ವಿದ್ಯಾ ಬಾಲನ್ ನಿದ್ದೆ ಕೆಡಿಸಿದ ಪಾರದರ್ಶಕ ಬಿಕಿನಿ ಚಿತ್ರ

ಬಾಲಿವುಡ್ ತಾರೆ ವಿದ್ಯಾ ಬಾಲನ್ ಪಾರದರ್ಶಕ ಬಿಕಿನಿ ಚಿತ್ರಗಳಿಗೆ ಈಗ ಎಲ್ಲಿಲ್ಲದ ಡಿಮ್ಯಾಂಡಪ್ಪೋ ಡಿಮ್ಯಾಂಡ್. ವಿದ್ಯಾಬಾಲನ್ ಬಿಕಿನಿ ಚಿತ್ರಗಳನ್ನು ಕಣ್ತುಂಬಿಕೊಳ್ಳಲು ಚಿತ್ರರಸಿಕರು ಅಂತರ್ಜಾಲಕ್ಕೆ ಮುಗಿಬಿದ್ದಿದ್ದಾರೆ. ಆದರೆ ಆ ಚಿತ್ರಗಳು ಅಸಲಿಯಲ್ಲ ನಕಲಿ ಎಂಬುದು ತಡವಾಗಿ ಬೆಳಕಿಗೆ ಬಂದಿದೆ.

ಅಸಲಿಯೋ ನಕಲಿಯೋ ಎಂಬುದನ್ನು ತಲೆಕೆಡಿಸಿಕೊಳ್ಳದ ಪಡ್ಡೆಗಳು ವಿದ್ಯಾ ಬಾಲನ್ ಪಾರದರ್ಶಕ ಚಿತ್ರಗಳಿಗೆ ಕಣ್ಣುಗಳನ್ನು ಕೀಲಿಸಿದ್ದಾರೆ. ಈ ಬಿಕಿನಿ ಫೋಟೋಗಳನ್ನು ನೋಡಿದ ವಿದ್ಯಾ ಬಾಲನ್ ಅವರು ಶಾಕ್ ಆಗಿದ್ದು ಕಾಣದ ಕೈಗಳು ಸೃಷ್ಟಿಸಿದ ಗೊಂದಲಕ್ಕೆ ಹಿಡಿ ಶಾಪ ಹಾಕಿದ್ದಾರೆ. ಆದರೆ ಏನು ಮಾಡುವುದು ಅಷ್ಟರಲ್ಲಾಗಲೆ ಈ ಚಿತ್ರಗಳು ಪಡ್ಡೆಗಳ ನಿದ್ದೆ ಕೆಡಿಸಿವೆ.

ಈ ಹಿಂದೆ ಖುಷ್ಬು ಅವರ ಚಿತ್ರಗಳನ್ನೂ ತಿರುಚಿ ಅಶ್ಲೀಲವಾಗಿ ಪ್ರಕಟಿಸಲಾಗಿತ್ತು. 2009ರಲ್ಲಿ ಒಮ್ಮೆ ಸೆಲೀನಾ ಜೇಟ್ಲೆ ಅವರಿಗೂ ಇದೇ ಪರಿಸ್ಥಿತಿ ಎದುರಾಗಿತ್ತು. ಸುಮ್ಮನಿರದ ಸೆಲೀನಾ ಸೀದಾ ಕೋರ್ಟ್ ಮೆಟ್ಟಿಲೇರಿದ್ದರು. ಬಳಿಕ ಏನಾಯಿತು ಎಂಬುದು ಗೊತ್ತಾಗಲಿಲ್ಲ. ಈಗ ವಿದ್ಯಾ ಬಾಲನ್ ಸರದಿ ಎಂಬಂತೆ ಈ ಚಿತ್ರಗಳು ಇಂಟರ‍್ನೆಟ್‌ನಲ್ಲಿ ಸದ್ದಿಲ್ಲದಂತೆ ಸರಿದಾಡಿ ಸುದ್ದಿ ಮಾಡಿವೆ.