ವಾಂಖೆಡೆ ಮೈದಾನದಲ್ಲಿ ಸಿನಿಮಾ ತಾರೆಗಳ ಹಂಗಾಮ

ತೆಲುಗು ಚಿತ್ರರಂಗದ ಮಹೇಶ್ ಬಾಬು, ವಿಕ್ಟರಿ ವೆಂಕಟೇಶ್ ಹಾಗೂ ಸಿದ್ಧಾರ್ಥ್ ಕೂಡ ವಾಂಖೆಡೆ ಕ್ರೀಡಾಂಗಣದಲ್ಲಿ ಕಾಣಿಸಿಕೊಂಡರು. ಉದ್ಯಮಿಗಳಾದ ಅಂಬಾನಿ, ವಿಜಯ್ ಮಲ್ಯ ಕೂಡ ಪಂದ್ಯದರೋಚಕ ಕ್ಷಣಗಳನ್ನು ಕಂಡು ಬೆಕ್ಕಸ ಬೆರಗಾದರು. ಅಮೀರ್ ಖಾನ್ ಹಾಗೂ ಅವರ ಪತ್ನಿ ಕಿರಣ್ ರಾವ್, ಸಂಗೀತ ಬಿಜಲಾನಿ, ಸೈಫ್ ಅಲಿ ಖಾನ್, ಪ್ರೀತಿ ಜಿಂಟಾ, ಶಾಹಿದ್ ಕಪೂರ್, ಸುನಿಲ್ ಶೆಟ್ಟಿ, ರಣಬೀರ್ ಕಪೂರ್ ಅವರಂತೂ ಪಂದ್ಯವನ್ನು ಆದ್ಯಂತ ಸವಿದರು.

ಹಲವಾರು ಪಂದ್ಯಗಳು ಚೆನ್ನೈನಲ್ಲಿ ನಡೆದಾಗಲೂ ರಜನಿಕಾಂತ್ ಮೈದಾನಕ್ಕೆ ಹೋಗಿ ಪಂದ್ಯದ ರೋಚಕ ಕ್ಷಣಗಳನ್ನು ಸವಿದಿರಲಿಲ್ಲ. ಆದರೆ ಅವರು ಫೈನಲ್ ಪಂದ್ಯಕ್ಕೆ ತನ್ನ ಪುತ್ರಿಯರ ಜೊತೆ ಆಗಮಿಸಿದ್ದದ್ದು ಪ್ರೇಕ್ಷಕರ ಸಂಭ್ರಮವನ್ನು ಇಮ್ಮಡಿಸಿತ್ತು. ಸಾಮಾನ್ಯವಾಗಿ ಕ್ರೀಡೆಗಳೆಂದರೆ ಗಾವುದ ದೂರ ಉಳಿಯುವ ರಜನಿಕಾಂತ್ ಶನಿವಾರದ ಪಂದ್ಯವನ್ನು ತುಂಬು ಉತ್ಸಾಹದಿಂದ ಸವಿದದ್ದು ವಿಶೇಷ.