ವರಲಕ್ಷ್ಮಿ ಹಬ್ಬಕ್ಕೆ ಜೋಗಯ್ಯ ಬರ್ತಾ ಇಲ್ಲ, ಆ.19ಕ್ಕೆ ಎಂಟ್ರಿ

ಕೆಲವು ವರ್ಷಗಳ ಹಿಂದೆ ಬಿಡುಗಡೆಗೊಂಡಿದ್ದ ಜೋಗಿ ಚಿತ್ರ ಕೂಡ ಇದೇ ತಾರೀಕಿನಂದು ಬಿಡುಗಡೆಗೊಂಡಿತ್ತು. ಬಹುಶಃ ಆ ಸೆಂಟಿಮೆಂಟ್ ಗಾಗಿ ಚಿತ್ರ ಬಿಡುಗಡೆ ದಿನಾಂಕವನ್ನು ಪ್ರೇಮ್ ಒಂದು ವಾರ ಮುಂದೂಡಿರಬಹುದು. ಸದಾ ಸುದ್ದಿಯಲ್ಲಿರುವುದು ಮತ್ತು ಹೈಪ್ ಕ್ರಿಯೇಟ್ ಮಾಡುವುದು ಪ್ರೇಮ್ ಗೇಣು ಹೊಸದಲ್ಲ. 250 ಚಿತ್ರಮಂದಿರಗಳಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ಪ್ರೇಮ್ ಈಗಾಗಲೇ ತಿಳಿಸಿದ್ದಾರೆ.

ಭಾರತೀಯ ಸಿನಿಮಾ ಇತಿಹಾಸದಲ್ಲಿ ಇದೇ ಮೊದಲಬಾರಿಗೆ 3ಡಿ ತಂತ್ರಜ್ಞಾನದಲ್ಲಿ ಚಿತ್ರದ ಒಂದು ಹಾಡು ಮತ್ತು ಸ್ಟಂಟ್ ದೃಶ್ಯ ಇರುತ್ತದೆ ಎಂದು ಪ್ರೇಮ್ ಹೇಳಿದ್ದಾರೆ. ಪ್ಲಾಟಿನಂ ಡಿಸ್ಕ್ ಸಮಾರಂಭವನ್ನು 75,000 ಸಿಡಿ ಬಿಕರಿಯಾಗುವ ಮೊದಲೇ ನಡೆಸಿ ಬಿಟ್ಟಿದ್ದಾರೆ.

ರಾಜ್ಯಾದ್ಯಂತ ಚಿತ್ರಕ್ಕೆ ಭಾರೀ ಬೇಡಿಕೆ ಇದ್ದು, ಚಿತ್ರಮಂದಿರಗಳ ಬಳಿ ನೂಕು ನುಗ್ಗಲು ತಪ್ಪಿಸಲು ಹತ್ತು ದಿನಗಳ ಮುಂಚೆಯೇ ಅಡ್ವಾನ್ಸ್ ಬುಕ್ಕಿಂಗ್ ನೀಡಲು ನಿರ್ಧರಿಸುವುದಾಗಿ ನಿರ್ಮಾಪಕಿ ರಕ್ಷಿತಾ ಪ್ರೇಮ್ ಈಗಾಗಲೇ ತಿಳಿಸಿದ್ದಾರೆ. ಜೋಗಯ್ಯ ಟಿ ಶರ್ಟ್‌‍ಗಳು ಮತ್ತು ಕ್ಯಾಪ್‌ಗಳನ್ನು ಅಭಿಮಾನಿಗಳಿಗೆ ಆಗಲೇ ಚಿತ್ರತಂಡ ವಿತರಿಸಿದೆ. ಪ್ರೇಕ್ಷಕರ ನಿರೀಕ್ಷೆಗೆ ತಕ್ಕಂತೆ 'ಜೋಗಯ್ಯ' ಬರಲಿದ್ದಾನೆ ಎನ್ನುವುದು ನಿರ್ಮಾಪಕರ ಆಶಯ.