Don't Miss!
- Finance ಭಾರತದ ಮೊದಲ ಬುಲೆಟ್ ರೈಲಿನ ಬ್ಯಾಲೆಸ್ಟ್ಲೆಸ್ ಟ್ರ್ಯಾಕ್ ಸಿಸ್ಟಮ್ ಹಳಿ ಚಿತ್ರ ಬಹಿರಂಗ
- Lifestyle ಮೈ ತೂಕ ಕಡಿಮೆಯಾಗಲು ಈ ಪುದೀನಾ ನೀರು ಸಹಕಾರಿಯೇ? ಇದರ ಇತರ ಪ್ರಯೋಜನಗಳೇನು?
- News Poornachandra Tejaswi: ವಿಸ್ಮಯಲೋಕವನ್ನೇ ತೆರೆದಿಡುವ ತೇಜಸ್ವಿಯವರ ಪುಸ್ತಕಗಳು
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈಗ ಅಮರೀಶ್ ಪುರಿ ‘ಲವ್’!
ಖ್ಯಾತ ಖಳನಟ ಅಮರೀಶ್ ಪುರಿಗೆ ಕನ್ನಡ ಹೊಸತೇನೂ ಅಲ್ಲ . ಕನ್ನಡದ ಗಂಡಭೇರುಂಡ, ಸಿಂಹದ ಮರಿಸೈನ್ಯ, ಕಾಡು, ಸುಬ್ಬಿ ಸುಬ್ಬಕ್ಕ ಸುವ್ವಲಾಲಿ ಚಿತ್ರಗಳಲ್ಲಿ ಅಮರೀಶ್ ಈಗಾಗಲೇ ನಟಿಸಿದ್ದಾರೆ. ಈಗ 'ಲವ್"!
ಮೈಸೂರು ರಸ್ತೆಯ 'ದಿ ಕ್ಲಬ್"ನಲ್ಲಿ ಅಮರೀಶ್ ಪುರಿ ಮೊನ್ನೆ ಮಾತಿಗೆ ಸಿಕ್ಕರು. ಪತ್ರಕರ್ತರೊಂದಿಗಿನ ಪುರಿ ಮುಖಾಮುಖಿ ಕಾರ್ಯಕ್ರಮವನ್ನು ಸಿಂಗ್ಬಾಬು ಸಾಕಷ್ಟು ಮುತುವರ್ಜಿಯಿಂದ ಏರ್ಪಡಿಸಿದ್ದರು. 'ಕನ್ನಡದಲ್ಲಿ ನಟಿಸಲೇಬೇಕೆಂಬ ಉತ್ಸಾಹವೇನೂ ಇರಲಿಲ್ಲ . ಬಾಬು ಕರೆದರು, ಬಂದಿದ್ದೇನೆ, ಅಷ್ಟೇ" ಎಂದರು ಅಮರೀಶ್ ಪುರಿ. ಬಾಬು ಪುತ್ರನ ಚಿತ್ರ ಗೆಲ್ಲಲಿಕ್ಕೆ ನನ್ನದೂ ಅಳಿಲು ಸೇವೆ ಎನ್ನುವ ಮಾತನ್ನೂ ಅವರು ಸೇರಿಸಿದರು.
'ಲವ್" ಚಿತ್ರದಲ್ಲಿ ಅಮರೀಶ್ ಪುರಿಗೆ ಒಳ್ಳೆಯ ಪಾತ್ರವಿದೆಯಂತೆ. ದುಬೈನಲ್ಲಿನ ಶ್ರೀಮಂತ ವ್ಯಾಪಾರಿಯ ಪಾತ್ರವದು. ಮೋಹನ್ ಲಾಲ್ಗೆ ಆಟೋ ಡ್ರೆೃವರ್ ಪಾತ್ರ.
ಕನ್ನಡದ ಮಾತು ಬಿಡಿ, ಬಾಲಿವುಡ್ನಲ್ಲಿ ನಿಮಗೆ ಅವಕಾಶಗಳು ಹೇಗಿವೆ ಎಂದಾಗ ಅಮರೀಶ್ ಪುರಿ ಮೊಗ್ಯಾಂಬೊ ಸ್ಟೈಲಲ್ಲಿ ಸಿಟ್ಟಾದರು. 'ಬಾಲಿವುಡ್ ಎಂದೇಕೆ ಕರೆಯುತ್ತೀರಿ. ಹಿಂದಿ ಚಿತ್ರರಂಗ ಎಂದರಾಗದೆ?" ಎಂದು ಅಮರೀಶ್ ಮರು ಪ್ರಶ್ನೆ. ಪ್ರತಿಯಾಂದಕ್ಕೂ ಹಾಲಿವುಡ್ನ್ನು ಅನುಕರಿಸುತ್ತಿರುವ ಕುರಿತು ಅವರು ಅಸಮಾಧಾನ ವ್ಯಕ್ತಪಡಿಸಿದರು. 'ಹಾಲಿವುಡ್" ಎನ್ನುವ ಒಂದು ಊರೇ ಇರುವುದರಿಂದ, ಹಾಲಿವುಡ್ ಎನ್ನುತ್ತಾರೆ. ಅದನ್ನು ನಾವ್ಯಾಕೆ ಅನುಕರಿಸಬೇಕು ಎಂದು ಅಮರೀಶ್ ಪ್ರಶ್ನಿಸಿದರು ; ಪತ್ರಕರ್ತರು ನಕ್ಕರು.
ಗಿರೀಶ್ ಕಾರ್ನಾಡರ ಯಯಾತಿ ಹಾಗೂ ಹಯ ವದನ ನಾಟಕಗಳಲ್ಲಿ ಅಭಿನಯಿಸಿದ್ದನ್ನು ನೆನಪಿಸಿಕೊಂಡ ಅಮರೀಶ್ ಪುರಿ, ಅದೊಂದು ಅವಿಸ್ಮರಣೀಯ ಅನುಭವ ಎಂದರು. ರಂಗಭೂಮಿಯ ನೆನಪಾಗುತ್ತಿದ್ದಂತೆ ಅಮರೀಶ್ ಪುರಿ ಅವರ ಸಿಟ್ಟು ಕರಗಿತ್ತು . ಏನೆಲ್ಲಾ ನೆನಪಾಯಿತೊ ?