ಸವಾರಿ ರಘು ಮುಖರ್ಜಿಯ 'ಸವಾರಿ ಟು 1000 ಎಡಿ'

ಸವಾರಿ ಚಿತ್ರದಲ್ಲಿ ಮನೆಮಾತಾಗಿದ್ದ ರಘು ಮುಖರ್ಜಿ ನಂತರ ಆಗೊಮ್ಮೆ ಈಗೊಮ್ಮೆ ಸ್ಯಾಂಡಲ್ ವುಡ್ ನಲ್ಲಿ ಮುಖ ತೋರಿಸುತ್ತಿದ್ದರೂ ಪೂರ್ಣ ಪ್ರಮಾಣದ ನಾಯಕನಾಗಿ ಮರಳಿರಲಿಲ್ಲ. ಇದೀಗ ಆ ಕಾಲ ಕೂಡಿ ಬಂದಿದೆ. ರಘು ಹೊಸ ಚಿತ್ರ 'ಸವಾರಿ ಟು 1000 ಎಡಿ' ಯಲ್ಲಿ ನಾಯಕರಾಗಿ ನಟಿಸುತ್ತಿದ್ದಾರೆ. ನಾಯಕಿಯಾಗಿ ಮುಂಬೈನ ರೇಷ್ಮಾ ಥಕ್ಕರ್ ಆಯ್ಕೆಯಾಗಿದ್ದಾರೆ.

ತಿಮ್ಮಪಳ್ಳಿ ಚಂದ್ರು ಅವರು ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದು ಅವರಿಗಿದು ಚೊಚ್ಚಿಲ ಚಿತ್ರ. ಈ ಮೊದಲು ಅವರು ಕೋಡ್ಲು ರಾಮಕೃಷ್ಣ, ರಾಜೇಂದ್ರಕುಮಾರ್ ಆರ್ಯ ಮುಂತಾದವರ ಜೊತೆ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಈ ಚಿತ್ರ ಖಂಡಿತವಾಗಿಯೂ ಈ ಮೊದಲು ತೆರೆಗೆ ಬಂದಿದ್ದ ಸವಾರಿಯ ಮುಂದಿನ ಭಾಗವಲ್ಲ.

ಫಾರಿನ್ ರಿಟರ್ನ್ಡ್ ಅಹಂಕಾರಿ ಸಾಫ್ಟ್ ವೇರ್ ಉದ್ಯೋಗ ಹೊಂದಿರುವ ಹುಡುಗನ ಕಥೆ ಇದಾಗಿದ್ದು, ನಂತರ ಬಾಳಲ್ಲಿ ಪ್ರವೇಶವಾದ ಹುಡುಗಿಯಿಂದ ಹೇಗೆ ಆತ ಬದಲಾಗುತ್ತಾನೆ ಎಂಬ ಕಥೆ ಎಂದಿದ್ದಾರೆ ನಿರ್ದೇಶಕರು. ಈ ಚಿತ್ರಕ್ಕೆ ಸಂಜೀವ ಮೆಗೋಟಿ ಸಂಗೀತ ನೀಡುತ್ತಿದ್ದಾರೆ. (ಒನ್ ಇಂಡಿಯಾ ಕನ್ನಡ)