Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೂಢಚಾರಿಣಿಯ ಜಾಡು ಅರಸಿ ಹೊರಟ ಶ್ಯಾಮ್ ಬೆನಗಲ್
ನವದೆಹಲಿ, ನ.05: ಬ್ರಿಟೀಷ್ ಗೂಢಾಚಾರಳಾಗಿ ಕಾರ್ಯನಿರ್ವಹಿಸಿದ್ದ ಟಿಪ್ಪು ವಂಶಸ್ಥೆಯೊಬ್ಬಳ ಬಗ್ಗೆ ಶ್ಯಾಮ್ ಬೆನಗಲ್ ಚಿತ್ರವನ್ನು ನಿರ್ಮಿಸಲಿದ್ದಾರೆ. ಬಸು ರಚಿಸಿದ 'The princess spy" ಎಂಬ ಆಂಗ್ಲ ಕೃತಿ ಆಧರಿಸಿ ಚಿತ್ರ ನಿರ್ಮಾಣವಾಗಲಿದೆ.
ದ್ವಿತೀಯ ಮಹಾಯುದ್ಧದ ಸಂದರ್ಭದಲ್ಲಿ ಟಿಪ್ಪು ವಂಶಸ್ಥಳಾದ ನೂರ್-ಉನ್-ನಿಸಾ ಇನಾಯತ್ ಖಾನ್ ಗೂಢಚಾರಿಣಿಯಾಗಿದ್ದಳು. ಈಕೆ ಬ್ರಿಟೀಷ್ ಪರ ಜರ್ಮನರ ವಿರುದ್ಧ ಗೂಢಚಾರಳಾಗಿ ಕಾರ್ಯನಿರ್ವಹಿಸಿ ನಾಜಿಗಳಿಗೆ ಸಿಂಹಸ್ವಪ್ನವಾಗಿದ್ದಳು. ಕೆಲವೊಂದು ಕ್ಲಿಷ್ಟ ಪರಿಸ್ಥಿತಿಗಳಲ್ಲಿ ರೇಡಿಯೋ ಆಪರೇಟರ್ ಆಗಿಯೂ ಕೆಲಸ ಮಾಡಿದ್ದಳು.
ಇನಾಯತ್ ಖಾನ್ ಬಗ್ಗೆ ಒಂದಿಷ್ಟು :
ಈಕೆಯ ತಂದೆ ಭಾರತೀಯ ಹಾಗೂ ತಾಯಿ ಅಮೆರಿಕಾ ಮೂಲದವರು. ಹುಟ್ಟಿದ್ದು 1914ರಲ್ಲಿ. ಇವರ ಕುಟುಂಬ ಕೆಲಕಾಲ ಲಂಡನ್ ಮತ್ತು ಪ್ಯಾರಿಸ್ನಲ್ಲಿತ್ತು. ಫ್ರಾನ್ಸ್ ಪತನದ ನಂತರ ಇವರ ಕುಟುಂಬವು 1941ರಲ್ಲಿ ಇಂಗ್ಲೆಂಡ್ಗೆ ಸ್ಥಳಾಂತರವಾಯಿತು. 'ಮೆಡಲೀನ್" ಎಂಬ ರಹಸ್ಯ ಹೆಸರಿನೊಂದಿಗೆ ವ್ಯವಹರಿಸುತ್ತಿದ್ದಳು ಇನಾಯತ್ ಖಾನ್. 1943ರಲ್ಲಿ ಈಕೆಯನ್ನು ಬಂಧಿಸಲಾಯಿತು. ಅಲ್ಲಿಂದಲೂ ತಪ್ಪಿಸಿಕೊಂಡ ಇವಳನ್ನು ಕೇವಲ ಎರಡು ತಾಸಿನಲ್ಲಿ ಬಂಧಿಸಿದರು. 1944ರಲ್ಲಿ ಈಕೆಯನ್ನು ಗುಂಡಿಟ್ಟು ಕೊಲ್ಲಲಾಯಿತು. ಇದು ಗೂಢಚಾರಿಣಿಯ ಹಿಂದಿನ ಕತೆ. ಕಲಾತ್ಮಕ ಚಿತ್ರಗಳಿಗೆ ಹೆಸರಾದ ಶ್ಯಾಮ್ ಬೆನಗಲ್ ಇದನ್ನು ತೆರೆಯ ಮೇಲೆ ಹೇಗೆ ತರುತ್ತಾರೋ ಎಂಬ ಕುತೂಹಲ ಪ್ರೇಕ್ಷಕರಿಗೆ ಇದ್ದೇ ಇದೆ.
(ಏಜನ್ಸೀಸ್)