Don't Miss!
- News Neha Hiremath: ನೇಹಾ ಕೊಲೆ ಆರೋಪಿಗೆ ಗಲ್ಲು ಶಿಕ್ಷೆ ವಿಧಿಸಲು ಆಗ್ರಹಿಸಿ ಎಬಿವಿಪಿ ಪ್ರತಿಭಟನೆ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜಕುಮಾರ್ ರಿಮೇಕ್ ಚಿತ್ರದಲ್ಲಿ ನಟಿಸಲೇ ಇಲ್ವೇ? ಹೀಗೊಂದು ಚರ್ಚೆ
ಗುಬ್ಬಿ ವೀರಣ್ಣ ಗರಡಿಯಲಿ ಪಳಗಿದ ಸಿಂಗನಲ್ಲೂರು ಪುಟ್ಟಸ್ವಾಮಯ್ಯ ಮುತ್ತುರಾಜ್ , 1954 ರಲ್ಲಿ ಬೇಡರ ಕಣ್ಣಪ್ಪ ಚಿತ್ರದ ಮೂಲಕ ತನ್ನ ಸಿನಿಪಯಣ ಆರಂಭಿಸಿದರು. 2000 ಇಸವಿಯಲ್ಲಿ ಬಂದ ಅವರ ಕೊನೆಯ ಶಬ್ದವೇದಿ ಚಿತ್ರದ ವರೆಗಿನ ತನ್ನ 206 ಚಿತ್ರಗಳಲ್ಲಿ ಅಣ್ಣಾವ್ರು ರಿಮೇಕ್ ಚಿತ್ರದಲ್ಲಿ ನಟಿಸಿದ್ರಾ ಎಂದು ಹುಡುಕಿದರೆ ಅದಕ್ಕೆ ಎಸ್ ಅಥವಾ ನೋ ಎನ್ನುವ ಉತ್ತರ ಸಿಗುತ್ತದೆಯೇ ಹೊರತು ಕರಾರುವಕ್ಕಾದ ಉತ್ತರ ಸಿಗುವುದಿಲ್ಲ.
ಕೆಲವರ ಪ್ರಕಾರ ಡಾ.ರಾಜ್, ಬಿ ಸರೋಜಾದೇವಿ ನಟನೆಯ ಭಾಗ್ಯವಂತರು ಮಲಯಾಳಂ ಚಿತ್ರದ ರಿಮೇಕ್ ಚಿತ್ರ ಅನ್ನೋದು. ಹಾಗೆಯೇ ಶಂಕರನಾಗ್ ಜೊತೆ ನಟಿಸಿದ ಅಪೂರ್ವ ಸಹೋದರರು ಹಿಂದಿ ಚಿತ್ರದ ತರ್ಜುಮೆ, ನಾನೊಬ್ಬ ಕಳ್ಳ ಚಿತ್ರ ತಮಿಳು ಚಿತ್ರದ ರಿಮೇಕ್ ಎಂದು ಕೆಲವರು ವಾದ ಮಂಡಿಸಿದರೆ ಈ ಎಲ್ಲಾ ಚಿತ್ರಗಳು ಮೂಲ ಕಥೆಯ ಸ್ಫೂರ್ತಿ ಪಡೆದು ಚಿತ್ರ ನಿರ್ಮಿಸಿರಬಹುದೇ ಹೊರತು ರಾಜಕುಮಾರ್ ಯಾವ ರಿಮೇಕ್ ಚಿತ್ರದಲ್ಲೂ ನಟಿಸಲೇ ಇಲ್ಲ ಎನ್ನುವುದು ಅಸಂಖ್ಯಾತ ಕನ್ನಡ ಕುಲ ಕೋಟಿಗರ ಒಕ್ಕೂರಿಲಿನ ಅಭಿಪ್ರಾಯವಾದರೂ ಈ ಪ್ರಶ್ತ್ನೆಗೆ ಉತ್ತರ ಸಿಗದೇ ಹಾಗೆ ಉಳಿದುಕೊಂಡಿದೆ.
ಇತ್ತ , ಅಣ್ಣಾವ್ರ ಚಿತ್ರಗಳು ಬೇರೆ ಭಾಷೆಗೆ ರಿಮೇಕ್ ಆಗಿರುವ ಉದಾಹರಣೆ ಬೇಕಾದಷ್ಟು ಸಿಗ್ಗುತ್ತವೆ. ಅದರಲ್ಲಿ ಕೆಲವೊಂದು ಉದಾಹರಣೆಗಳೆಂದರೆ ಶಂಕರ್ ಗುರು ತಮಿಳು ಮತ್ತು ಹಿಂದಿಗೆ, ತ್ರಿಮೂರ್ತಿ ಚಿತ್ರ ತಮಿಳಿಗೆ, ಭೂಕೈಲಾಶ, ದಶಾವತಾರ, ಕಸ್ತೂರಿನಿವಾಸ, ತಾಯಿಗೆ ತಕ್ಕ ಮಗ, ನಾನಿನ್ನ ಮರೆಯಲಾರೆ, ಬಂಗಾರದ ಪಂಜರ, ಅನುರಾಗ ಅರಳಿತು, ಪ್ರೇಮದ ಕಾಣಿಕೆ ಮುಂತಾದ ಚಿತ್ರಗಳು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗೆ ಅಂದಕಾಲತ್ತಿಲ್ ರಿಮೇಕ್ ಆಗಿತ್ತು.
ಹತ್ತು ಬಾರಿ ಫಿಲಂಫೇರ್ ಪ್ರಶಸ್ತಿ (ದಕ್ಷಿಣ) ಪಡೆದಿದ್ದ ರಾಜ್ ಅವರ ಈ ಸಾಧನೆಯನ್ನು ಇತ್ತೀಚಿಗಷ್ಟೇ ಕಮಲಹಾಸನ್ ಮತ್ತು ಮಮ್ಮುಟ್ಟಿ ಸಮಗೈದಿದ್ದರು. ಡಾ. ರಾಜಕುಮಾರ್ ಅವರು ರಿಮೇಕ್ ಚಿತ್ರದಲ್ಲಿ ನಟಿಸಿದ್ದರೋ, ಇಲ್ವೋ ಎನ್ನೋ ಕುತೂಹಲ ಚರ್ಚೆಗೆ ನಿಮ್ಮನ್ನು ಆಹ್ವಾನಿಸುತ್ತಿದ್ದೇವೆ.
ಈ ಬಗ್ಗೆ ನಿಮಗೆ ಏನಾದರೂ ಮಾಹಿತಿ ಇದ್ದರೆ ಕಾಮೆಂಟ್ ವೇದಿಕೆಯಲ್ಲಿ ನಿಮ್ಮ ಅಭಿಪ್ರಾಯ ಹಂಚಿಕೊಂಡು ಈ ಡಿಬೇಟ್ ನಲ್ಲಿ ಭಾಗವಹಿಸಿ.