ಠುಸ್ ಎಂದ ಸುದೀಪ್, ಹರ್ಷ ಕಾಂಬಿನೇಷನ್ ಕಿಕ್

'ಚಿಂಗಾರಿ' ಚಿತ್ರದ ಮೂಲಕ ನಿರ್ದೇಶಕರಾಗಿ ಬದಲಾಗಿರುವ ಡ್ಯಾನ್ಸ್ ಮಾಸ್ಟರ್ ಎ ಹರ್ಷ ಮತ್ತೊಂದು ಚಿತ್ರ ಕೈಗೆತ್ತಿಕೊಂಡಿದ್ದಾರೆ. ಈ ಬಾರಿ ಅವರು ಕಿಚ್ಚ ಸುದೀಪ್‌ಗೆ ಆಕ್ಷನ್ ಕಟ್ ಹೇಳುತ್ತಿರುವುದು ಗೊತ್ತೇ ಇದೆ. ತೆಲುಗಿನ ಯಶಸ್ವಿ ಚಿತ್ರ 'ಕಿಕ್' ಕನ್ನಡಕ್ಕೆ ತರುತ್ತಿದ್ದಾರೆ ಎಂಬ ಸುದ್ದಿ ಇತ್ತು. ಈಗ ಆ ಸುದ್ದಿ ಠುಸ್ ಆಗಿದೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆಗಿನ 'ಚಿಂಗಾರಿ' ಚಿತ್ರ ಹಾಲಿವುಡ್ 'ಟೇಕನ್' ಚಿತ್ರದ ಪ್ರೇರಣೆಯಾಗಿತ್ತು. ಈ ಬಾರಿಯೂ ಮತ್ತೊಂದು ಹಾಲಿವುಡ್ ಚಿತ್ರದ ಪ್ರೇರಣೆಯೊಂದಿಗೆ ಚಿತ್ರ ಮಾಡುವ ಸೂಚನೆಯನ್ನು ಹರ್ಷ ಕೊಟ್ಟಿದ್ದಾರೆ.

ಸುದೀಪ್ ಜೊತೆ 'ಕಿಕ್' ಚಿತ್ರ ಮಾಡುತ್ತಿರುವ ಸುದ್ದಿಯನ್ನು ತಳ್ಳಿ ಹಾಕಿರುವ ಹರ್ಷ, ಸುದೀಪ್ ಜೊತೆ ಸ್ವಮೇಕ್ ಚಿತ್ರ ಮಾಡುತ್ತೇನೆ ಎಂದಿದ್ದಾರೆ. ಎನ್ ಕುಮಾರ್ ನಿರ್ಮಿಸಲಿರುವ ಈ ಚಿತ್ರ ಏಪ್ರಿಲ್‌ನಲ್ಲಿ ಸೆಟ್ಟೇರುವ ಸಾಧ್ಯತೆಗಳಿವೆ. (ಏಜೆನ್ಸೀಸ್)