Don't Miss!
- News ರಾಜ್ಯದ ವಿವಿಧೆಡೆ ಮಳೆರಾಯನ ಆರ್ಭಟ; ಕರ್ನಾಟಕದ ಪ್ರಮುಖ ಡ್ಯಾಂಗಳ ನೀರಿನ ಮಟ್ಟ ಎಷ್ಟು ? ಇಲ್ಲಿದೆ ಸಂಪೂರ್ಣ ವಿವರ
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಕ್ಸಾಫೀಸ್ ಗಳಿಕೆಯಲ್ಲಿ ಹೂಂಕರಿಸಿದ 'ಆಪ್ತರಕ್ಷಕ'
ಸಾಹಸ ಸಿಂಹ ವಿಷ್ಣುವರ್ಧನ್ ಅಭಿನಯದ ಮನೋಜ್ಞ ಚಿತ್ರ 'ಆಪ್ತರಕ್ಷಕ' ಅರ್ಧ ಶತಕ ಬಾರಿಸಿದೆ. ಈ ಮೂಲಕ ವರ್ಷದ ಮೊದಲ ಹಿಟ್ ಚಿತ್ರ ಎಂಬ ಖ್ಯಾತಿಗೆ ಪಾತ್ರವಾಗಿದೆ. ರಾಜ್ಯದ 75 ಕೇಂದ್ರಗಳಲ್ಲಿ 'ಆಪ್ತರಕ್ಷಕ' ಐವತ್ತು ದಿನಗಳನ್ನು ಪೂರೈಸಿದ್ದು ಬಾಕ್ಸಾಫೀಸ್ ಗಳಿಕೆಯಲ್ಲಿ ಹೂಂಕರಿಸಿದೆ. ಬೇಸಿಗೆ ರಜಾ ದಿನಗಳಲ್ಲಿ ಗಳಿಕೆ ಮತ್ತಷ್ಟು ಜಾಸ್ತಿಯಾಗುವ ಸಾಧ್ಯತೆಯಿದೆ.
ಕಳೆದ ಒಂದು ತಿಂಗಳಿಂದ ಶಾಲಾ ಕಾಲೇಜು ವಿದ್ಯಾರ್ಥಿಗಳಿಗೆ ಪರೀಕ್ಷಾ ಸಮಯ ಹಾಗೂ ಐಪಿಎಲ್ ಕ್ರಿಕೆಟ್ ಪಂದ್ಯಾವಳಿಗಳ ನಡುವೆಯೂ ಬಾಕ್ಸಾಫೀಸಲ್ಲಿ ಆಪ್ತರಕ್ಷಕನ ಅಬ್ಬರ ಜೋರಾಗಿಯೇ ಇದೆ ಎನ್ನುತ್ತವೆ ಮೂಲಗಳು. ಏತನ್ಮಧ್ಯೆ ತೆಲುಗಿನಲ್ಲಿ ವೆಂಕಟೇಶ್ ಮತ್ತು ಅನುಷ್ಕಾ ಶೆಟ್ಟಿ ಮುಖ್ಯಪಾತ್ರದಲ್ಲಿರುವ 'ಆಪ್ತರಕ್ಷಕುಡು' ಏಪ್ರಿಲ್ ತಿಂಗಳಲ್ಲೆ ಸೆಟ್ಟೇರಲಿದೆ.
ಸಿನಿಮಾ ಪಂಡಿತರ ಪ್ರಕಾರ,ಆಪ್ತರಕ್ಷಕ ಗಳಿಕೆ ರು.15 ಕೋಟಿ ಎನ್ನಲಾಗಿದೆ. ಸುಮಾರು ರು.10 ಕೋಟಿಯಷ್ಟು ಹಣ ಚಿತ್ರಮಂದಿರದ ಬಾಡಿಗೆ ಎಂದು ಲೆಕ್ಕ ಹಾಕಿದರೂ ಆಪ್ತರಕ್ಷಕನ ಒಟ್ಟು ಗಳಿಕೆ ರು.25 ಕೋಟಿ ಎಂದಾಗುತ್ತದೆ. ರಾಜ್ಯದಾದ್ಯಂತ ದಿನವೊಂದಕ್ಕೆ 275 ಪ್ರದರ್ಶನಗಳನ್ನು ಆಪ್ತರಕ್ಷಕ ಕಾಣುತ್ತಿದೆ. ಬೆಂಗಳೂರಿನ 14 ಚಿತ್ರಮಂದಿರಗಳಲ್ಲಿ ಕನಕವೃಷ್ಟಿ ಯಾಗುತ್ತಿದೆ.
ಆಪ್ತರಕ್ಷಕ ಐವತ್ತು ದಿನಗಳನ್ನು ಪೂರೈಸಿದ ನಿಮಿತ್ತ ವಿಷ್ಣು ಅಭಿಮಾನಿಗಳ ಸಂಭ್ರಮಕ್ಕೆ ಪಾರವೇ ಇರಲಿಲ್ಲ. ವಿಷ್ಣು ಕಟೌಟ್ ಗೆ ಕ್ಷೀರಾಭಿಷೇಕ, ಮಾಲಾರ್ಪಣೆ ಹಾಗೂ ಪಟಾಕಿ ಸಿಡಿಸುವ ಮೂಲಕ ತಮ್ಮ ನೆಚ್ಚಿನ ನಾಯಕನಿಗೆ ತುಂಬು ಅಭಿಮಾನವನ್ನು ಮೆರೆದಿದ್ದಾರೆ.