ಸೆಕ್ಸಿ ಲುಕ್‌ನಲ್ಲಿ ಬಳುಕುವ ಬಳ್ಳಿ ರಾಗಿಣಿ ದ್ವಿವೇದಿ

ವೀರ ಮದಕರಿ, ಗಂಡೆದೆ, ಕೆಂಪೇಗೌಡ ನಾಯಕಿ ರಾಗಿಣಿ ದ್ವಿವೇದಿ ಈಗ ಸೆಕ್ಸಿ ಲುಕ್‌ನಲ್ಲಿ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಆಕೆ ಅಭಿನಯಿಸುತ್ತಿರುವ 'ಟಿಪ್ಪು' ಚಿತ್ರದಲ್ಲಿ ಹಿಂದೆಂದಿಗಿಂತಲೂ ಹಾಟ್ ಮತ್ತು ಸ್ಪೈಸಿಯಾಗಿ ಕಾಣಿಸಲಿದ್ದಾರಂತೆ. ವಿಶೇಷ ಎಂದರೆ ಈಕೆಯ ಸೆಕ್ಸಿ ಲುಕ್‌ಗೆ ಕಾರಣರಾದವರು ಈಕೆಯ ಸಹೋದರ.

ಈತ ಸಿಂಗಪುರದಲ್ಲಿ ಡಿಸೈನಿಂಗ್ ಕೋರ್ಸ್ ಮಾಡಿದ್ದು, ತಾನು ವಿನ್ಯಾಸಗೊಳಿಸಿದ ವಸ್ತ್ರಗಳನ್ನು ರಾಗಿಣಿ ಮೇಲೆ ಪ್ರಯೋಗಿಸಿದ್ದಾನೆ. ಅದು ವರ್ಕ್‌ಔಟ್ ಕೂಡ ಆಗಿದೆ. ಈ ಚಿತ್ರದ ನಾಯಕ ನಟ ಆದಿತ್ಯ. ಆಕ್ಷನ್, ಕಟ್ ಹೇಳುತ್ತಿರುವವರು ಎಂ ಎಸ್ ರಮೇಶ್.

ಸದ್ಯಕ್ಕೆ ಟಿಪ್ಪು ಚಿತ್ರೀಕರಣ ಬಿರುಸಿನಿಂದ ನಡೆಯುತ್ತಿದೆ. ಚಿತ್ರಕ್ಕಾಗಿ ವಿ.ಮನೋಹರ್ ಬರೆದಿರುವ 'ಬಿಟ್ಟು ಹೋದೋರೆಲ್ಲಾ ದಿಕ್ಕೆಟ್ಟು ನಿಂತೊವ್ರೆ' ಎಂದು ಆರಂಭವಾಗುವ ಹಾಡಿನ ಚಿತ್ರೀಕರಣ ಇತ್ತೀಚೆಗೆ ಮೈಸೂರಿನಲ್ಲಿ ನಡೆಯಿತು. ಆದಿತ್ಯ, ರಂಗಾಯಣರಘು, ಸಿಮ್ರಾನ್, ಕಮಲ ಹಾಗೂ ಶೊಭರಾಜ್ ಅಭಿನಯಿಸಿದ ಈ ಗೀತೆಗೆ ಮಾಲೂರು ಶ್ರೀನಿವಾಸ್ ನೃತ್ಯ ನಿರ್ದೇಶನ ಮಾಡಿದ್ದಾರೆ.

ರಂಗಾಯಣ ರಘು, ಶೋಭರಾಜ್, ಮಾಲತಿ ಸರ್ ದೇಶಪಾಂಡೆ, ಸಿಮ್ರಾನ್, ಕಮಲ, ಅವಿನಾಶ್ ಮುಂತಾದವರು ಈ ಚಿತ್ರದಲ್ಲಿ ಅಭಿನಯಿಸುತ್ತಿರುವ ಕಲಾವಿದರು. ಈ ಚಿತ್ರಕ್ಕೆ ಗುರುಕಿರಣ್ ಸಂಗೀತ ನೀಡುತ್ತಿದ್ದಾರೆ. ದಾಸರಿಸೀನು ಛಾಯಾಗ್ರಹಣ, ಎಸ್.ಮನೋಹರ್ ಸಂಕಲನ, ರಾಂಶೆಟ್ಟಿ ಸಾಹಸ ನಿರ್ದೇಶನ ಹಾಗೂ ಸೋಮಶೇಖರ್ ಮತ್ತು ಗಗನಮೂರ್ತಿ ನಿರ್ಮಾಣ ನಿರ್ವಹಣೆ 'ಟಿಪ್ಪು ಚಿತ್ರಕ್ಕಿದೆ. (ದಟ್ಸ್‌ಕನ್ನಡ ಸಿನಿವಾರ್ತೆ)