‘ನಾನು ಸ್ವಾರ್ಥಿ ’: ಅಮಿತಾಭ್‌ ಮನದಾಳದ ಮಾತುಗಳು!

By Staff

| Published: Wednesday, November 20, 2002, 5:30 [IST]

ಮುಂಬಯಿ : ಅಭಿ ಮತ್ತು ಐಶ್ವರ್ಯ ರೈ ಮದುವೆಯ ದೃಶ್ಯಗಳನ್ನು ನಾವು ಯಾವುದೇ ಟೀವಿ ಚಾನೆಲ್‌ಗಳಿಗೆ ನೀಡಿಲ್ಲ ಎಂದು ನಟ ಅಮಿತಾಭ್‌ ಬಚ್ಚನ್‌ ಗುರುವಾರ ಹೇಳಿದ್ದಾರೆ.

ಸುದ್ದಿಗಾರರ ಜೊತೆ ಮಾತನಾಡುತ್ತಿದ್ದ ಅವರು, ಈ ಸಂಬಂಧ ಊಹಾಪೋಹಗಳು ಕೇಳಿ ಬರುತ್ತಿವೆ. ಇವೆಲ್ಲವೂ ಸತ್ಯಕ್ಕೆ ದೂರ. ಮದುವೆ ಎನ್ನುವುದು ಬದುಕಿನ ಖಾಸಗಿ ಕ್ಷಣ. ನಮ್ಮ ಬಂಧುಗಳು ಮತ್ತು ಮಿತ್ರರು ಪಾಲ್ಗೊಳ್ಳುವ ಆ ಕ್ಷಣಗಳನ್ನು ಸಾರ್ವಜನಿಕವಾಗಿ ಹಂಚಿಕೊಳ್ಳುವುದು ಸಲ್ಲದು ಎಂದರು.

ನಾನು ಸ್ವಾರ್ಥಿ : ಟೀವಿ ಚಾನೆಲ್‌ಗಳು ಮದುವೆಯನ್ನು ನೇರ ಪ್ರಸಾರ ಮಾಡುವ ಹಕ್ಕುಗಳಿಗೆ ಬೇಡಿಕೆ ಸಲ್ಲಿಸಿದ್ದರೂ, ನಾನು ಒಪ್ಪುತ್ತಿರಲಿಲ್ಲ. ಈಗ ಮದುವೆ ದೃಶ್ಯಗಳನ್ನು 50ಮಿಲಿಯನ್‌ಗೆ ಮಾರಾಟ ಮಾಡಲಾಗಿದೆ ಎಂಬ ಸುದ್ದಿ ಅಪ್ಪಟ ಸುಳ್ಳು. ನನ್ನನ್ನು ಬೇಕಾದರೆ ಸ್ವಾರ್ಥಿ ಎಂದರೂ ಚಿಂತೆ ಇಲ್ಲ. ಈ ವಿಷಯದಲ್ಲಿ ನಾನು ಸ್ವಾರ್ಥಿಯೂ ಹೌದು.

ಕುಟುಂಬದ ಖಾಸಗಿತನವನ್ನು ನಾನು ನಾಶ ಮಾಡುವುದಿಲ್ಲ. ಮಾಧ್ಯಮಗಳು ನನ್ನ ವೃತ್ತಿಯನ್ನು ಹಿಂಬಾಲಿಸಲಿ, ಬಿಂಬಿಸಲಿ. ಆದರೆ ಕ್ಯಾಮೆರಾದೊಂದಿಗೆ ನನ್ನ ಮನೆಗೆ ಬರುವುದನ್ನು ನಾನು ಒಪ್ಪುವುದಿಲ್ಲ ಎಂದು ಅಮಿತಾಭ್‌ ಸ್ಪಷ್ಟವಾಗಿ ಹೇಳಿದರು.

(ಏಜನ್ಸೀಸ್‌)