ತಾಯಿಯೊಂದಿಗೆ ಚಾಮುಂಡೇಶ್ವರಿ ದರ್ಶನಕ್ಕೆ ದರ್ಶನ್!

ನಿನ್ನೆ ಬಿಡುಗಡೆಯ ತಕ್ಷಣವೇ ಚಾಮುಂಡಿ ಬೆಟ್ಟ ಹಾಗೂ ಧರ್ಮಸ್ಥಳಕ್ಕೆ ಹೋಗುವುದಾಗಿ ಅವರು ಸಂಕಲ್ಪ ಮಾಡಿದ್ದರಂತೆ. ಈ ವಿಷಯವನ್ನು ದರ್ಶನ್ ಸಹೋದರ ದಿನಕರ್ ಸ್ವತಃ ಮಾಧ್ಯಮಗಳಿಗೆ ತಿಳಿಸಿದ್ದರು. ಅದರಂತೆ ಇಂದು ದರ್ಶನ್ ತಾಯಿಯೊಂದಿಗೆ ದೇವಿ ಚಾಮುಂಡಿ ದರ್ಶನಕ್ಕೆ ತೆರಳಿದ್ದಾರೆ. ಅಲ್ಲಿ ದೇವಿಗೆ ಪೂಜೆ ಸಲ್ಲಿಸಲಿದ್ದಾರೆ.

ದರ್ಶನ್ ದಂಪತಿಗೆ ದರ್ಶನ್ ತಾಯಿ ಮೀನಾರೊಂದಿಗೆ ಈ ಮೊದಲು ಅಷ್ಟೇನೂ ಒಳ್ಳೆಯ ಸಂಬಂಧ ಇರಲಿಲ್ಲ ಎನ್ನುವ ಸುದ್ದಿ ಇತ್ತು. ಇದೀಗ ದರ್ಶನ್, ತಾಯಿಯೊಂದಿಗೆ ಚಾಮುಂಡಿಬೆಟ್ಟಕ್ಕೆ ಹೋಗುತ್ತಿರುವುದು ಅವರ ಕುಟುಂಬದ ಆಪ್ತವಲಯಕ್ಕೆ ಸಂತೋಷವನ್ನು ಉಂಟುಮಾಡಿದೆ.

ಅಷ್ಟೇ ಅಲ್ಲ, ಇಡೀ ಕುಟುಂಬ ಈ ಘಟನೆಯ ನಂತರ ಒಂದಾಗಿರುವುದು ಕುಟುಂಬದ ಆಪ್ತರಿಗಲ್ಲದೇ ಅವರ ಅಭಿಮಾನಿಗಳಿಗೂ, ಚಿತ್ರರಂಗದವರಿಗೂ ಹಾಗೂ ಕರ್ನಾಟಕದ ಎಲ್ಲ ಜನರಿಗೂ ಸಂತೋಷದ ಸಂಗತಿಯೇ ಸರಿ.