ಪ್ರೀತಿಯ ಹಂಗಾಮದಲ್ಲಿ ಶುಭಾ ಪುಂಜಾ

ಪ್ರೀತಿ ಮಾಡುವಾಗ ನೆನಪಿಗೆ ಬಾರದ ಅಂಜಿಕೆ ಪ್ರೇಯಸಿಯನ್ನು ಹೆತ್ತವರಿಗೆ ಪರಿಚಯಿಸುವಾಗ ಬರುವುದು ಸಾಮಾನ್ಯ. ಆದರೆ ನಮ್ಮ ನಾಯಕ ವಿವೇಕ್‌ರಾಜ್ ಹಾಗಲ್ಲ. ತಾನು ಪ್ರೀತಿಸಿದ ಹುಡುಗಿ ಶುಭಾಪುಂಜಾಳನ್ನು ಹಳ್ಳಿಯಲ್ಲಿರುವ ತಂದೆ-ತಾಯಿಗೆ ಯಾವುದೇ ಅಂಜಿಕೆಯಿಲ್ಲದೆ ಪರಿಚಯಿಸಿದ ಧೈರ್ಯವಂತ.

ಈ ಪ್ರೀತಿಪರಿಚಯದ ಸನ್ನಿವೇಶವನ್ನು ನಿವಾಸಿನಿ ಆರ್ಟ್ಸ್ ಲಾಂಛನದಲ್ಲಿ ಪುಷ್ಪಾ ಹಾಗೂ ರಶ್ಮಿಏಕನಾಥ್ ಅವರು ನಿರ್ಮಿಸುತ್ತಿರುವ 'ಪ್ರೀತಿಯ ಹಂಗಾಮ ಚಿತ್ರಕ್ಕಾಗಿ ನಿರ್ದೇಶಕ ವಿವೇಕ್‌ರಾಜ್ ಚಿತ್ರೀಕರಿಸಿಕೊಂಡರು.

ನಗರದ ಹೊರವಲಯದ ರವಿಕಿರಣ್ ಸ್ಟೂಡಿಯೋ ಅಂದು ಹಳ್ಳಿಯಂತಾಗಿತ್ತು. ಅಲ್ಲಿ ನಿರ್ಮಿಸಿದ್ದ ಹಳ್ಳಿಮನೆಯ ಸೆಟ್‌ನಲ್ಲಿ ಈ ಮೇಲಿನೆ ದೃಶ್ಯ ಚಿತ್ರೀಕೃತವಾಯಿತು. ಅನಂತನಾಗ್, ಪದ್ಮಜಾರಾವ್, ವಿವೇಕ್‌ರಾಜ್, ಶುಭಾಪುಂಜ ಈ ಭಾಗದ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು. ನಾಯಕನಾಗಿ ಕಾಣಿಸಿಕೊಳ್ಳುತ್ತಿರುವ ವಿವೇಕ್‌ರಾಜ್ ಚಿತ್ರದ ನಿರ್ದೇಶಕರೂ ಹೌದು. ಆರು ಹಾಡುಗಳಿರುವ ಈ ಚಿತ್ರಕ್ಕೆ ರಾಜ್‌ಕಿರಣ್ ಸಂಗೀತ ಸಂಯೋಜಿಸಿದ್ದಾರೆ.

ಚಂದ್ರಶೇಖರ್ ಛಾಯಾಗ್ರಹಣ, ಮದನ್-ಹರಿಣಿ ನೃತ್ಯ, ಎಂ.ಎಸ್.ರಮೇಶ್ ಹಾಗೂ ಆರ್.ರಾಜಶೇಖರ್ ಸಂಭಾಷಣೆಯಿರುವ ಚಿತ್ರದ ತಾರಾಬಳಗದಲ್ಲಿ ವಿವೇಕ್‌ರಾಜ್, ಶುಭಾಪುಂಜಾ, ಅವಿನಾಶ್, ಊರ್ವಶಿ, ಅನಂತನಾಗ್, ಪದ್ಮಜಾರಾವ್, ನಂದ, ಪ್ರಕಾಶ್ ಮುಂತಾದವರಿದ್ದಾರೆ.

(ದಟ್ಸ್ ಕನ್ನಡಸಿನಿ ವಾರ್ತೆ)

ಪ್ರೀತಿಯ ಹಂಗಾಮದಲ್ಲಿ ಶುಭಾ ತುಂಟಾಟ
ಕವಿರಾಜ್ ಸಾಹಿತ್ಯಕ್ಕೆ ಶುಭಾಪುಂಜಾ ನರ್ತನ