ಸೂಪರ್ ಮ್ಯಾನ್ ಆಗಿ ಪ್ರಜ್ವಲ್ ದೇವರಾಜ್

ಯುವ ನಟ ಪ್ರಜ್ವಲ್ ದೇವರಾಜ್ ಸೂಪರ್ ಮ್ಯಾನ್ ಆಗಿ ಬರುತ್ತಿದ್ದಾರೆ. ಬೆಂಗಳೂರು ಶ್ರೀನಗರದ ಶ್ರೀ ವೆಂಕಟೇಶ್ವರ ದೇವಸ್ಥಾನದಲ್ಲಿ ಶುಕ್ರವಾರ ಸೂಪರ್ ಮ್ಯಾನ್ ಚಿತ್ರ ಸೆಟ್ಟೇರಿದೆ. ಇದೊಂದು ಪ್ರೇಮ ಕಥಾ ಹಂದರವನ್ನು ಹೊಂದಿರುವ ಚಿತ್ರ ಎನ್ನುತ್ತಾರೆ ಪ್ರಜ್ವಲ್.

ಹಾಲಿವುಡ್ ನ ಸೂಪರ್ ಮ್ಯಾನ್ ಗೂ ನಮ್ಮ ಸೂಪರ್ ಮ್ಯಾನ್ ಚಿತ್ರಕ್ಕೂ ಯಾವುದೇ ಸಂಬಂಧ ವಿಲ್ಲ ಎಂದು ಪ್ರಜ್ವಲ್ ಸ್ಪಷ್ಟಪಡಿಸಿದರು. ನಾಯಕಿ ಪಾತ್ರವನ್ನು ಮೊಗ್ಗಿನ ಮನಸು ಚಿತ್ರದಲ್ಲಿ ನಟಿಸಿ ರಾಧಿಕಾ ಪಂಡಿತ್ ಪೋಷಿಸುತ್ತಿದ್ದಾರೆ. ಮಂಡ್ಯ ಜಿಲ್ಲೆಯ ಪ್ರಭಾಕರ್ ಈ ಚಿತ್ರವನ್ನು ಇದೇ ಮೊದಲ ಬಾರಿಗೆ ನಿರ್ದೇಶಿಸುತ್ತಿದ್ದಾರೆ. ಕನ್ನಡ ಚಿತ್ರರಂಗಕ್ಕೂ ಅವರಿಗೂ 10 ವರ್ಷಗಳ ಒಡನಾಟ.

ಎಂಟು ಹಾಡುಗಳನ್ನು ಒಳಗೊಂಡಿರುವ ಸೂಪರ್ ಮ್ಯಾನ್ ಚಿತ್ರಕ್ಕೆ 'ನಿನ್ನ ಪೂಜೆಗೆ ಬಂದೆ ಮಾದೇಶ್ವರ...' ಖ್ಯಾತಿಯ ರಘು ದೀಕ್ಷಿತ್ ಸಂಗೀತ ಸಂಯೋಜನೆ ಇದೆ. ಈ ಚಿತ್ರಕ್ಕೆ ಹೈ ಪಿಚ್ ನಲ್ಲಿ ನಾನು ಹಾಡುಗಳನ್ನು ಹಾಡಿಲ್ಲ ಎನ್ನುತ್ತಾರೆ ರಘು ದೀಕ್ಷಿತ್. ಚಿತ್ರದ ಐದು ಹಾಡುಗಳಿಗೆ ರಾಘವೇಂದ್ರ ಕಾಮತ್ ಸಾಹಿತ್ಯ ಸಿಂಚನವಿದೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)

ದಮ್ಮಯ್ಯ, ಕ್ಷಮಿಸಿ -ಪ್ರಜ್ವಲ್ ದೇವರಾಜ್
ಪತ್ರಕರ್ತರ ಮೇಲೆ ಪ್ರಜ್ವಲ್ ದೇವರಾಜ್ ಪ್ರತಾಪ!