Don't Miss!
- News 1951 ರಿಂದ 2019 : ಲೋಕಸಭಾ ಚುನಾವಣೆಯಲ್ಲಿ ಕರ್ನಾಟಕದಲ್ಲಿ ಯಾವ ಪಕ್ಷಕ್ಕೆ ಎಷ್ಟು ಸ್ಥಾನ? ಇಲ್ಲಿದೆ ವಿವರ!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರವಿಚಂದ್ರನ್ ‘ಸೊಂಟೋಪಾಖ್ಯಾನ’
- ದಟ್ಸ್ಕನ್ನಡ ಬ್ಯೂರೋ
ರವಿ ಮುಂದೆ ಈ ಪ್ರಶ್ನೆ ಇಡಲು ಬಲವಾದ ಕಾರಣಗಳಿದ್ದವು. ‘ಒಂದಾಗೋಣ ಬಾ’ ಚಿತ್ರ ನಿಂತಿರುವುದೇ ಶಿಲ್ಪಾ ಶೆಟ್ಟಿ ಸೊಂಟದ ಮೇಲೆ ಎಂಬ ಆರೋಪ ಇದೆ. ಇದನ್ನು ರವಿ ಕೂಡ ಒಪ್ಪಿಕೊಳ್ಳುತ್ತಾರೆ.
ರವಿ ಮಾತು ಮುಂದುವರೆಸುತ್ತಾರೆ- ನೋಡಿ, ಶಿಲ್ಪಾ ಶೆಟ್ಟಿ ಐದು ವರ್ಷಗಳ ಹಿಂದೆ ‘ಪ್ರೀತ್ಸೋದ್ ತಪ್ಪಾ’ ಚಿತ್ರದಲ್ಲಿ ಹೇಗೆ ದೇಹ ಇಟ್ಟುಕೊಂಡಿದ್ದರೋ ಇವತ್ತಿಗೂ ಅದನ್ನ ಕಾಪಾಡಿಕೊಂಡಿದ್ದಾರೆ. ಅವರ ಸೊಂಟ ನೋಡಿದವರು ವ್ಹಾರೆ ವ್ಹಾ ಅನ್ನದಿರರು. ನಮ್ಮ ನಟಿಯರಿಗೆ ಪ್ರತಿಭೆಯೇನೋ ಇದೆ. ಆದರೆ ಫಿಗರ್ ಕಾನ್ಷಿಯಸ್ನೆಸ್ ಇಲ್ಲ. ಬಲವಂತವಾಗಿ ಅವರಿಗೆ ಮಿನಿಗಳನ್ನು ತೊಡಿಸಿ ಕುಣಿಸಿದರೆ ಅದು ಅಪಹಾಸ್ಯವಾಗುವ ಅಪಾಯವೂ ಇದೆ. ಆದರೆ ಬಾಲಿವುಡ್ ನಟಿಯರು ಏಗಿ ಬಂದಿರುವ ಜಗತ್ತೇ ಬೇರೆ. ಅಲ್ಲಿ ಕೊಂಚ ಬೊಜ್ಜು ಬಂದರೂ ನಾಯಕಿ ರಿಟೈರ್ ಆದಂತೆಯೇ ಸರಿ. ಜೊತೆಗೆ ಅವರಿಗೆ ತುಂಡು ಬಟ್ಟೆ ತೊಡುವ ವಿಷಯದಲ್ಲಿ ಕಿಂಚಿತ್ತೂ ಮುಜುಗರ ಇರುವುದಿಲ್ಲ. ಆದ ಕಾರಣ ಬಟ್ಟೆಯ ಬಗ್ಗೆ ಯಾವುದೇ ಅಳುಕಿಲ್ಲದೆ ಭಾವಾಭಿನಯದಲ್ಲೂ ಮಿಂಚುತ್ತಾರೆ. ನಮ್ಮ ನಾಯಕಿಯರೂ ಅವರಿಂದ ಕಲಿಯುವುದು ಸಾಕಷ್ಟಿದೆ.
ರವಿ ತಮ್ಮ ‘ಮಲ್ಲ’ ಚಿತ್ರದ ಕ್ಯಾಸೆಟ್ ಬಿಡುಗಡೆಗೆ ಕರೆಸಿದ್ದು ಆಗಿನ ನಿಂಬೆ ಹಣ್ಣಿನಂಥಾ ಹುಡುಗಿ ಜ್ಯೂಹಿ ಚಾವ್ಲಾ ಅವರನ್ನು. ಈ ವಿಷಯದಲ್ಲೂ ರವಿಯ ಬಾಲಿವುಡ್ ಮೋಹ ಕಂಡು ಕೆಲವರು ಒಳಗೊಳಗೇ ಗೊಣಗಿಕೊಂಡಿದ್ದೂ ಉಂಟು. ಮಲ್ಲ ಚಿತ್ರದಲ್ಲಿ ಎಡಿಟಿಂಗ್ ಕೆಲಸವನ್ನೂ ನಿಭಾಯಿಸುವುದರ ಮೂಲಕ ರವಿ ಇನ್ನೊಂದು ಸಿನಿಮಾ ಸಾಹಸ ಮಾಡಿದ್ದಾರೆ. ಈ ಚಿತ್ರದ ಹೈಲೈಟುಗಳಲ್ಲಿ ಎಡಿಟಿಂಗ್ ಮುಖ್ಯವಾಗಿರುತ್ತದೆ ಅನ್ನೋದು ಅವರ ಅಂಬೋಣ.
ನಾಯಕಿಯರ ಬಗ್ಗೆ ರವಿಚಂದ್ರನ್ ಇಂತೆಲ್ಲ ಕಾಮೆಂಟ್ ಮಾಡುತ್ತಿರುವಾಗಲೇ ಹಿಂದೆ ಇದ್ದವರಾರೋ ಮೆಲ್ಲಗೆ, ನಿಮ್ಮ ಫಿಗರ್ ಕಾನ್ಷಿಯಸ್ನೆಸ್ ಬಗ್ಗೆ ಏನಂತೀರಿ ಸ್ವಾಮಿ ಅಂತ ಕೆಣಕಿದರು. ಹೌದು, ರವಿಗೆ ಬೊಜ್ಜು ಜಾಸ್ತಿಯಾಗಿದೆ ಅಂತ ‘ಒಂದಾಗೋಣ ಬಾ’ ನೋಡಿದವರೆಲ್ಲ ಕಾಮೆಂಟ್ ಮಾಡುತ್ತಿದ್ದಾರೆ. ಇದನ್ನು ಒಪ್ಪಿಕೊಂಡಿರುವ ರವಿಚಂದ್ರನ್, ‘ಹೊಟ್ಟೆ ಕರಗಿಸಬೇಕು’ ಅಂತ ಒಮ್ಮೆ ಹೊಟ್ಟೆ ಮುಟ್ಟಿಕೊಂಡರು.
ಮುಖಪುಟ / ಸ್ಯಾಂಡಲ್ವುಡ್