Don't Miss!
- News ತೊಳೆಯೋದಕ್ಕೂ ನೀರು ಇಲ್ಲ ಗುರೂ: ಜನ ಹಿಂಗೆ ಕೇಳ್ತಿದ್ದಾರೆ!
- Lifestyle ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪುಟ್ಟಪರ್ತಿ ಪವಾಡ ಪುರುಷನಾಗಿ ಕನ್ನಡಿಗ ಪ್ರಕಾಶ್ ರೈ
ಕೋಡಿ ರಾಮಕೃಷ್ಣ ನಿರ್ದೇಶಿಸಲಿರುವ ಪುಟ್ಟಪರ್ತಿ ಸತ್ಯಸಾಯಿ ಬಾಬಾ ಪಾತ್ರವನ್ನು ಯಾರು ಪೋಷಿಸಲಿದ್ದಾರೆ ಎಂಬ ಕುತೂಹಲಕ್ಕೆ ತೆರೆಬಿದ್ದಿದೆ. ಕನ್ನಡದ ನಟ, ನಿರ್ಮಾಪಕ ಹಾಗೂ ನಿರ್ದೇಶಕ ಪ್ರಕಾಶ್ ರೈ ಆ ಪಾತ್ರವನ್ನು ಪೋಷಿಸುವುದು ಬಹುತೇಕ ಖಚಿತವಾಗಿದೆ.
ಪ್ರಕಾಶ್ ರೈ ಈಗಾಗಲೆ ತೆಲುಗು, ತಮಿಳು ಹಾಗೂ ಮಲಯಾಳಂ ಚಿತ್ರಗಳಲ್ಲಿ ಅಭಿನಯಿಸಿದ್ದು, ಬಾಬಾ ಪಾತ್ರಕ್ಕೆ ಅವರೇ ಸೂಕ್ತ ನಟ ಎಂದು ಕೋಡಿ ರಾಮಕೃಷ್ಣ ಗುರುತಿಸಿದ್ದಾರೆ. ಪ್ರಕಾಶ್ ರೈ ಬಾಲಿವುಡ್ನಲ್ಲೂ ಕೈಯಾಡಿಸಿರುವುದು ಗೊತ್ತೆ ಇದೆ. ಬಾಬಾ ಪಾತ್ರಕ್ಕೆ ಪ್ರಕಾಶ್ ರೈ ಬಿಟ್ಟರೆ ಇನ್ಯಾರು ಕಾಣಿಸುತ್ತಿಲ್ಲ.
ಈ ಚಿತ್ರಕ್ಕೆ ರಾಜಕಾರಣಿ ಕಮ್ ನಿರ್ಮಾಪಕ ಹರಿ ರಾಮ್ ಜೋಗಯ್ಯ ಬಂಡವಾಳ ಹೂಡಲಿದ್ದಾರೆ. ಚಿತ್ರದ ಉಳಿದ ಪಾತ್ರವರ್ಗದ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದೆ. ಭಕ್ತಿ ಪ್ರಧಾನ ಚಿತ್ರಗಳಿಗೆ ಕೋಡಿ ರಾಮಕೃಷ್ಣ ಹೇಳಿ ಮಾಡಿಸಿದ ನಿರ್ದೇಶಕ. ಪುಟ್ಟಪರ್ತಿ ಈಗಾಗಲೆ ವಿವಾದಗಳ ಗೂಡಾಗಿದೆ. ಇವೆಲ್ಲವುಗಳ ಮೇಲೆ ಚಿತ್ರ ಬೆಳಕು ಚೆಲ್ಲುತ್ತದೆಯೇ ಎಂಬ ಪ್ರಶ್ನೆಯೂ ತಲೆಯೆತ್ತಿದೆ.
ಚಿತ್ರದ ನಾಯಕ ನಟ ಪ್ರಕಾಶ್ ರೈ ಎಂಬುದು ಅಧಿಕೃತವಾಗಿ ಇನ್ನೂ ಪ್ರಕಟವಾಗಿಲ್ಲ. ವಿಶೇಷ ಎಂದರೆ ಪ್ರಕಾಶ್ ರೈ ಕೂದಲು ಗುಂಗುರು ಗುಂಗುರು. ಅವರು ಮೂರು ತಿಂಗಳು ಕಟಿಂಗ್ ಶಾಪ್ ಕಡೆಗೆ ತಲೆಹಾಕದೆ ಒಂದೆರಡು ಇಂಚು ತಲೆಗೂದಲು ಬೆಳಸಿ ಅವನ್ನು ಒಂಚೂರು ಕೆದರಿಬಿಟ್ಟರೆ ಥೇಟ್ ಬಾಬಾ ಅವರಂತೆಯೇ ಕಾಣುತ್ತಾರೆ! (ದಟ್ಸ್ಕನ್ನಡ ಸಿನಿವಾರ್ತೆ)