ಪೂಜಾ ಗಾಂಧಿಗೆ ಸೂಕ್ತ ಕನ್ನಡ ವರ ಬೇಕಾಗಿದೆ

ನಟಿ ಪೂಜಾ ಗಾಂಧಿ ಒಲವಿನ ಪೂಜಾ ಫಲ ಫಲಿಸಿದೆ. ಆಕೆ ಇದೇ ಮೊದಲ ಬಾರಿಗೆ ತನ್ನ ಮದುವೆ ಬಗ್ಗೆ ತುಟಿಬಿಚ್ಚಿದ್ದಾರೆ. ತಾನು ಮದುವೆಯಾಗುವ ಹುಡುಗ ಕರ್ನಾಟಕದವನೇ ಆಗಿರಬೇಕು, ಕನ್ನಡ ಬಲ್ಲವನಾಗಿರಬೇಕು ಎಂದು ತನ್ನ ಭಾವಿ ಪತಿಯ ಬಗ್ಗೆ ಹೇಳಿದ್ದಾರೆ.

ಸದ್ಯಕ್ಕೆ ಪೂಜಾಗಾಂಧಿ ಪೋಷಕರು ವರನ ಹುಡುಕಾಟದಲ್ಲಿದ್ದಾರೆ. ತಾನು ಮದುವೆಯಾಗುವ ಹುಡುಗ ಒಳ್ಳೆಯ ಮನಸ್ಸಿನವನಾಗಿರಬೇಕು. ನನ್ನ ವೃತ್ತಿಯನ್ನು ಗೌರವಿಸಬೇಕು. ಅವಿಭಕ್ತ ಕುಟುಂಬದಲ್ಲಿ ನಂಬಿಕೆ ಇರಬೇಕು ಎಂದು ತನ್ನವನ ಬಗ್ಗೆ ಹೃದಯ ಬಿಚ್ಚಿ ಹೇಳಿಕೊಂಡಿದ್ದಾರೆ.

ಮನಮೆಚ್ಚಿದ ಹುಡುಗನ ಹುಡುಕಾಟದಲ್ಲಿರುವ ಪೂಜಾಗಾಂಧಿ, ಈ ಎಲ್ಲಾ ಗುಣಗಳಿರುವ ಹುಡುಗ ಸಿಕ್ಕಿದ ಕೂಡಲೆ ಮಾಂಗಲ್ಯಂ ತಂತು ನಾನೇನಾ. ಶೀಘ್ರದಲ್ಲೆ ಪೂಜಾಗಾಂಧಿ ಮೆಚ್ಚಿದ ಹುಡುಗ ಸಿಗಲಿ ಎಂಬ ಶುಭ ಹಾರೈಕೆ ಅಭಿಮಾನಿಗಳ ಕಡೆಯಿಂದ ಇದ್ದೇ ಇದೆ. (ದಟ್ಸ್‌ಕನ್ನಡ ಸಿನಿವಾರ್ತೆ)