Don't Miss!
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- News ಬೆಂಗಳೂರಿನಲ್ಲಿ ಮೋದಿ ಮತಬೇಟೆ; ರಾಜ್ಯಕ್ಕೆ ಪ್ರಧಾನಿ ಮೋದಿಯ ಕೊಡುಗೆ ಏನಿದೆ?: ಡಾ.ಜಿ ಪರಮೇಶ್ವರ್
- Sports DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ
- Automobiles Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೆದ್ದ ರಾಘಣ್ಣ, ಕೋಟಿ ಕೋಟಿ ಬಾಚಿದ ಅಣ್ಣಾ ಬಾಂಡ್
ತಮ್ಮ ಚಿತ್ರದ ಬಗ್ಗೆ ನಂಬಿಕೆ ಇಟ್ಟು ಅಣ್ಣಾಬಾಂಡ್ ಚಿತ್ರವನ್ನು ಮಂಗಳವಾರ (ಕಾರ್ಮಿಕರ ದಿನ, ಮೇ 1) ಬಿಡುಗಡೆ ಮಾಡಿದ ನಿರ್ಮಾಪಕ ರಾಘವೇಂದ್ರ ರಾಜಕುಮಾರ್ ಪ್ರೇಕ್ಷಕರನ್ನು ಚಿತ್ರಮಂದಿರದತ್ತ ಸೆಳೆಯುವಲ್ಲಿ ಭರಪೂರ ಯಶ ಕಂಡಿದ್ದಾರೆ. ಬೆಂಗಳೂರು ಸೇರಿದಂತೆ ರಾಜ್ಯದ ಕೆಲ ಚಿತ್ರಮಂದಿರಗಳಲ್ಲಿ ಅಕ್ಷರಶಃ ಜಾತ್ರೆಯ ವಾತಾವರಣ ನಿರ್ಮಾಣವಾಗಿತ್ತು.
ಅನಧಿಕೃತ ಮೂಲಗಳ ಪ್ರಕಾರ ಬಿಡುಗಡೆಯ ದಿನದಂದು ಪುನೀತ್ ರಾಜಕುಮಾರ್ ಅಭಿನಯದ ಅಣ್ಣಾಬಾಂಡ್ ಚಿತ್ರ ಬರೋಬರಿ ಮೂರುವರೆ ಕೋಟಿ ರೂಪಾಯಿ ಗಳಿಕೆ ಕಂಡಿದೆ. ರಾಜ್ಯದ ಎಲ್ಲಾ ಕಡೆ ಮೊದಲ ದಿನ ಜಯಭೇರಿ ಬಾರಿಸಿದ ಪುನೀತ್ ಅಭಿನಯದ ಈ ಚಿತ್ರಕ್ಕೆ ಬಿಕೆಟಿ ಭಾಗದಿಂದಲೇ ಒಂದೂವರೆ ಕೋಟಿ ಆದಾಯ ಬಂದಿದೆ ಎನ್ನಾಲಾಗಿದೆ.
ಬೆಂಗಳೂರು ಸೇರಿದಂತೆ ರಾಜ್ಯದ ಎಲ್ಲಡೆ ಇತಿಮಿತಿಯಿಲ್ಲದೆ ಚಿತ್ರಮಂದಿರಗಳು ಚಿತ್ರ ಪ್ರದರ್ಶನ ಮಾಡಿವೆ. ರಾಮನಗರದ ಚಿತ್ರಮಂದಿರವೊಂದರಲ್ಲಿ ಥಿಯೇಟರ್ ಸಾಮರ್ಥ್ಯಕ್ಕಿಂತ 110 ಟಿಕೆಟ್ ಹೆಚ್ಚು ನೀಡಿದ್ದರಿಂದ ಅಭಿಮಾನಿಗಳು ನಿಂತುಕೊಂಡೇ ಪೂರ್ತಿ ಚಿತ್ರ ನೋಡಿದ ಉದಾಹರಣೆಗಳಿವೆ. ಚಿತ್ರಕ್ಕಿರುವ ಹೈಪ್ ನೋಡಿ ಬೆಂಗಳೂರಿನ ಮಲ್ಟಿಪ್ಲೆಕ್ಸ್ ಗಳು ಅಣ್ಣಾಬಾಂಡ್ ಗೆ ಕರೆದು ಕರೆದು ಮಣೆ ಹಾಕಿವೆ.
ಬೆಂಗಳೂರಿನ ರಾಕ್ ಲೈನ್ ಸಿನಿಮಾಸ್ ನಲ್ಲಿ ಚಿತ್ರ ಬಿಡುಗಡೆಯ ದಿನದಂದು ಬೆಳಗಿನ ಪ್ರದರ್ಶನ 7.30ಕ್ಕೆ ಆರಂಭವಾಗಿದೆ ಅಲ್ಲದೆ ಪ್ರೇಕ್ಷಕರ ಮಹಾಪೂರವೇ ಹರಿದಿದ್ದರಿಂದ ಅಂದು 21 ಪ್ರದರ್ಶನ ನೀಡಿವೆ ಎಂದು ವರದಿಯಾಗಿದೆ. ಒಟ್ಟಿನಲ್ಲಿ ಅಣ್ಣಾಬಾಂಡ್ ಹವಾ ರಾಜ್ಯಾದ್ಯಂತ ಜೋರಾಗಿಯೇ ಬೀಸುತ್ತಿದೆ. ಮುಂಗಾರು ಮಳೆ ಕೂಡ ರಾಜ್ಯದಲ್ಲಿ ಇದೇ ಭರದಲ್ಲಿ ಸುರಿಯಲಿ ಕನ್ನಡ ಚಿತ್ರ ಮತ್ತು ಕನ್ನಡನಾಡಿನ ಅಭಿಮಾನಿಗಳು ಆಶಿಸುತ್ತಿದ್ದಾರೆ!