯರ್ ಡಿಸೈನರ್‌ಗಳು ಶ್ರಮಿಸಿದ್ದಾರೆ. ಇದಕ್ಕಾಗಿ ವಿಶೇಷ ತಂಡವನ್ನೂ ಬ್ಯಾಂಕಾಕ್‌ನಿಂದ ಕರೆಸಲಾಗಿದೆ. ಮನೆಗೆ ವಿಶೇಷ ದೀಪಾಲಂಕಾರವನ್ನು ಮಾಡಲಾಗಿದೆ.

ನಿಶ್ಚಿತಾರ್ಥಕ್ಕೆ ಆಂಧ್ರಪ್ರದೇಶದ ಸಾಂಪ್ರದಾಯಿಕ ಅಡುಗೆಗಳ ಸುದೀರ್ಘ ಪಟ್ಟಿಯೇ ಇದೆ. ಎಂಗೇಜ್‌ಮೆಂಟ್ ಉಂಗುರದ ಬೆಲೆ ಕೇವಲ ರು.10 ಕೋಟಿ. ಇದನ್ನು ಬೆಲ್ಜಿಯಂನಿಂದ ತರಿಸಲಾಗಿದೆ. ರಾಮ್ ಚರಣ್ ತೇಜ ಶೆರ್ವಾನಿಯನ್ನು ರಾಜೇಶ್ ಪ್ರತಾಪ್ ಸಿಂಗ್ ವಿನ್ಯಾಸಗೊಳಿಸಿದ್ದು, ಇದರ ಬೆಲೆ ರು.1.5 ಲಕ್ಷ. (ಏಜೆನ್ಸೀಸ್)