ಬ್ರೇಕ್ ನಿರೀಕ್ಷೆಯಲ್ಲಿ ಚೆಲುವಿನ ಬೆಡಗಿ ಅಮೂಲ್ಯ

ಚೆಲುವಿನ ಚಿತ್ತಾರ ಬೆಡಗಿ ಅಮೂಲ್ಯ ಎಲ್ಲಿ? ಆ ಚಿತ್ರದ ಬಳಿಕ ಅಮೂಲ್ಯ ಎಲ್ಲೋ ಎತ್ತರಕ್ಕೆ ಏರಿ ಬಿಡುತ್ತಾರೆ ಎನ್ನುವುದು ಎಲ್ಲರ ಅಭಿಪ್ರಾಯವಾಗಿತ್ತು. ಆ ಸಿನೆಮಾ ಹುಟ್ಟಿಸಿದ ಕ್ರೇಜ್ ಹಾಗಿತ್ತು. ಆಟೋದಿಂದ ಹಿಡಿದು ಬಾರ್ ಅಂಡ್ ರೆಸ್ಟೋರೆಂಟ್ ವರೆಗೂ ಅಮೂಲ್ಯ ಫೋಟೋದ್ದೇ ಸುಗ್ಗಿ!

ಅಂತಹ ಅಮೂಲ್ಯ ಈಗ ಮನಸಾಲಜಿ ಚಿತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. ಈ ಚಿತ್ರದ ಸಕ್ಸಸ್ ಮೇಲೆ ಅಮೂಲ್ಯ ಅವರ ಮುಂದಿನ ಭವಿಷ್ಯ ನಿಂತಿದೆ. ಈ ಚಿತ್ರದ "ಏ ಮಂಕು ತಿಮ್ಮಾ..." ಎಂಬ ಹಾಡು ಈಗಾಗಲೆ ಹಿಟ್ ಆಗಿದೆ. ಅನೂಪ್ ಸೀಳಿನ ಸಂಗೀತ ವರ್ಕ್‌ಔಟ್ ಆಗಿದೆ.

ಅಂದಹಾಗೆ ಈ ಚಿತ್ರದ ನಾಯಕ ನಟ ಜೋಶ್ ಚಿತ್ರದ ರಾಕೇಶ್. ಅಮೂಲ್ಯ ಸೋದರ ನಿರ್ಮಿಸಿ ನಿರ್ದೇಶಿಸುತ್ತಿರು ಚಿತ್ರ. ಈ ಚಿತ್ರದ ಸಕ್ಸಸ್ ಹಾಗೂ ಫೈಲೂರ್ ಮೇಲೆ ಹಲವರ ಹಣೆಬರಹವೂ ನಿರ್ಧಾರವಾಗಲಿದೆ. ಮನಸಾಲಜಿ ಯಾವಾಗ ತೆರೆಗೆ ಬರುತ್ತದೆ ಎಂಬುದು ಇನ್ನೂ ಪಕ್ಕಾ ಆಗಿಲ್ಲ. (ಏಜೆನ್ಸೀಸ್)