ಕಲ್ಯಾಣ್ ಕುಮಾರ್ ಪುತ್ರನ ಯಕ್ಕಾ ಚಿತ್ರಕ್ಕೆ ಸೆನ್ಸಾರ್ ಅಸ್ತು

"ಇದು ಇಸ್ಪೀಟಲ್ಲಾ ಗುರು" ಎಂಬ ಅಡಿಬರಹ ಹೊಂದಿರುವ 'ಯಕ್ಕಾ' ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಯು ಅರ್ಹತಾಪತ್ರವನ್ನು ನೀಡಿದೆ. ಚಿತ್ರ ಸದ್ಯದಲ್ಲೇ ಬಿಡುಗಡೆಯಾಗಲಿದೆ. ನಾಗನಾಥಜೋಶಿ ನಿರ್ಮಿಸಿ ನಿರ್ದೇಶಿಸಿರುವ ಈ ಚಿತ್ರಕ್ಕೆ ಪ್ರೇಮಲತಾ.ಎನ್.ಜೋಶಿ ಕಾರ್ಯಕಾರಿ ನಿರ್ಮಾಪಕರಾಗಿದ್ದಾರೆ.

ಎಂ.ಎನ್.ಕೃಪಾಕರ್ ಸಂಗೀತ ನೀಡಿರುವ 'ಯಕ್ಕಾ' ಚಿತ್ರಕ್ಕೆ ಚಂದ್ರು ಬೆಳವಂಗಲರ ಛಾಯಾಗ್ರಹಣವಿದೆ. ಸಿ.ರವಿಚಂದ್ರನ್ ಸಂಕಲನ, ಆಕ್ಷನ್ ಮೂರ್ತಿ ಸಾಹಸ, ರಾಜ್ ದೇ, ಕಪಿಲ್ ನೃತ್ಯ ನಿರ್ದೇಶನವಿರುವ ಈ ಚಿತ್ರಕ್ಕೆ ರಾಜಶೇಖರ್ ಹೆಗಡೆ ಸಂಭಾಷಣೆ ಬರೆದಿದ್ದಾರೆ. ನಾಗನಾಥಜೋಶಿ ಹಾಗೂ ಸೋಮೇಶ್ ಚಿತ್ರದ ಗೀತೆಗಳನ್ನು ರಚಿಸಿದ್ದಾರೆ.

ಕನ್ನಡದ ಮೇರುನಟ ಕಲ್ಯಾಣ್‌ಕುಮಾರ್ ಅವರ ಪುತ್ರ ಭರತ್‌ಕಲ್ಯಾಣ್ ನಾಯಕನಾಗಿ ನಟಿಸಿರುವ ಈ ಚಿತ್ರದ ತಾರಾಬಳಗದಲ್ಲಿ ರಮೇಶ್‌ಪವಾರ್, ಸುಭಾಷಿಣಿ, ಡಾ.ಚಿಕ್ಕಹೆಜ್ಜಾಜಿ ಮಹದೇವ್, ಪ್ರಣಯಮೂರ್ತಿ, ಮಾಧವಿ, ಮಂಜುನಾಥ್, ಅಜಯ್ ಮುಂತಾದವರಿದ್ದಾರೆ.