ತಮಿಳು ‘ಜೋಗಿ’ಗೆ ಜೋಡಿಯಾದ ರಮ್ಯಾ

ರಕ್ಷಿತಾ ಮದುವೆ ಗಲಾಟೆಯಲ್ಲಿದ್ದಾಳೆ... ರಕ್ಷಿತಾ ಮದ್ವೆ ವಿಷ್ಯ ಪತ್ರಿಕೆಗಳಲ್ಲಿ ಬಂದ ತಕ್ಷಣ ನಿರ್ಮಾಪಕರು, ಆಕೆ ಮನೆ ದಾರಿಯನ್ನು ಮರೆತಿದ್ದಾರೆ! ಇತ್ತ ರಕ್ಷಿತಾಳ ಒಂದು ಕಾಲದ ವೈರಿಯಾಗಿದ್ದ(ಈಗ ಗೆಳತಿಯರಂತೆ!)ರಮ್ಯಾಗೆ ಕೈತುಂಬ ಕೆಲಸ. ಈ ಮಧ್ಯೆ ಜೋಗತಿಯಾಗುವ ಅವಕಾಶ!

ಹೌದು, ಕಳೆದ ವರ್ಷ ಸ್ಯಾಂಡಲ್‌ವುಡ್‌ನಲ್ಲಿ ಸಂಚಲನಕ್ಕೆ ಕಾರಣವಾಗಿದ್ದ ‘ಜೋಗಿ’ ಚಿತ್ರ ತಮಿಳಿಗೆ ರೀಮೇಕ್‌ ಆಗುತ್ತಿದೆ. ಜೋಗಿ ಪಾತ್ರಧಾರಿ ಧನುಶ್‌ ಜೋಡಿಯಾಗಿ ರಮ್ಯಾ ನಟಿಸಲಿದ್ದಾರೆ. ಈ ಚಿತ್ರ ಗೆದ್ದರೆ, ರಮ್ಯಾ ಮೇಡಂ ಕನ್ನಡಕ್ಕೆ ಬರೋದು ಸ್ವಲ್ಪ ಅನುಮಾನವೇ?

ಅಂದ ಹಾಗೇ ತಮಿಳು ಚಿತ್ರರಂಗಕ್ಕೆ ರಮ್ಯಾ ಹೊಸಬರೇನಲ್ಲ... ಈ ಹಿಂದೆ ಸಿಲಂಬರಸನ್‌ ಜೊತೆ ‘ ಕುಟ್ಟು,’ ಮತ್ತು ಅರ್ಜುನ್‌ ಜೊತೆ ‘ಗಿರಿ’ ಚಿತ್ರದಲ್ಲಿ ರಮ್ಯಾ ಕಾಣಿಸಿಕೊಂಡಿದ್ದರು. ಬಹುದಿನಗಳ ನಂತರ ‘ಜೋಗಿ’ ಮೂಲಕ ವಿಶಿಷ್ಟ ಪಾತ್ರದೊಂದಿಗೆ ರಮ್ಯಾ ರೀ ಎಂಟ್ರಿ ಪಡೆಯುತ್ತಿದ್ದಾರೆ. ತಮಿಳರು ಹೇಗೆ ಸ್ವೀಕರಿಸುವರೇ ಗೊತ್ತಿಲ್ಲ.

ಯಾರಿವ ಧನುಶ್‌? : ತಮಿಳು ಚಿತ್ರರಂಗದಲ್ಲಿ ಧನುಶ್‌ಗೆ ಅವರದೇ ಆದ ಅಭಿಮಾನಿ ಬಳಗವಿದೆ. ‘ಪುಡುಪ್ಪೆಟೈ’ ಚಿತ್ರದ ಯಶಸ್ಸಿನ ನಂತರ, ತಮ್ಮ ಗೆಲುವಿನ ಸರಣಿ ಮುಂದುವರೆಸಲು, ಧನುಶ್‌ ಕಣ್ಣಿಟ್ಟಿರುವುದು ‘ಜೋಗಿ’ ಮೇಲೆ. ಅವ ಕೈಹಿಡಿಯಲಿ.

ಮುಖಪುಟ / ಸ್ಯಾಂಡಲ್‌ವುಡ್‌