ರೆಡ್ ಸುಂದರಿ ತಾಪಸಿ ರೇಟು ಅರುವತ್ತು ಲಕ್ಷ!

ರೆಡ್ ಎಫ್ಎಂ ವಾಹಿನಿಯ ಬ್ರ್ಯಾಂಡ್ ಅಂಬಾಸಡರ್ ತಾಪಸಿ ದಿಢೀರ್ ಎಂದು ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ಚಿನಿವಾರ ಪೇಟೆಯಲ್ಲಿ ಚಿನ್ನದ ದರ ಆಗಸಕ್ಕೆ ಏರುವುದಕ್ಕೂ ತಾಪಸಿ ರೇಟು ಜಾಸ್ತಿ ಆಗುವುದಕ್ಕೂ ಸುತಾರಾಂ ಸಂಬಂಧವಿಲ್ಲ!

ಹೋಗಲಿ ತಾಪಸಿಗೆ ಏನಾದರೂ ಮಿಸ್ ವರ್ಲ್ಡ್ ಅವಾರ್ಡ್ ಸಿಕ್ಕಿದೆಯಾ ಎಂದರೆ ಎಂಥದೂ ಇಲ್ಲ. ಆದರೂ ತಮ್ಮ ಸಂಭಾವನೆಯನ್ನು ಮಾತ್ರ ಎರಡು ಪಟ್ಟು ಜಾಸ್ತಿ ಮಾಡಿಕೊಂಡಿದ್ದಾರೆ. ಈ ಬೆಳವಣಿಗೆಗೆ ಕಾರಣ ಆಕೆ ತೆಲುಗಿನಲ್ಲಿ ಅಭಿನಯಿಸಿದ 'ಮಿ.ಪರ್ಫೆಕ್ಟ್' ಚಿತ್ರದ ಸಕ್ಸಸ್.

ಸಕ್ಸಸ್‌ಗಾಗಿ ತಹತಹಸುತ್ತಿದ್ದ ತಾಪಸಿ ಜಾತಕಪಕ್ಷಿಯಂತೆ ಕಾದುಕುಳಿತದ್ದೇ ಬಂತು. ಈಕೆಯ ಲುಕ್ ಬದಲಾಯಿತಾದರೂ ಲಕ್ ಬದಲಾಗಿರಲಿಲ್ಲ. ರು.38 ರಿಂದ ರು.42 ಲಕ್ಷಕ್ಕೆ ಹೊಂದಿಕೊಳ್ಳುತ್ತಿದ್ದ ತಾಪಸಿ ರು.60 ಲಕ್ಷಕ್ಕೆ ಜಂಪ್ ಹೊಡೆದಿದ್ದಾರೆ. ಸಂಭಾವನೆ ರೂಪದಲ್ಲಿ ರು.50 ಲಕ್ಷ ತೆಗೆದುಕೊಂಡರೆ ಉಳಿದ ರು.10 ಲಕ್ಷ ಹೋಟೆಲ್ ಖರ್ಚುವೆಚ್ಚಕ್ಕೆ ಸಮರ್ಪಯಾಮಿ! (ಏಜೆನ್ಸೀಸ್)