ಮುಖಪುಟ

ಸಿನಿ ಸಮಾಚಾರ

ಕನ್ನಡ ಚಿತ್ರಗಳ ಇತಿಹಾಸವನ್ನು ನೋಡಿದಾಗ ಕೆಲವು ಜನಪ್ರಿಯ ಜೋಡಿಗಳು ಥಟ್ಟನೆ ನೆನಪಾಗುತ್ತವೆ. ಅವರಲ್ಲಿ ಡಾ ರಾಜ್-ಭಾರತಿ, ವಿಷ್ಣುವರ್ಧನ್-ಸುಹಾಸಿನಿ, ಶಂಕರ್ ನಾಗ್-ಗಾಯತ್ರಿ, ಅನಂತ್ ನಾಗ್-ಲಕ್ಷ್ಮೀ, ಅಂಬರೀಷ್-ಅಂಬಿಕಾ ಹಾಗೇ ರಮೇಶ್ ಅರವಿಂದ್-ಅನು ಪ್ರಭಾಕರ್. ಇದೀಗ ರಮೇಶ್ ಹಾಗೂ ಅನುಪ್ರಭಾಕರ್ ಜೋಡಿ ಮತ್ತೊಮ್ಮೆ ತೆರಯ ಮೇಲೆ ಪ್ರೇಕ್ಷಕರೆದುರು ಪ್ರತ್ಯಕ್ಷವಾಗಲಿದ್ದಾರೆ.

ಇದೀಗ ಅವರಿಬ್ಬರೂ ಜೊತೆಯಾಗಿ ನಟಿಸಲಿರುವ ಚಿತ್ರ ತಂತುರು. ಮುಸ್ಸಂಜೆ ಮಹೇಶ್ ನಿರ್ದೇಶನದ ಈ ಚಿತ್ರದಲ್ಲಿ ರಿಷಿಕಾ ಸಿಂಗ್ ರಮೇಶ್ ಅವರ ತಂಗಿಯಾಗಿ ನಟಿಸಲಿದ್ದಾರೆ. ರಿಷಿಕಾ ಜೋಡಿಯಾಗಿ ಅನಿಲ್ ಕಾಣಿಸಿಕೊಳ್ಳಲಿದ್ದಾರೆ. ಇದೀಗ ಬೆಂಗಳೂರು ಹಾಗೂ ರಾಜ್ಯದ ಹಲವುಕಡೆ ತುಂತುರು ಚಿತ್ರಕ್ಕೆ ಭರದಿಂದ ಚಿತ್ರೀಕರಣ ಸಾಗುತ್ತಿದೆ.

ಈ ಜನಪ್ರಿಯ ಜೋಡಿ ರಮೇಶ್ ಹಾಗೂ ಅನು ಪ್ರಭಾಕರ್ ಜೋಡಿ, ಈ ಮೊದಲು ಶ್ರೀರಸ್ತು ಶುಭಮಸ್ತು, ಶಾಪ ಹಾಗೂ ಬಿಸಿಬಿಸಿ ಚಿತ್ರಗಳಲ್ಲಿ ಒಟ್ಟಾಗಿ ನಟಿಸಿದ್ದರು. ಇಬ್ಬರೂ ಪಾತ್ರಗಳಲ್ಲಿ ತಲ್ಲೀನರಾಗಿ ನಟಿಸಿ ಪ್ರೇಕ್ಷಕರ ಪ್ರಶಂಸೆ ಗಿಟ್ಟಿಸಿದ್ದರು. ಇಬ್ಬರಿಗೂ ರಾಜ್ಯ ಪ್ರಶಸ್ತಿ ಕೂಡ ದೊರೆತಿದೆ. ಇದೀಗ ಮತ್ತೆ ಈ ಜೋಡಿಯನ್ನು ನೋಡುವ ಭಾಗ್ಯ ತುಂತುರು ಮೂಲಕ ಮತ್ತೊಮ್ಮೆ ಪ್ರೇಕ್ಷಕರಿಗೆ ಲಭಿಸಲಿದೆ. (ಒನ್ ಇಂಡಿಯಾ ಕನ್ನಡ)