Don't Miss!
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Finance ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಂಪೇಗೌಡನಿಗೆ ಸಿಕ್ಕಿದಳು ಫೇರ್ ಅಂಡ್ ಲವ್ಲಿ ಬೆಡಗಿ
ಸುದೀಪ್ ನಿರ್ದೇಶಿಸಿ, ಅಭಿನಯಿಸುತ್ತಿರುವ 'ಕೆಂಪೇಗೌಡ' ಚಿತ್ರಕ್ಕೆ ನಾಯಕಿಯಾಗಿ ದೆಹಲಿ ಮೂಲದ ರೂಪದರ್ಶಿ ಅಂಚಲ್ ಸಬರ್ ವಾಲ್ ಆಯ್ಕೆಯಾಗಿದ್ದಾರೆ. ಈಕೆ 'ಫೇರ್ ಅಂಡ್ ಲವ್ಲಿ', 'ಸೋನಿ' ಸೇರಿದಂತೆ ಅನೇಕ ಉತ್ಪನ್ನಗಳ ರಾಯಭಾರಿಯಾಗಿ ಜಾಹೀರಾತುಗಳಲ್ಲಿ ನಟಿಸಿದ್ದಾರೆ.
23ರ ಹರೆಯದ ಈ ಚೆಲುವೆ ದೆಹಲಿ ವಿಶ್ವವಿದ್ಯಾಲಯದ ಇಂಗ್ಲಿಷ್ ಪದವೀಧರೆ. ಹಿಂದಿಯ ಕೆಲವು ಧಾರಾವಾಹಿಗಳು ಸೇರಿದಂತೆ 'ಆಮ್ರಸ್' ಎಂಬ ಚಿತ್ರದಲ್ಲೂ ನಟಿಸಿದ್ದಾರೆ. ಪ್ರಾಣಿ ಪ್ರಿಯೆ, ಸಾಹಸ ಕ್ರೀಡೆಗಳಲ್ಲಿ ಹೆಚ್ಚಿನ ಆಸಕ್ತಿ ಹೊಂದಿರುವ ಈಕೆ ಅಭಿನಯಿಸುತ್ತಿರುವ ಚೊಚ್ಚಲ ಕನ್ನಡ ಚಿತ್ರ 'ಕೆಂಪೇಗೌಡ'.
'ಕೆಂಪೇಗೌಡ' ಚಿತ್ರ ತಮಿಳಿನ 'ಸಿಂಗಂ' ಚಿತ್ರದ ರೀಮೇಕ್. ಚಿತ್ರೀಕರಣ ಈಗಾಗಲೆ ಆರಂಭವಾಗಿದೆ. ಖಳನಟನ ಪಾತ್ರಕ್ಕೆ ಮುಂಬೈನಿಂದ ನಟರೊಬ್ಬರನ್ನು ಕರೆತರುವ ಪ್ರಯತ್ನ ನಡೆಯುತ್ತಿದೆ.ಈ ಚಿತ್ರಕ್ಕೆ ಕನ್ನಡದ ಹುಡುಗಿ ಸಿಗಲಿಲ್ಲವೆ? ಎಂದರೆ, ಸುದೀಪ್ ಎತ್ತರಕ್ಕೆ ಅವರ ಪಾತ್ರಕ್ಕೆ ಸರಿಹೊಂದುವ ನಟಿ ಸಿಗಲಿಲ್ಲ ಎಂಬುದು ನಿರ್ಮಾಪಕ ಶಂಕರೇಗೌಡ ಅವರು ಕೊಡುವ ಉತ್ತರ.
ಈಗಾಗಲೆ ಮೂರು ದಿನಗಳ ಚಿತ್ರೀಕರಣ ನಡೆದಿದೆ. ಅಂದುಕೊಂಡಂತೆ ಬರಲಿಲ್ಲ ಎಂಬ ಕಾರಣಕ್ಕೆ ಸೆ.3ರಿಂದ ಮತ್ತೆ ಚಿತ್ರೀಕರಿಸಲಾಗುತ್ತಿದೆ. ನಾಯಕ ಮತ್ತು ನಾಯಕಿ ಇರುವ ದೃಶ್ಯಗಳನ್ನು ಸೆ.8ರಿಂದ ಚಿತ್ರೀಕರಿಸಲಾಗುತ್ತದೆ. ಸೆ.8ರಂದು ಅಂಚಲ್ ಕೂಡ ಬೆಂಗಳೂರಿಗೆ ಆಗಮಿಸಲಿದ್ದಾರೆ.