For Quick Alerts
    ALLOW NOTIFICATIONS  
    For Daily Alerts

    ಬೆಂಗಳೂರು ದೂರದರ್ಶನದಲ್ಲಿ ಕಾರ್ನಾಡ್‌ ಪ್ರಯೋಗಗಳು!

    By Staff
    |

    ಬೆಂಗಳೂರು : ಜಗದ್ವಿಖ್ಯಾತ ನಾಟಕಕಾರ, ಸಿನಿಮಾ ನಟ-ನಿರ್ಮಾಪಕ ಗಿರೀಶ್‌ ಕಾರ್ನಾಡ್‌ ದೂರದರ್ಶನಕ್ಕಾಗಿ ಮೂರು ಕಾದಂಬರಿ ಆಧಾರಿತ ಧಾರಾವಾಹಿಗಳನ್ನು ನಿರ್ಮಿಸಲಿದ್ದಾರೆ.

    ಬೆಂಗಳೂರು ದೂರದರ್ಶನ ಕೇಂದ್ರದ ನಿರ್ದೇಶಕ ಮಹೇಶ್‌ ಜೋಶಿ ಈ ಕುರಿತು ಸುದ್ದಿಗಾರರಿಗೆ ಮಾಹಿತಿ ನೀಡಿದ್ದು,

    ಪೂರ್ಣಚಂದ್ರತೇಜಸ್ವಿ ಅವರ ‘ಚಿದಂಬರ ರಹಸ್ಯ’, ದೇವನೂರ ಮಹಾದೇವ ಅವರ ‘ಕುಸುಮಬಾಲೆ ’ ಹಾಗೂ ಶಾಂತಿನಾಥ ದೇಸಾಯಿ ಅವರ ‘ಓಂ ಣಮೋ’ ಕಾದಂಬರಿಗಳು ಧಾರಾವಾಹಿಗಳಾಗಿ ಮೂಡಿಬರಲಿವೆ ಎಂದು ವಿವರಿಸಿದರು.

    ಅತ್ಯುತ್ತಮ ಕಾರ್ಯ ನಿರ್ವಹಣೆಗಾಗಿ, ಬೆಂಗಳೂರು ದೂರದರ್ಶನ ಕೇಂದ್ರ ‘ಇಂಡಿಯನ್‌ ಟೆಲಿ ಅವಾರ್ಡ್ಸ್‌-2005’ ಪ್ರಶಸ್ತಿ ಪಡೆದುಕೊಂಡಿದೆ. ಶೀಘ್ರದಲ್ಲೇ ‘ಹಲೋ ಸಿಎಂ’, ‘ಹಲೋ ಡಿಸಿಎಂ’ ಎಂಬ ನೇರಪ್ರಸಾರದ ಕಾರ್ಯಕ್ರಮಗಳನ್ನು ಬಿತ್ತರಿಸಲಾಗುವುದು. ವಾರಬಿಟ್ಟು ವಾರ ನಡೆಯುವ ಈ ಕಾರ್ಯಕ್ರಮಗಳಲ್ಲಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಹಾಗೂ ಉಪಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಭಾಗವಹಿಸಲಿದ್ದಾರೆ ಎಂದು ಹೇಳಿದರು.

    ನಿರ್ಮಾಪಕ ಕಾರ್ನಾಡ್‌ ಮಾತನಾಡುತ್ತಾ, ನಾನು ಚಿದಂಬರ ರಹಸ್ಯ ಕಾದಂಬರಿ ನಿರ್ದೇಶಿಸುತ್ತಿದ್ದೇನೆ. ಉಳಿದೆರಡು ಕಾದಂಬರಿಗಳನ್ನು ನನ್ನ ಸಹಾಯಕ ಕೆ.ಎನ್‌.ಚೈತನ್ಯ ನಿರ್ದೇಶಿಸಲಿದ್ದಾರೆ ಎಂದು ಸ್ಪಷ್ಟಪಡಿಸಿದರು.

    (ಯುಎನ್‌ಐ)

    Post your views

    ಮುಖಪುಟ / ಸ್ಯಾಂಡಲ್‌ವುಡ್‌

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X