Don't Miss!
- News Weather Report: ಭೀಕರ ಬಿಸಿಲಿನ ನಡುವೆಯೂ ಏಪ್ರಿಲ್ 3ರವರೆಗೂ ಭಾರೀ ಮಳೆ ಮುನ್ಸೂಚನೆ, ಎಲ್ಲೆಲ್ಲಿ?
- Finance ಬೆಂಗಳೂರು-ತುಮಕೂರು ನಮ್ಮ ಮೆಟ್ರೋ ಯೋಜನೆ: ಬರಲಿವೆ 19 ಎತ್ತರದ ನಿಲ್ದಾಣಗಳು
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Automobiles Tata Nexon: ಟಾಟಾ ನೆಕ್ಸಾನ್ ಹೊಸ ರೂಪಾಂತರಗಳು ಬಿಡುಗಡೆ, ರೂ.10 ಲಕ್ಷ ಬೆಲೆ.. ಆಕರ್ಷಕ ವೈಶಿಷ್ಟ್ಯಗಳು
- Sports Riyan Parag: 'ಗಾಯದಿಂದ ಮೂರು ದಿನ ಒದ್ದಾಡಿ ಹೋಗಿದ್ದೆ': ರಿಯಾನ್ ಪರಾಗ್
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಯಾಂಡಲ್ವುಡ್ನಲ್ಲೀಗ ನವ್ಯಾ ಎಂಬ ತಂಗಾಳಿ!
ಒಂದು ಆ್ಯಂಗಲ್ನಿಂದ ನೋಡಿದರೆ ಛಾಯಾಸಿಂಗ್ರಂತೆ, ಇನ್ನೊಂದು ಆ್ಯಂಗಲ್ನಿಂದ ನೋಡಿದರೆ ಮೀರಾ ಜಾಸ್ಮಿನ್ರಂತೆ ಕಾಣುವ ನವ್ಯಾ ನಾಯರ್ ಕನ್ನಡಕ್ಕೆ ಬಂದಿದ್ದಾರೆ!
‘ಗಜ’ ಚಿತ್ರದ ನಾಯಕಿಯಾಗಿ ಈಕೆ ಆಯ್ಕೆಯಾಗಿದ್ದು, ಚಿತ್ರದ ನಾಯಕ ‘ಮಚ್ಚು ಮುಟ್ಟೋದಿಲ್ಲ ’ ಎಂದು ಬೆಚ್ಚಿಬೆಚ್ಚಿ ಹೇಳುವ ದರ್ಶನ್!
ಈ ದರ್ಶನ್ ಸಿನಿಮಾ ಹೀರೋಹಿನ್ಗಳು ಎಂದರೆ ‘ಸುಂಟರಗಾಳಿ’ಯೇ ನೆನಪಾಗುತ್ತದೆ! ಆದರೆ ನವ್ಯಾ ನಾಯರ್, ತಂಗಾಳಿ ಅನ್ನೋದು ನಿಮಗೆ ಗೊತ್ತಿರಲಿ! ಮೈಚಳಿಬಿಟ್ಟು ಗ್ಲಾಮರಸ್ ಪಾತ್ರಗಳಲ್ಲಿ ಕಾಣಿಸಿಕೊಂಡರೆ ಅವರ ಅಭಿಮಾನಿಗಳು ಸುಮ್ಮನಿರುವುದಿಲ್ಲವಂತೆ! ಹಿಂದೆ ಒಂದು ಸಲ ಅಂಥಾ ತಪ್ಪು ಮಾಡಿ, ಸಾಕಷ್ಟು ಪಾಠ ಕಲಿತಿದ್ದಾರೆ! ಮಲಯಾಳಂ ಚಿತ್ರರಂಗದಲ್ಲಿ ನವ್ಯಾ ನಾಯರ್ ಬಗ್ಗೆ ಒಳ್ಳೆಯ ಮಾತಿವೆ.
ಅಭಿನಯದ ವಿಷ್ಯಾದಲ್ಲಿ ಹೇಳೋದಾದರೆ, ಎರಡು ರಾಜ್ಯ ಪ್ರಶಸ್ತಿಗಳು ಅವರ ಮಡಿಲಲ್ಲಿವೆ. ಹೀಗಾಗಿ ಆ ಬಗ್ಗೆ ಜಾಸ್ತಿ ಮಾತು ಬೇಡ. ಚಿತ್ರದ ಕತೆ, ನಾಯಕಿಗೆ ಅಭಿನಯಿಸೋದಕ್ಕೆ ಅವಕಾಶ ಇದ್ದರಷ್ಟೇ ಸಹಿಹಾಕುತ್ತೇನೆ ಎನ್ನುವ ನವ್ಯಾ, ‘ಗಜ’ಚಿತ್ರದ ಮೂಲಕ, ಸ್ಯಾಂಡಲ್ವುಡ್ ಪ್ರವೇಶಿಸಿದ್ದಾರೆ. ಈ ಮಧ್ಯೆ ತಮಿಳಿನಲ್ಲೂ ನಟಿಸುತ್ತಿದ್ದಾರೆ.
ನವ್ಯಾ ಅವರದು ‘ಗಜ’ಚಿತ್ರದಲ್ಲಿ ವಿದೇಶದಿಂದ ಬರುವ ಹುಡುಗಿಯ ಪಾತ್ರ. ಸದ್ಯದಲ್ಲಿಯೇ ಒಳ್ಳೆ ಕನ್ನಡ ಕಲಿಯುವುದಾಗಿ ಹೇಳುವ ಮೂಲಕ, ಇಂಗ್ಲಿಷ್ನಲ್ಲಿ ನರಳುವ ನಮ್ಮ ಕನ್ನಡದ ಹುಡುಗಿಯರ ಕಿವಿಹಿಂಡಿದ್ದಾರೆ.
ಸುರೇಶ್ ಗೌಡ ಮತ್ತು ಪಿ.ಎಸ್.ಶ್ರೀನಿವಾಸಮೂರ್ತಿ ನಿರ್ಮಾಣದ ಈ ಚಿತ್ರದ ನಿದೇಶಕರು, ಕೆ.ಮಾದೇಶ್. ಹರಿಕೃಷ್ಣ ಸಂಗೀತದ ಹೊಣೆಹೊತ್ತಿದ್ದಾರೆ.