Don't Miss!
- News ರಾಜ್ಯದ ವಿವಿಧೆಡೆ ಮಳೆರಾಯನ ಆರ್ಭಟ; ಕರ್ನಾಟಕದ ಪ್ರಮುಖ ಡ್ಯಾಂಗಳ ನೀರಿನ ಮಟ್ಟ ಎಷ್ಟು ? ಇಲ್ಲಿದೆ ಸಂಪೂರ್ಣ ವಿವರ
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೆಲ್ಯುಲಾಯ್ಡ್ನಲ್ಲಿ ಟಿ ಪಿ ಕೈಲಾಸಂ ನಾಟಕಗಳು
'ಕನ್ನಡಕ್ಕೊಬ್ನೆ ಕೈಲಾಸಂ", ಎಂದು ಎಲ್ಲರ ಬಾಯಲ್ಲೂ ಶಹಬ್ಬಾಸ್ ಗಿರಿ ಗಿಟ್ಟಿಸಿದವರು ತ್ಯಾಗರಾಜ ಪರಮಶಿವ ಕೈಲಾಸಂ. ಕನ್ನಡದ ಜನರ ಮನ ಮನೆಗಳಲ್ಲಿ ಚಿರಕಾಲ ಉಳಿಯುವ, ಜನಪ್ರಿಯ ಹೆಸರು. ಇವರು ಕನ್ನಡ ರಂಗಭೂಮಿಗೆ ನೀಡಿದ ಕೊಡುಗೆ ಅಪಾರ. ಆಧುನಿಕ ರಂಗಭೂಮಿಯ ಹರಿಕಾರರೆಂದೇ ಕರೆಯಲ್ಪಟ್ಟ ಇವರ ಹಾಸ್ಯ ಚಟಾಕಿಗಳು ಇಂದಿಗೂ ಜನರನ್ನು ನಗಿಸುತ್ತಿವೆ.
ಕನ್ನಡ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಅಪಾರ ಪಾಂಡಿತ್ಯ ಸಾಧಿಸಿದ್ದ ಟಿ ಪಿ ಕೈಲಾಸಂ ಅವರು ಹೋಮ್ ರೂಲ್, ಸೂಳೆ, ಗಂಡಸ್ಕತ್ರಿ ಮುಂತಾದ ನಾಟಕಗಳನ್ನು ರಚಿಸಿದ್ದಾರೆ. ಈಗ ಈ ಎಲ್ಲಾ ನಾಟಕಗಳನ್ನು 45 ನಿಮಿಷಗಳ ಕಿರುಚಿತ್ರಗಳಾಗಿ ಬದಲಾಯಿಸಿದ್ದಾರೆ ಎಂ ಜಿ ಶ್ರೀನಿವಾಸ್.
ಈ ಕಿರುಚಿತ್ರಕ್ಕೆ ಕೈಲಾಸಂ ಅವರ ಶೈಲಿಯಲ್ಲೇ ವಿಭಿನ್ನವಾಗಿ 'ಸಿಂಪ್ಲಿ ಕೈಲಾವ್ಸಂ' ಎಂದು ಹೆಸರಿಡಲಾಗಿದೆ(Simply Kailawesome). ಈ ಕಿರುಚಿತ್ರವನ್ನು ನಿರ್ದೇಶಿಸುವ ಜೊತೆಗೆ ಕೈಲಾಸಂ ಅವರ ಪಾತ್ರವನ್ನು ಶ್ರೀನಿವಾಸ್ ಅವರು ಪೋಷಿಸಿರುವುದು ವಿಶೇಷ. ಛಾಯಾಸಿಂಗ್ ಸಹ ಮುಖ್ಯ ಪಾತ್ರವನ್ನು ಪೋಷಿಸಿದ್ದಾರೆ.
ಹನುಮಂತನಗರದ ಎಚ್ ಎನ್ ಕಲಾ ಸೌಧದಲ್ಲಿ ಸಿಂಪ್ಲಿ ಕೈಲಾವ್ಸಂ ಕಿರುಚಿತ್ರವನ್ನು ಪ್ರದರ್ಶಿಸಲಾಯಿತು. ಎಸ್ ವಿ ಬಾಬು ನಿರ್ಮಾಣ ಚಿತ್ರಕ್ಕಿದೆ. ಟಿ ಪಿ ಕೈಲಾಸಂ ರಚಿಸಿರುವ ಇಪ್ಪತ್ತಕ್ಕೂ ಹೆಚ್ಚು ಹಾಸ್ಯ ನಾಟಕಗಳ ಪೈಕಿ ಟೊಳ್ಳು ಗಟ್ಟಿ, ಹೋಮ್ ರೂಲ್, ಸಾತು ಪಾತು, ಗಂಡಸ್ಕತ್ರಿ ಮತ್ತು ಸೂಳೆ ನಾಟಕಗಳನ್ನು ಮಾತ್ರ ಶ್ರೀನಿವಾಸ್ ಆಯ್ಕೆ ಮಾಡಿಕೊಂಡಿದ್ದಾರೆ.
ಈ ಚಿತ್ರಕ್ಕೆ ಹಿನ್ನೆಲೆ ಧ್ವನಿಯನ್ನು ನಟ ಶ್ರೀನಗರ ಕಿಟ್ಟಿ ಕೊಟ್ಟಿರುವುದು ಮತ್ತೊಂದು ವಿಶೇಷ.ಎಚ್ ಎನ್ ಕಲಾಸೌಧದಲ್ಲಿ ಸಿಂಪ್ಲಿ ಕೈಲಾವ್ಸಂ ಚಿತ್ರದ ಪ್ರದರ್ಶನ ಅಕ್ಟೋಬರ್ 8ರಿಂದ(8,9,10 ಮತ್ತು 15,16,17) ಆರು ದಿನಗಳ ಕಾಲ ನಡೆಯಲಿದೆ. ಟಿಕೆಟ್ ದರ ರು.99. ಪ್ರತಿದಿನ ಸಂಜೆ 7 ಮತ್ತು 9 ಗಂಟೆಗೆ ಎರಡು ಪ್ರದರ್ಶನಗಳಿರುತ್ತವೆ.
ವಿಡಿಯೋ: ಸಿಂಪ್ಲಿ ಕೈಲಾಸಂ|| ಹೃದಯದಲಿ ಇದೇನಿದು ||ಗಾನಾ ಬಜಾನಾ